EZEKIEL
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
Chapter 6
| Ezek | Kapingam | 6:3 | Hagi-anga-ina gi-nia gonduu o Israel bolo gi-hagalongo gi-nia mee ala e-helekai-iei-Au, go Tagi go Yihowah, ang-gi-nia gonduu, gowaa nnonua, gowaa daahaa, mo nia gowaa mehanga gonduu: Au ga-gaamai dagu hulumanu dauwa e-oho nia gowaa ala e-daumaha-ai nia daangada gi-nia ada balu-ieidu. | |
| Ezek | Kapingam | 6:4 | Nia gowaa hai tigidaumaha gaa-oho gi-lala, nia gowaa hai tigidaumaha kala ga-haga-mooho, nia daangada huogodoo o-nia gowaa aalaa la-ga-daaligi gi-daha i-mua nadau ada balu-ieidu. | |
| Ezek | Kapingam | 6:5 | Au ga-hagamodoho nnuaidina digau Israel ala guu-mmade; Au ga-hagamodoho nadau iwi huogodoo i-baahi nia gowaa dudu tigidaumaha. | |
| Ezek | Kapingam | 6:6 | Gei nia waahale o Israel la-gaa-oho gi-daha, gei nadau gowaa dudu tigidaumaha huogodoo mo nadau ada balu-ieidu ga-mooho hagaligiligi, nadau gowaa dudu tigidaumaha lolo-kala ga-mooho, nadau mee huogodoo ala ne-hai la-ga-hagalee. | |
| Ezek | Kapingam | 6:7 | Taaligi dangada gaa-hai i-nia gowaa huogodoo, gei digau ala gaa-dubu i-golo ga-iloo-laa bolo ma ko-Au go Dimaadua. | |
| Ezek | Kapingam | 6:8 | “Au ga-dumaalia ang-gi hunu gau gii-too gi-daha mo taaligi dangada, ga-haga-modoho digaula gi-nia henua i-daha, | |
| Ezek | Kapingam | 6:9 | go nia gowaa ala ga-noho-ai digaula. Gei digaula ga-maanadu Au, ga-iloo-laa bolo ma ko-Au dela ne-hagaduadua ginaadou, ga-hagatee ginaadou, idimaa i-di-nadau dee-manawa-dahi mo di-nadau diiagi Au, ala hua gu-hagalaamua go nadau ada balu-ieidu la ogu mua. Digaula gaa-bida hagauda-anga gi ginaadou di hagawelewele, idimaa di huaidu mo nnangaahai hai-gee ala ne-hai go ginaadou. | |
| Ezek | Kapingam | 6:10 | Digaula ga-iloo bolo ma ko-Au go Dimaadua gei agu helekai bolo Au ga-hagaduadua digaula la-hagalee di-mee balumee.” | |
| Ezek | Kapingam | 6:11 | Tagi go Yihowah ga-helekai, “Lialiagia oo lima! Duiduia oo wae! Dangidangi manawa-gee gi-di hai huaidu mo nnangaahai gulugulua o digau Israel ala ne-hai. Digaula gaa-mmade i tauwa, di hiigai damana mo tau-magi damana. | |
| Ezek | Kapingam | 6:12 | Digau ala gu-mogowaa gaa-mmade i tau-magi, gei digau ala e-hoohoo-mai gaa-mmade i tauwa, gei digau ala gaa-dubu i-golo gaa-mmade i-di hiigai. Digaula ga-longono nia mahi o dogu hagawelewele. | |
| Ezek | Kapingam | 6:13 | Nnuaidina digau mmade ga-modoho gi-daha i-baahi nadau ada balu-ieidu ge e-haganiga nadau gowaa dudu tigidaumaha, ga-modoho-adu gi tono nia gonduu mo i-di ulu nia gonduu, mo gi-lala nia laagau hoou, mo gi-lala nia laagau-‘oak’ llauehe, mo gi-hongo nia gowaa huogodoo ala e-dudu-ai nadau tigidaumaha gi nadau ada balu-ieidu. Digau huogodoo ga-iloo-laa bolo ma ko-Au go Dimaadua. | |