Site uses cookies to provide basic functionality.

OK
PSALMS
Prev Up Next
Chapter 60
Psal Esperant 60:1  Ho Dio, Vi forlasis nin, Vi disbatis nin; Vi koleris; rekonsolu nin.
Psal Esperant 60:2  Vi ekskuis la teron kaj fendis ĝin; Resanigu ĝiajn vundojn, ĉar ĝi ŝanceliĝas.
Psal Esperant 60:3  Vi sentigis al Via popolo pezan sorton; Vi trinkigis al ni vinon senkonsciigan.
Psal Esperant 60:4  Sed Vi donis standardon al tiuj, kiuj Vin timas, Por ke ili ĝin levu pro la vero. Sela.
Psal Esperant 60:5  Por ke liberiĝu Viaj amatoj, Helpu per Via dekstra mano, kaj aŭskultu min.
Psal Esperant 60:6  Dio diris en Sia sanktejo: Mi triumfos; Mi dividos Ŝeĥemon, kaj la valon Sukot Mi mezuros.
Psal Esperant 60:7  Al Mi apartenas Gilead, al Mi apartenas Manase; Efraim estas la forto de Mia kapo, Jehuda estas Mia sceptro.
Psal Esperant 60:8  Moab estas Mia lavopelvo; Sur Edomon Mi ĵetos Mian ŝuon; Super Filiŝtujo Mi triumfe krios.
Psal Esperant 60:9  Kiu enkondukos min en fortikigitan urbon? Kiu alkondukos min ĝis Edom?
Psal Esperant 60:10  Ĉu ne Vi, ho Dio, forlasis nin? Vi ne eliras, ho Dio, kun niaj militistaroj.
Psal Esperant 60:11  Donu al ni helpon kontraŭ la malamiko; Vanta estas helpo de homo.
Psal Esperant 60:12  Kun Dio ni faros heroaĵojn; Kaj Li dispremos niajn malamikojn.