ISAIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
Chapter 16
| Isai | Kekchi | 16:1 | La̱ex aj Moab, li cuanquex saˈ li chaki chˈochˈ Sela, taklahomakeb li carner re li rey li cuan saˈ li tzu̱l Sión. | |
| Isai | Kekchi | 16:2 | Eb laj Moab xeˈisi̱c saˈ lix naˈajeb chire li nimaˈ Arnón. Chanchaneb laj xicˈanel xul li queˈisi̱c saˈ eb lix soc. | |
| Isai | Kekchi | 16:3 | Nequeˈxye reheb laj Judá: —Yehomak ke cˈaˈru us takaba̱nu. Qˈuehomak kanaˈleb. Choe̱col joˈ jun li cheˈ naxqˈue li mu nak yo̱ xtikcual li sakˈe. La̱o yo̱co chi e̱lelic. Moe̱canab saˈ rukˈeb li xicˈ nequeˈiloc ke. | |
| Isai | Kekchi | 16:4 | Choe̱canab chi cua̱nc e̱riqˈuin. Choe̱col chiruheb li nequeˈraj kasachbal, chanqueb. Eb aˈan teˈsachekˈ ruheb ut ma̱ anihakeb chic li nequeˈrahobtesin ke. | |
| Isai | Kekchi | 16:5 | Saˈ eb li cutan aˈan jun reheb li ralal xcˈajol laj David ta̱oc chokˈ rey. Aˈan ta̱takla̱nk saˈ xbe̱neb li tenamit saˈ ti̱quilal ut tixraheb. Ta̱rakok a̱tin saˈ xya̱lal ut tixtenkˈaheb li tenamit chi cua̱nc saˈ ti̱quilal. | |
| Isai | Kekchi | 16:6 | Eb laj Judá nequeˈxye: —La̱o nakabi resil nak kˈaxal kˈetkˈeteb laj Moab. Nequeˈxnimobresi ribeb ut nequeˈxkˈetkˈeti ribeb. Abanan ma̱cˈaˈ rajbal nak nequeˈxnimobresi ribeb, chanqueb. | |
| Isai | Kekchi | 16:7 | Eb laj Moab teˈya̱bak xban li raylal li teˈxcˈul. Chixjunileb teˈya̱bak nak ta̱julticokˈ reheb lix tzacae̱mkeb yi̱banbil riqˈuin chaki uvas li xeˈxcuaˈ aran Kir-hareset. | |
| Isai | Kekchi | 16:8 | Quichakic lix naˈajeb li acui̱mk uvas li cuanqueb Hesbón ut Sibma. Queˈyekˈi̱c xbaneb li jalan xtenamiteb. Junxil li acui̱mk uvas queˈcuulac toj saˈ li tenamit Jazer. Queˈcuulac toj saˈ li chaki chˈochˈ ut toj saˈ li palau. | |
| Isai | Kekchi | 16:9 | Joˈcan nak ninya̱bac joˈ nequeˈya̱bac eb laj Jazer xban nak queˈsacheˈ li racui̱mk uvas. Ninya̱bac chi kˈaxal ra saˈ inchˈo̱l chirixeb laj Hesbón ut eb laj Eleale. Incˈaˈ chic teˈxjap reheb xban xsahil xchˈo̱leb nak teˈxsicˈ ru li racui̱mkeb. Aˈ chic li japoc e ta̱abi̱k nak yo̱k li ple̱t. | |
| Isai | Kekchi | 16:10 | Incˈaˈ chic teˈsahokˈ saˈ xchˈo̱leb nak yo̱keb chixsicˈbal ru li racui̱mkeb. Ma̱ ani chic ta̱bicha̱nk saˈ xnaˈajeb li uvas. Ma̱ ani chic ta̱yatzˈok uvas saˈ li yatzˈleb. Ma̱ ani chic na-ecˈan xban nak la̱in xcuisi lix sahil xchˈo̱leb. | |
| Isai | Kekchi | 16:11 | Narahoˈ inchˈo̱l xban li raylal li queˈxcˈul laj Moab. Nayotˈeˈ inchˈo̱l xban li raylal li queˈxcˈul laj Kir-hareset. | |
| Isai | Kekchi | 16:12 | Nequeˈxtacuasi ribeb laj Moab nak nequeˈxic saˈ li naˈajej li najt xteram chixlokˈoninquileb li jalanil dios. Ma̱cˈaˈ rajbal nak nequeˈxic chi tijoc chiru lix artaleb. | |