EXODUS
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
Chapter 24
| Exod | VulgCont | 24:1 | Moysi quoque dixit: Ascende ad Dominum tu, et Aaron, Nadab, et Abiu, et septuaginta senes ex Israel, et adorabitis procul. | |
| Exod | VulgCont | 24:2 | Solusque Moyses ascendet ad Dominum, et illi non appropinquabunt: nec populus ascendet cum eo. | |
| Exod | VulgCont | 24:3 | Venit ergo Moyses et narravit plebi omnia verba Domini, atque iudicia: responditque omnis populus una voce: Omnia verba Domini, quæ locutus est, faciemus. | |
| Exod | VulgCont | 24:4 | Scripsit autem Moyses universos sermones Domini: et mane consurgens ædificavit altare ad radices montis, et duodecim titulos per duodecim tribus Israel. | |
| Exod | VulgCont | 24:5 | Misitque iuvenes de filiis Israel, et obtulerunt holocausta, immolaveruntque victimas pacificas Domino, vitulos. | |
| Exod | VulgCont | 24:6 | Tulit itaque Moyses dimidiam partem sanguinis, et misit in crateras: partem autem residuam fudit super altare. | |
| Exod | VulgCont | 24:7 | Assumensque volumen fœderis, legit audiente populo: qui dixerunt: Omnia quæ locutus est Dominus, faciemus, et erimus obedientes. | |
| Exod | VulgCont | 24:8 | Ille vero sumptum sanguinem respersit in populum, et ait: Hic est sanguis fœderis quod pepigit Dominus vobiscum super cunctis sermonibus his. | |
| Exod | VulgCont | 24:9 | Ascenderuntque Moyses et Aaron, Nadab et Abiu, et septuaginta de senioribus Israel: | |
| Exod | VulgCont | 24:10 | et viderunt Deum Israel: et sub pedibus eius quasi opus lapidis sapphirini, et quasi cælum, cum serenum est. | |
| Exod | VulgCont | 24:11 | Nec super eos qui procul recesserant de filiis Israel, misit manum suam, videruntque Deum, et comederunt, ac biberunt. | |
| Exod | VulgCont | 24:12 | Dixit autem Dominus ad Moysen: Ascende ad me in montem, et esto ibi: daboque tibi tabulas lapideas, et legem ac mandata quæ scripsi: ut doceas eos. | |
| Exod | VulgCont | 24:14 | senioribus ait: Expectate hic donec revertamur ad vos. Habetis Aaron et Hur vobiscum: si quid natum fuerit quæstionis, referetis ad eos. | |
| Exod | VulgCont | 24:16 | Et habitavit gloria Domini super Sinai, tegens illum nube sex diebus: septimo autem die vocavit eum de medio caliginis. | |
| Exod | VulgCont | 24:17 | Erat autem species gloriæ Domini, quasi ignis ardens super verticem montis in conspectu filiorum Israel. | |