EXODUS
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
Chapter 27
| Exod | Kekchi | 27:1 | Ut te̱yi̱b ajcuiˈ jun li artal riqˈuin li cheˈ acacia. Te̱yi̱b chi ca̱ xucu̱t. Cuib metro riqˈuin o̱b xcaˈcˈa̱l centímetro xnimal li ru ut cuib metro riqˈuin o̱b xcaˈcˈa̱l centímetro xnimal li rok. Ut o̱b xcaˈcˈa̱l centímetro li xteram. | |
| Exod | Kekchi | 27:2 | Te̱yi̱b ca̱hib li xucub ut te̱qˈue saˈ lix ca̱ xucu̱til li artal. Chixjunil li artal rochben li xucub junaj ru nak te̱yi̱b ut te̱letz bronce chiru. | |
| Exod | Kekchi | 27:3 | Chixjunil li cˈaˈak re ru li ta̱cˈanjelak saˈ li artal re li mayej, aˈan yi̱banbilak riqˈuin bronce. Te̱yi̱b li chˈi̱chˈ re xxocbal li cha, ut te̱yi̱b li pala, joˈ ajcuiˈ li ni̱nki secˈ re xxocbal li quicˈ, ut li ganchos re xchapbal li tib joˈ ajcuiˈ lix naˈaj li ru xam. | |
| Exod | Kekchi | 27:4 | Ut te̱yi̱b ajcuiˈ riqˈuin bronce lix naˈaj li xam ut hopox ru te̱qˈue. Te̱yi̱b ajcuiˈ ca̱hib li argollas bronce ut te̱qˈue saˈ xca̱ xucu̱til li tusbil chˈi̱chˈ. | |
| Exod | Kekchi | 27:6 | Te̱yi̱b ajcuiˈ cuib li cheˈ ti̱c rix re xpakonquil li artal. Te̱yi̱b riqˈuin li cheˈ acacia ut te̱letz li bronce chirix. | |
| Exod | Kekchi | 27:7 | Ut te̱numsi li cheˈ aˈan saˈ li argolla li cuan saˈ xcaˈ pacˈalil li artal ut riqˈuin li cuib chi cheˈ te̱pako li artal. | |
| Exod | Kekchi | 27:8 | Ut hopho xsaˈ li artal li te̱yi̱b. Te̱yi̱b chi tzˈakal joˈ quincˈut cha̱cuu saˈ li tzu̱l. | |
| Exod | Kekchi | 27:9 | Te̱yi̱b ajcuiˈ lix neba̱l li tabernáculo. Te̱sut li neba̱l riqˈuin tˈicr yi̱banbil riqˈuin li bakbil nokˈ lino. Saˈ li jun pacˈal li nacana saˈ li sur o̱b roxcˈa̱l metro xnimal rok li tˈicr te̱qˈue. | |
| Exod | Kekchi | 27:10 | Te̱yi̱b junmay li okech riqˈuin bronce ut te̱yi̱b ajcuiˈ riqˈuin bronce junmay xnaˈajeb li okech re te̱qˈue cuiˈ. Li ganchos joˈ ajcuiˈ li argollas li te̱chap cuiˈ li tˈicr yi̱banbilak riqˈuin plata. | |
| Exod | Kekchi | 27:11 | Ut joˈcan cuiˈchic te̱ba̱nu saˈ li jun pacˈal jun chic li nacana saˈ li norte. O̱b roxcˈa̱l metro xnimal rok li tˈicr li te̱qˈue aran. Te̱yi̱b junmay li okech ut junmay lix naˈajeb te̱qˈue cuiˈ. Ut riqˈuin plata te̱yi̱b li ganchos ut li argollas li te̱qˈue cuiˈ li tˈicr. | |
| Exod | Kekchi | 27:12 | Li tˈicr li te̱qˈue saˈ li jun pacˈal chic li nacana saˈ xjayal li na-oc cuiˈ li sakˈe, cuib xcaˈcˈa̱l metro riqˈuin media lix nimal rok. Te̱yi̱b laje̱b li okech joˈ ajcuiˈ li laje̱b li xnaˈajeb li te̱qˈue cuiˈ li okech. | |
| Exod | Kekchi | 27:13 | Ut joˈcan ajcuiˈ bar cuan cuiˈ li oqueba̱l li nacana saˈ lix jayal li na-el cuiˈ chak li sakˈe. Aˈan cuib xcaˈcˈa̱l metro riqˈuin media lix nimal rok te̱qˈue. | |
| Exod | Kekchi | 27:14 | Chixcˈatk li oqueba̱l te̱qˈue oxib li okech ut oxib lix naˈaj li te̱qˈue cuiˈ. Ut cuukub metro xnimal rok li tˈicr li te̱qˈue chiru li okech. | |
| Exod | Kekchi | 27:15 | Ut saˈ li jun pacˈal chic re li oqueba̱l te̱qˈue li oxib chi okech ut oxib lix naˈaj li te̱qˈue cuiˈ ut te̱letz chiru li okech aˈan cuukub metro li tˈicr. | |
| Exod | Kekchi | 27:16 | Ut saˈ li oqueba̱l re li neba̱l te̱qˈue bele̱b metro li tˈicr yi̱banbil riqˈuin li nokˈ azul, li nokˈ púrpura ut li nokˈ cak ut riqˈuin li bakbil nokˈ lino. Cha̱bil xyi̱banquil lix sahob ru te̱qˈue. Ut te̱yi̱b ca̱hib li okech ut ca̱hib lix naˈaj li te̱qˈue cuiˈ. | |
| Exod | Kekchi | 27:17 | Chixjunil li okech li te̱sut cuiˈ li neba̱l cua̱nk lix argolla ut lix gancho yi̱banbil riqˈuin plata ut yi̱banbilakeb riqˈuin bronce lix naˈajeb li teˈqˈuehekˈ cuiˈ li okech. | |
| Exod | Kekchi | 27:18 | O̱b roxcˈa̱l (45) metro xnimal rok li neba̱l ut cuib xcaˈcˈa̱l metro riqˈuin media (22 1ˈ2) chiru ut chirix, ut cuib metro riqˈuin o̱b xcaˈcˈa̱l (45) centímetro xnajtil xteram. Ut li tˈicr li ta̱tzˈapok re li neba̱l yi̱banbilak riqˈuin bakbil nokˈ lino. Ut yi̱banbil riqˈuin bronce li xnaˈajeb li teˈqˈuehekˈ cuiˈ li okech. | |
| Exod | Kekchi | 27:19 | Chixjunil li cˈaˈak re ru ta̱cˈanjelak re lokˈoni̱nc saˈ li tabernáculo, te̱yi̱b riqˈuin bronce. Ut te̱yi̱b ajcuiˈ riqˈuin bronce chixjunil li chˈi̱chˈ li ta̱chapok re li cˈam saˈ chˈochˈ. | |
| Exod | Kekchi | 27:20 | Te̱ye reheb laj Israel nak junelic teˈxcˈam chak li cha̱bil aceite li na-el riqˈuin li ru li cheˈ olivo, li ta̱cˈanjelak chokˈ xyaˈal li candil re nak junelic lochlo̱k li candil li cuan saˈ li tabernáculo. | |
| Exod | Kekchi | 27:21 | Laj Aarón rochbeneb li ralal, aˈaneb li teˈilok re li candelero li cuan saˈ li Santil Naˈajej, li cuan chiru li tas li naramoc re li Lokˈlaj Santil Naˈajej, li cuan cuiˈ li Lokˈlaj Ca̱x. Teˈril nak junelic lochlo̱k chiru li Ka̱cuaˈ lix xamlel li candelero. Li chakˈrab aˈin tenebanbil saˈ xbe̱neb laj Israel joˈqueb ajcuiˈ li ralal xcˈajoleb re nak joˈcan teˈxba̱nu junelic. | |