ISAIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
Chapter 58
| Isai | Kapingam | 58:1 | Dimaadua e-helekai boloo, “Wwolowwolo gi-nua i godou mee ala e-mee! Hagi-anga-ina gi agu daangada Israel nadau huaidu! | |
| Isai | Kapingam | 58:2 | Digaula e-daumaha-mai gi-di-Au i-nia laangi huogodoo, e-haihai bolo ginaadou e-hagamahi gi-iloo-ginaadou ogu hangaahai mo-di haga-gila-aga agu haganoho. Digaula e-helekai bolo Au gi-wanga gi ginaadou nnaganoho ala e-donu, gei bolo digaula e-tenetene i di-nadau daumaha-mai gi-di-Au.” | |
| Isai | Kapingam | 58:3 | Digaula e-heheeu boloo, “Gidaadou belee hagaonge eiaha, be Dimaadua hagalee hila-mai? Gidaadou e-bida hila-gi-lala tadau meegai ai beleiaha, be Mee hagalee longono-Ia gidaadou!” Dimaadua e-helekai gi digaula boloo, “Goodou gi-iloo bolo di-godou madagoaa ma-ga-hagaonge, gei goodou e-bida-hai-hua godou hiihai, ge e-haga-daamaha godou gau ngalua. | |
| Isai | Kapingam | 58:4 | Di-godou hagaonge guu-hai goodou gi-hagamuamua, lagalagamaaloo ga-heheebagi. E-hai behee? Goodou e-hagamamaanadu bolo tagadilinga hagaonge beenei gaa-hai Au gi-hagalongo-adu gi godou dalodalo? | |
| Isai | Kapingam | 58:5 | Di-godou madagoaa ma-ga-hagaonge, goodou e-bida hagahuaidu-hua goodou, e-pala-iha godou libogo gi-lala-loo, gadoo be-di aalek dela ma-gaa-biga, gei goodou gaa-holo godou gahu lodo-huaidu, ga-haga-nonnono godou luaahi gi-no-lodo, gaa-lawa ga-kiikii i-lodo nia luaahi. E-hai behee? Goodou e-hagamaanadu bolo deelaa go di hai o-di hagaonge? Goodou e-hagamaanadu bolo Au e-hiihai gi-di hagadilinga dela beenei? | |
| Isai | Kapingam | 58:6 | “Gei deeai! Di hagadilinga hagaonge dela e-hiihai ginai Au, le e-hai beenei: Haga-mehede-ina nia daula-baalanga gi-daha mo digau ala ne-lawalawa, mo-di mee dela e-haga-daamaha di mouli o digau ala e-deemee di-hai nadau donu, gei gi-haga-mehede-ina digau ala e-noho i-lodo di haingadaa. | |
| Isai | Kapingam | 58:7 | Duhaa ngaadahi au meegai i digau ala e-hiigai, ge huge-ina doo hale gi digau hagaloale ala nadau hale ai, wanga-ina au goloo gi digau ala nadau goloo e-ulu ai, gei goe hudee diagia dau hagamaamaa oo gau donu. | |
| Isai | Kapingam | 58:8 | “Malaa, gei dogu manawa lamalia ga-haga-maalama-laa i oo nua be-di laa o-di luada, gei o lauwa ga-limalima ono hili. Au ga-madalia-laa goe ga-abaaba goe, gei Au ga-madalia goe, ga-abaaba goe i-nia madagoaa huogodoo. | |
| Isai | Kapingam | 58:9 | Do madagoaa ma-ga-dalodalo, gei Au ga-helekai-adu. Do madagoaa ma-ga-gahigahi-mai Au, gei Au ga-helekai boloo, ‘Deenei Au’. “Maa goe ma-gaa-dugu o haga-daamaha i digau ala i-golo, mono haga-ngalungalua balumee huogodoo, mono hagadilinga helekai huaidu, | |
| Isai | Kapingam | 58:10 | maa goe gaa-wanga nia meegai gi digau ala e-hiigai, ge ga-hagahumalia digau ala e-dee-dohu ang-gi ginaadou, gei di bouli dela i doo gili, gaa-huli gaa-hai di maalama o-di oodee o-di laangi. | |
| Isai | Kapingam | 58:11 | Gei Au gaa-dagi goe i-nia madagoaa huogodoo, gei e-hagahumalia goe gi-nia mee ala e-humalia, gei Au gaa-hai goe gi-maaloo, hagalee magi. Goe gaa-hai be-di hadagee dela e-iai nia wai e-logo no-lodo, be-di monowai uwa-aga dela hagalee maangoo. | |
| Isai | Kapingam | 58:12 | Au daangada ga-haga-duu-aga labelaa nia hale ala ne-mooho namua, gaa-hau labelaa gi-hongo di hagamau dela guu-lawa di-hau i-mua-loo. Goe ga-modongoohia bolo goe tangada dela e-hau haga-hoou nia abaaba mo nia hale ala ne-mooho i-mua.” | |
| Isai | Kapingam | 58:13 | Dimaadua e-helekai boloo, “Maa goe ga-hagadabu di Laangi-Sabad gii-dabu, ge hagalee halahala-hua au mee ala e-hiihai ginai goe i-di laangi deelaa, maa goe gaa-hai dagu laangi dabu gii-hai di laangi haga-tenetene ge e-hagalaamua di-maa, hagalee heehee gi-daha, be e-ngalua, be e-helehelekai huaidu i-lodo di laangi deelaa, | |