ISAIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
Chapter 61
| Isai | Kekchi | 61:1 | Lix musikˈ li nimajcual Dios cuan cuiqˈuin. Li Dios quixsicˈ cuu ut quinixtakla chixyebal li cha̱bil esil reheb li rahobtesinbileb. Quinixtakla chixtenkˈanquileb li cuanqueb saˈ raylal. Quinixtakla chixcolbaleb li cuanqueb chi pre̱xil joˈqueb ajcuiˈ li cuanqueb saˈ tzˈalam. | |
| Isai | Kekchi | 61:2 | Quinixtakla chixyebal resil nak ac xcuulac xkˈehil nak li Ka̱cuaˈ tixcoleb lix tenamit ut tixsach xcuanquileb li xicˈ nequeˈiloc re. Quinixtakla ajcuiˈ chixcˈojobanquil xchˈo̱leb li raheb saˈ xchˈo̱l. | |
| Isai | Kekchi | 61:3 | Quinixtakla chixqˈuebal li sahil chˈo̱lejil reheb li teˈya̱bak aran Sión re nak incˈaˈ chic rahak saˈ xchˈo̱leb. Tinqˈueheb xlokˈal chokˈ re̱kaj li cha. Tinqˈue li sahil chˈo̱lejil chokˈ re̱kaj li rahil chˈo̱lejil. Tebinqˈue chi bicha̱nc chokˈ re̱kaj li ya̱bac. Chanchanakeb li cheˈ li kˈaxal cau xban nak chˈolaninbileb xban li Ka̱cuaˈ ut teˈxba̱nu li ti̱quilal. Ut li Ka̱cuaˈ ta̱qˈuehekˈ xlokˈal riqˈuin li teˈxba̱nu. | |
| Isai | Kekchi | 61:4 | Teˈxyi̱b cuiˈchic li tenamit li ac jucˈbil junxil. Teˈxcuaclesiheb li cab li queˈpoˈi najter. Ut teˈxcuaclesi cuiˈchic li tenamit li quilajeˈtˈaneˈ najter. | |
| Isai | Kekchi | 61:5 | Eb li jalan xtenamit teˈcˈanjelak che̱ru. Aˈaneb teˈilok reheb le̱ queto̱mk. Teˈxtrabaji le̱ chˈochˈ ut teˈxcˈacˈale le̱ racui̱mk. | |
| Isai | Kekchi | 61:6 | Eb li tenamit teˈxye nak la̱ex aj tij ut aj cˈanjel chiru li Ka̱cuaˈ. La̱ex textzˈako̱nk riqˈuin lix biomaleb li jalan tenamit ut e̱re chic lix lokˈaleb. | |
| Isai | Kekchi | 61:7 | Xban nak kˈaxal cuiˈchic nabal li raylal ut li xuta̱n xecˈul, joˈcan nak kˈaxal nabal ajcuiˈ le̱ ma̱tan te̱cˈul. Caˈ sut xqˈuial le̱ lokˈal te̱cˈul nak cua̱nkex cuiˈchic saˈ le̱ naˈaj. Ut ta̱cua̱nk chi junelic xsahilal e̱chˈo̱l. | |
| Isai | Kekchi | 61:8 | La̱in li Ka̱cuaˈ Dios. Nacuulac chicuu li ti̱quilal ut xicˈ nacuil li elkˈac ut li ma̱c. Xban xti̱quilal inchˈo̱l la̱in tinqˈue xra̱baleb lin tenamit. Tinba̱nu jun contrato riqˈuineb ut xakabanbilak xcuanquil chi junelic. | |
| Isai | Kekchi | 61:9 | Ut eb li ralal xcˈajol lin tenamit naˈno̱keb chic ruheb xbaneb li jalan tenamit. Chixjunileb li teˈilok ruheb teˈxnau nak aˈaneb li cualal incˈajol ut osobtesinbileb inban, chan li Ka̱cuaˈ. | |
| Isai | Kekchi | 61:10 | Cˈajoˈ xsahil saˈ xchˈo̱leb laj Jerusalén xban li cˈaˈru quixba̱nu li Ka̱cuaˈ. Xcoleb ut xqˈueheb xti̱quilal xchˈo̱leb. Chanchan jun li cui̱nk xtikib rib chi us re ta̱sumla̱k ut chanchan li ixk li naxtikib rib chi cha̱bil nak ta̱xic chi sumla̱c. | |