EXODUS
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
Chapter 24
| Exod | Kapingam | 24:1 | Dimaadua ga-helekai gi Moses, “Hanaga gi-di-Au i-hongo di gonduu, goodou mo Aaron, Nadab, Abihu mo nia dagi o Israel e-mada-hidu, lloo-aga gi-mada-tanga, ga-daumaha-mai gi-di-Au. | |
| Exod | Kapingam | 24:2 | Kooe-hua modogoe dela e-hanaga gi-hoohoo-mai gi-di-Au, gei digau ala i-golo, hudee lloo-aga gi-hongo di gonduu deenei.” | |
| Exod | Kapingam | 24:3 | Moses guu-hana gu-hagi-anga gi digaula nia helekai mono haganoho a Dimaadua ne-hai ang-gi deia, gei nia daangada guu-hai huogodoo di-nadau kai hua e-dahi boloo, “Gimaadou ga-hagakila nia haganoho huogodoo a Dimaadua ala gu-helekai-ai.” | |
| Exod | Kapingam | 24:4 | Moses gaa-hihi gi-lala nnelekai huogodoo a Dimaadua. Hagaluada-loo dono daiaa, gei mee ga-haga-duu dana gowaa dudu tigidaumaha i tono di gonduu deelaa, ga-haga-noho ana hadu e-madangaholu maa-lua i-di gowaa deelaa, e-pono nia madawaawa Israel e-madangaholu maa-lua. | |
| Exod | Kapingam | 24:5 | Geia ga-hagau ana dama-daane, e-dudu nadau mee e-tigidaumaha gi Dimaadua, ge e-daaligi nia kau-daane lligi be nnangaahai o tigidaumaha hagadaubuni. | |
| Exod | Kapingam | 24:6 | Moses ga-haga-hau dahi baahi e-lua o-nia dodo o-nia manu aalaa gi-lodo nia baisin, gei di baahi dela i-golo gaa-dui go mee gi-hongo di gowaa dudu-tigidaumaha deelaa. | |
| Exod | Kapingam | 24:7 | Nomuli gei mee ga-dahi-aga di Beebaa Haganoho gaa-dau gi digau dogologo aalaa, gei digaula ga-helekai, “Uaa, gimaadou ga-hai-hegau gi-nia haganoho huogodoo ala guu-hai go Dimaadua.” | |
| Exod | Kapingam | 24:8 | Moses guu-kae nia dodo ala nogo i-lodo nia baisin ga-hagatulutulu digaula gi-nia maa ga-helekai, “Aanei nia dodo ala e-hagamodongoohia bolo di hagababa le e-donu, dela ne-hai-adu go Dimaadua i dana gowadu nia haganoho huogodoo aanei gi goodou.” | |
| Exod | Kapingam | 24:9 | Moses, Aaron, Nadab, Abihu mo nia dagi e-mada-hidu o digau Israel ga-kaga-aga i-di gonduu, | |
| Exod | Kapingam | 24:10 | gei digaula gu-gidee-ginaadou di God o Israel. Lala nia babaawae o-Maa e-hai gadoo be-di ala-hadu dela ne-hai gi-nia hadu hagalabagau go nia ‘sapphire’, e-halatee be-di langi malamalama. | |
| Exod | Kapingam | 24:11 | God digi hagahuaidu-ina nia dagi o Israel aalaa. Digaula ne-mmada gi God, gei nomuli ga-miami ngaadahi. | |
| Exod | Kapingam | 24:12 | Dimaadua ga-helekai gi Moses, “Hanaga gi-di-Au i-hongo di gonduu deenei. Au ga-gowadu agu baahi-hadu e-lua ala guu-hihi ginai agu haganoho e-aago kooe ang-gi-nia daangada.” | |
| Exod | Kapingam | 24:13 | Moses ga-hagatogomaalia ia mo dono dangada hagamaamaa go Joshua, gei Moses gaa-hana gi-hongo di gonduu haga-madagu a God. | |
| Exod | Kapingam | 24:14 | Moses ga-helekai gi-nia dagi aalaa, “Goodou daalia i-ginei, gaa-dae-loo gi-di madagoaa dela ga-lloomoi-ai gimaua. Aaron mo Hur gaa-noho goodou, maa iai tangada e-hai dana mee haingadaa, geia gii-hana gi meemaa.” | |
| Exod | Kapingam | 24:15 | Moses gaa-hana gi-hongo di Gonduu Sinai, gei di gonduu la-guu-gahu go di gololangi. | |
| Exod | Kapingam | 24:16 | Di maahina o Dimaadua gu-i-hongo di Gonduu Sinai, gei di gonduu le e-gahu-hua go di gololangi i-lodo nia laangi e-ono, gei di hidu laangi, gei Dimaadua ga-gahigahi a Moses mai i-lodo di gololangi. | |
| Exod | Kapingam | 24:17 | Di maahina o Dimaadua le e-hai gadoo be-di ahi e-ulaula e-wele i tomo di gonduu deelaa ang-gi digau Israel. | |