EPHESIANS
Chapter 1
Ephe | LinVB | 1:1 | Ngáí Pólo, apóstolo wa Yézu Krístu, lokóla Nzámbe alingí, natíndélí bandeko bayambí Krístu Yézu monkandá moye. | |
Ephe | LinVB | 1:3 | Bákúmisa Nzámbe Tatá wa Mokonzi wa bísó Yézu Krístu ! Ut’o likoló abenísí mpé atóndísí bísó na malámu mánso ma Elímo mpô ya Krístu. | |
Ephe | LinVB | 1:4 | Na bolingi asílí aponí bísó, naíno mokili mokelámí té, tózala basántu o míso ma yě, tózala na lisúmu té. | |
Ephe | LinVB | 1:5 | Na bolingi akánáká bandá kala ’te tókóma bána ba yě mpô ya Yézu Krístu : yě mǒkó alingákí bôngó | |
Ephe | LinVB | 1:6 | mpô tókúmisa nkémbo ya ngrásya ya yě, eye akabélí bísó elongó na Mwána wa yě wa bolingo. | |
Ephe | LinVB | 1:7 | Yě asikólí bísó na makilá ma yě, azwě lí bísó bolímbisi masúmu ; ngrásya êná elekí bonéne sôló. | |
Ephe | LinVB | 1:9 | Ayébísí bísó mobómbamo mwa motéma mwa yě, moye akánáká kokokisa na lisálisi lya Krístu. | |
Ephe | LinVB | 1:10 | Akokisa mwangó ntángo eleko ekokoka : ásangisa bikelámo bínso bya likoló mpé bya nsé o mabóko ma Mokonzi sé mǒkó, Krístu. | |
Ephe | LinVB | 1:11 | Sé mpô ya Krístu abéngí bísó ba-Yúda tózala bato ba yě ; aponókí bísó út’o kala lokóla akánáká, yě mǒkó akosálaka mánso sé lokóla alingí, | |
Ephe | LinVB | 1:12 | mpô ’te bísó, baye totíákí elíkyá na Krístu libosó, tókúmisa bonéne bwa nkémbo ya yě. | |
Ephe | LinVB | 1:13 | Sé mpô ya Krístu, bínó mpé bato ba bikólo bisúsu, áwa boyókí Liloba lya sôló, Nsango Elámu ya libíkí, mpé bokómí koyamba Krístu, Nzámbe akomí o mitéma mya bínó nkomá ya Elímo óyo alakélákí, yě ndé Elímo Sántu. | |
Ephe | LinVB | 1:14 | Na Elímo óyo alakélákí bísó, Nzámbe akobíkisa bísó bato ba yě ; ntángo mokolo mwangó mokokoka tokozwa malámu ma yě mánso, mpô tókúmisa nkémbo ya Nzámbe. | |
Ephe | LinVB | 1:17 | Nzámbe wa Mokonzi wa bísó Yézu Krístu, Tatá ntá nkémbo, ákabela bínó Elímo óyo akopésa bínó bwányá na mayéle mpô ’te bóyéba yě sôlósôló ! | |
Ephe | LinVB | 1:18 | Afungola míso mpé mitéma mya bínó mpô bómóno ’te bozalí na elíkyá enéne, áwa yě mǒkó abéngí bínó ; bóyéba mpé bonéne bwa nkémbo ya likabo bokozwa elongó na basántu. | |
Ephe | LinVB | 1:19 | Bóyéba ’te bonéne bwa ngúyá ya yě nsúka té bokosálaka mambí manéne o mitéma mya bísó baye toyambí yě. Ngúyá eye enéne, | |
Ephe | LinVB | 1:20 | asílí alakísí yangó o Krístu, áwa asékwísí yě o bawá mpé afándísí yě o lobóko la yě la mobáli o likoló. | |
Ephe | LinVB | 1:21 | Atómbólí yě likoló lya bilímo bínso bya Lokúmu, bya Ngúyá, bya Bokási mpé bya Bokonzi ; azwí mpé nkómbó elekí nkómbó ínso bakokí kotánga sikáwa mpé ikozala o bileko biye bikoyâ. | |
Ephe | LinVB | 1:22 | Atíí bínso o nsé ya makolo ma yě, mpé atómbólí yě, Motó mwa Eklézya, likoló lya bínso. | |