ISAIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
Chapter 25
| Isai | Kekchi | 25:1 | At Ka̱cuaˈ, la̱at lin Dios. Tinqˈue a̱lokˈal ut tinnima la̱ cˈabaˈ. Xban nak ti̱c a̱chˈo̱l, xaba̱nu li sachba chˈo̱lej li xacˈu̱b chak ru xba̱nunquil najter. | |
| Isai | Kekchi | 25:2 | Xasacheb ru li xni̱nkal tenamit ut xajuqˈueb li tzˈac li sutsu cuiˈ li nequeˈxcol cuiˈ rib li cuanqueb aran. Xapoˈ chi junaj cua eb li palacio li queˈxyi̱b li xicˈ nequeˈiloc ke. Ut ma̱ jokˈe chic ta̱ru̱k xyi̱banquileb. | |
| Isai | Kekchi | 25:3 | Joˈcan nak eb li tenamit li cauheb rib teˈxqˈue a̱lokˈal. Ut eb li tenamit li kˈaxal joskˈeb teˈxxucua a̱cuu. | |
| Isai | Kekchi | 25:4 | La̱at xatenkˈaheb li nebaˈ. Xatenkˈaheb li tenkˈa̱c nequeˈraj. Xacoleb chiruheb li joskˈ aj cristian li nequeˈrahobtesin reheb. Chanchan nak xacoleb chiru li cak-sut-ikˈ ut chiru xtikcual li sakˈe. | |
| Isai | Kekchi | 25:5 | Ta̱cubsi xcuanquileb li jalan xtenamit joˈ nak narisi xtikcual li sakˈe li chok saˈ junak li naˈajej chaki ru. Ta̱cubsi xcuanquileb li nequeˈxnimobresi ribeb. | |
| Isai | Kekchi | 25:6 | Saˈ li tzu̱l Sión li Ka̱cuaˈ li nimajcual Dios tixba̱nu jun li ni̱nkˈe re chixjunileb li xni̱nkal ru tenamit. Teˈxtzaca li cha̱bil tzacae̱mk ut teˈrucˈ li cha̱bil vino. | |
| Isai | Kekchi | 25:7 | Nak cua̱nkeb saˈ li tzu̱l Sión li Ka̱cuaˈ ta̱risi lix rahileb xchˈo̱l ut li raylal li cuanqueb cuiˈ. Ut incˈaˈ chic teˈrahokˈ saˈ xchˈo̱leb. | |
| Isai | Kekchi | 25:8 | Li nimajcual Dios ta̱risi xcuanquil li ca̱mc. Tixmes li xyaˈal ruheb. Ta̱risi lix xuta̱neb lix tenamit saˈ chixjunil li ruchichˈochˈ. Li Ka̱cuaˈ, aˈan li quiyehoc re aˈin. | |
| Isai | Kekchi | 25:9 | Saˈ li cutan aˈan eb li tenamit teˈxye: —Relic chi ya̱l li Ka̱cuaˈ, aˈan li kaDios. Xkacˈojob kachˈo̱l riqˈuin ut aˈan xcoloc ke. Aˈan li Ka̱cuaˈ li kaDios. Xkapa̱b li Dios ut anakcuan aˈan xcoloc ke. Joˈcan nak sa saˈ kachˈo̱l, chaˈakeb. | |
| Isai | Kekchi | 25:10 | Li cuanqueb saˈ li tzu̱l Sión li Ka̱cuaˈ ta̱colok reheb. Abanan eb li tenamit Moab teˈsachekˈ ruheb joˈ nak nayekˈi̱c li qˈuim saˈ li mul. | |
| Isai | Kekchi | 25:11 | Teˈxyeˈ li rukˈeb re xba̱nunquil li cˈaˈru nequeˈraj joˈ nequeˈxba̱nu li nequeˈnumxic. Abanan incˈaˈ teˈru̱k xban nak li Dios tixcubsi xcuanquileb. | |