ISAIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
Chapter 18
| Isai | Kekchi | 18:1 | Raylal ta̱cha̱lk saˈ xbe̱neb li cuanqueb saˈ li tenamit bar na-abiman cuiˈ xya̱beb li cocˈ xul. Raylal ta̱cha̱lk saˈ xbe̱n li tenamit Etiopía li cuan jun pacˈal eb li nimaˈ. | |
| Isai | Kekchi | 18:2 | Eb li takl nequeˈchal chak saˈ li tenamit aˈan. Nequeˈchal saˈ eb li jucub li yi̱banbileb riqˈuin bayal. Ex takl, ayukex cuiˈchic saˈ le̱ tenamit riqˈuineb li najt rokeb ut li chˈinaˈuseb. Sukˈinkex cuiˈchic saˈ le̱ tenamit li cau rib li nequeˈxucua̱c ruheb yalak bar, li tenamit li sutsu xbaneb li nimaˈ. | |
| Isai | Kekchi | 18:3 | ¡Qˈuehomak retal che̱junilex la̱ex li cuanquex saˈ ruchichˈochˈ! Nak ta̱taksi̱k jun li retalil saˈ xbe̱n li tzu̱l, ¡ilomak! Ut nak ta̱ya̱basi̱k li trompeta, ¡abihomak! | |
| Isai | Kekchi | 18:4 | Li Ka̱cuaˈ quixye cue: —Incˈaˈ tin-ecˈa̱nk nak tin-ilok chak saˈ choxa li nincuan cuiˈ. Tincuil cˈaˈru yo̱queb li tenamit. Chanchanakin li sakˈe nak tik tik ru nak ac xqˈue jun cˈasal li hab. Chanchanakin li chok li naxtˈakresi li pim saˈ sakˈehil, chan li Ka̱cuaˈ. | |
| Isai | Kekchi | 18:5 | Nak tojeˈ xtˈaneˈ li ratzˈum li uvas ut toj yo̱queb chi kˈanocˈ li ru nak toj ma̱jiˈ nequeˈxsicˈ li ru, ta̱cha̱lk junak ut tixyoqˈui li rukˈ li uvas. Joˈcan ajcuiˈ ta̱uxk e̱re la̱ex aj Etiopía. Eb li xicˈ nequeˈiloc e̱re teˈcha̱lk ut teˈxsach e̱ru. | |
| Isai | Kekchi | 18:6 | Ut eb le̱ tibel teˈcanaba̱k chi tˈantˈo̱queb saˈ eb li tzu̱l. Ut teˈtiˈekˈ xbaneb li soˈsol ut eb li joskˈ aj xul, joˈ saˈ sakˈehil joˈ ajcuiˈ saˈ li habalkˈe. | |
| Isai | Kekchi | 18:7 | Ta̱cuulak xkˈehil nak li nimajcual Dios ta̱qˈuehekˈ xma̱tan xbaneb li tenamit li ni̱nkeb rok ut chˈinaˈuseb li cuanqueb saˈ li naˈajej li sutsu xbaneb li nimaˈ. Eb li tenamit li cauheb rib, li nequeˈxucua̱c ruheb yalak bar teˈxcˈam xma̱tan saˈ li tzu̱l Sión bar nalokˈoni̱c cuiˈ li Ka̱cuaˈ li nimajcual Dios. | |