ISAIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
Chapter 46
| Isai | Kekchi | 46:1 | Nequeˈtˈaneˈ li dios Bel ut li dios Nebo li nequeˈxlokˈoniheb laj Egipto. Eb li dios aˈan i̱kanbileb xbaneb li bu̱r. Kˈaxal a̱l chokˈ reheb li bu̱r ri̱kanquileb xban nak ac tacuajenakeb chi i̱ka̱nc. | |
| Isai | Kekchi | 46:2 | Queˈcubsi̱c xcuanquileb ut queˈsacheˈ ruheb li yi̱banbil dios ut queˈcˈameˈ saˈ jalan tenamit rochbeneb li bu̱r. Incˈaˈ queˈru xcolbaleb rib. | |
| Isai | Kekchi | 46:3 | Li Dios quixye: —La̱ex li ralal xcˈajol laj Jacob, chine̱rabihak. Che̱junilex la̱ex laj Israel, li incˈaˈ xsacheˈ e̱ru, cherabi li cˈaˈru tinye e̱re. Nak toj ma̱jiˈ nequeˈxyoˈla chak, la̱in quin-iloc e̱re. La̱in quinberesin chak e̱re. | |
| Isai | Kekchi | 46:4 | La̱in junelic tin-ilok e̱re toj saˈ e̱ti̱xilal. Texcuil nak sak chic le̱ jolom. La̱in quinyoˈobtesin e̱re ut la̱in tin-ilok e̱re. La̱in tintenkˈa̱nk e̱re ut tincolok e̱re. | |
| Isai | Kekchi | 46:5 | ¿Ani aj iqˈuin tine̱juntakˈe̱ta? ¿Ma naru ta biˈ tine̱juntakˈe̱ta riqˈuin junak chic? Ma̱ ani aj iqˈuin naru niquine̱juntakˈe̱ta. | |
| Isai | Kekchi | 46:6 | Cuanqueb li nequeˈrisi lix oro saˈ lix bo̱ls ut nequeˈxbis li plata saˈ li bisleb. Nequeˈxqˈue li oro ut li plata re laj tenol chˈi̱chˈ re nak tixyi̱b jun lix dios. Chirix aˈan nequeˈxcuikˈib ribeb chiru ut nequeˈxlokˈoni. | |
| Isai | Kekchi | 46:7 | Nequeˈxpako saˈ xbe̱n xtel ut nequeˈxxakab saˈ xnaˈaj. Incˈaˈ naru ta̱e̱lk saˈ li naˈajej aˈan. Usta li cristian teˈxjap reheb chixtzˈa̱manquil xtenkˈanquil, abanan lix dios incˈaˈ tixsume. Lix dioseb incˈaˈ naru tixcoleb chiru li raylal li cuanqueb cuiˈ. | |
| Isai | Kekchi | 46:8 | Qˈuehomak retal aˈin, la̱ex aj ma̱c, ut chexxuta̱na̱k. Me̱balakˈi e̱rib. Checˈoxla chi us li xinye. | |
| Isai | Kekchi | 46:9 | Chijulticokˈ e̱re li cˈaˈru quicˈulman najter kˈe cutan. La̱in li Dios. Ma̱ jun chic dios cuan. Caˈaj cuiˈ la̱in ut ma̱ ani juntakˈe̱t cuiqˈuin. | |
| Isai | Kekchi | 46:10 | La̱in quinyehoc chak re cˈaˈru quicˈulman chalen saˈ xticlajic toj saˈ rosoˈjic. Chalen najter kˈe cutan la̱in quinyehoc re cˈaˈru ta̱cˈulma̱nk usta toj ma̱jiˈ nacˈulman. Li cˈaˈru ninye, aˈan li ta̱cˈulma̱nk. La̱in ninba̱nu chixjunil li cˈaˈru nacuaj. | |
| Isai | Kekchi | 46:11 | La̱in xinsicˈ ru jun li cui̱nk saˈ li oriente. Saˈ najtil tenamit ta̱cha̱lk. Chanchan jun li soˈsol nak tixsach ruheb li xicˈ nequeˈiloc e̱re. Li cˈaˈru xinye, aˈan li ta̱cˈulma̱nk. Li cˈaˈru xincˈu̱b ru, aˈan li tinba̱nu. | |
| Isai | Kekchi | 46:12 | Cherabihak li yo̱quin chixyebal la̱ex li cau e̱chˈo̱l, la̱ex li nequecˈoxla nak incˈaˈ texcolekˈ. | |