DEUTERONOMY
Chapter 7
Deut | Aleppo | 7:1 | כי יביאך יהוה אלהיך אל הארץ אשר אתה בא שמה לרשתה ונשל גוים רבים מפניך החתי והגרגשי והאמרי והכנעני והפרזי והחוי והיבוסי—שבעה גוים רבים ועצומים ממך | |
Deut | Aleppo | 7:6 | כי עם קדוש אתה ליהוה אלהיך בך בחר יהוה אלהיך להיות לו לעם סגלה מכל העמים אשר על פני האדמה | |
Deut | Aleppo | 7:8 | כי מאהבת יהוה אתכם ומשמרו את השבעה אשר נשבע לאבתיכם הוציא יהוה אתכם ביד חזקה ויפדך מבית עבדים מיד פרעה מלך מצרים | |
Deut | Aleppo | 7:9 | וידעת כי יהוה אלהיך הוא האלהים האל הנאמן—שמר הברית והחסד לאהביו ולשמרי מצותו לאלף דור | |
Deut | Aleppo | 7:12 | והיה עקב תשמעון את המשפטים האלה ושמרתם ועשיתם אתם—ושמר יהוה אלהיך לך את הברית ואת החסד אשר נשבע לאבתיך | |
Deut | Aleppo | 7:13 | ואהבך וברכך והרבך וברך פרי בטנך ופרי אדמתך דגנך ותירשך ויצהרך שגר אלפיך ועשתרת צאנך על האדמה אשר נשבע לאבתיך לתת לך | |
Deut | Aleppo | 7:16 | ואכלת את כל העמים אשר יהוה אלהיך נתן לך—לא תחוס עינך עליהם ולא תעבד את אלהיהם כי מוקש הוא לך {ס} | |
Deut | Aleppo | 7:19 | המסת הגדלת אשר ראו עיניך והאתת והמפתים והיד החזקה והזרע הנטויה אשר הוצאך יהוה אלהיך כן יעשה יהוה אלהיך לכל העמים אשר אתה ירא מפניהם | |
Deut | Aleppo | 7:25 | פסילי אלהיהם תשרפון באש לא תחמד כסף וזהב עליהם ולקחת לך—פן תוקש בו כי תועבת יהוה אלהיך הוא | |