ISAIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
Chapter 6
| Isai | Kapingam | 6:1 | I-lodo di ngadau o-di king go Uzziah ne-made-ai, au guu-mmada gi Tagi dela nogo noho i-hongo dono lohongo-king i-di gowaa aamua ge nnoo-nua, gei dono gahu le e-haga-honu i-lodo di Hale Daumaha. | |
| Isai | Kapingam | 6:2 | I-di gili o-Maa e-tuu-ai nia manu ulaula e-haga-daagoli a-Mee, di manu e-dahi e-ono ono bakau. Nia manu aanei e-gahu nadau golomada gi nadau bakau dagi-lua, mo nadau huaidina e-gahu gi nadau bakau dagi-lua, ge e-hai-hegau gi-nia bakau dagi-lua ala i-golo e-maangi-ai. | |
| Isai | Kapingam | 6:3 | Nia maa e-hagadau wwolowwolo i nadau mehanga boloo, “E-dabu, e-dabu, e-dabu! Dimaadua go di Gowaa Aamua e-dabu! Dono madamada e-haga-honu henuailala.” | |
| Isai | Kapingam | 6:4 | Nia lee o nadau wwolowwolo la-guu-hai di hagamau o-di Hale Daumaha gii-bole, gei di Hale Daumaha gu-haga-honu gi-nia huiahi. | |
| Isai | Kapingam | 6:5 | Au ga-helekai, “Deai di hagadagadagagee mai gi-di-au ai! Au gu-iai di haadanga-balua idimaa nia helekai ala e-lloomoi i dogu malau-ngudu le e-huaidu huoloo, gei au e-noho i-baahi nia daangada ala iai nia helekai huaidu, gei au guu-mmada gi-di King, go Dimaadua di Gowaa Aamua.” | |
| Isai | Kapingam | 6:6 | Malaa, di manu e-dahi i-nia manu ulaula aalaa ga-maangi-ia gi-di-au, e-dagidagi dana malala-gaa dela ne-kae go mee i-di gowaa dudu-tigidaumaha gi-di mee kabi-mee. | |
| Isai | Kapingam | 6:7 | Mee ga-hagatale mai di malala-gaa deelaa gi ogu malau-ngudu, ga-helekai-mai, “Di mee deenei guu-tale i o malau-ngudu, malaa, dolomeenei oo hala la-gu-hagalee, gei o huaidu la-gu-maahede.” | |
| Isai | Kapingam | 6:8 | Gei au ga-hagalongo gi Tagi e-helekai, “Ma koai dela e-hagau ko-Au? Ma koai dela e-hai tangada kae-hegau?” Gei au ga-helekai, “Ko-au dela gaa-hana! Hagau-ina au!” | |
| Isai | Kapingam | 6:9 | Malaa, gei Mee ga-hai-mai gi-di-au gii-hana gi-nia daangada Israel, gi hagi-anga-ina nia helekai aanei boloo, “Ma e-aha maa goodou ga-longono, gei goodou hagalee modongoohia. Ma e-aha maa goodou ga-gidee, gei goodou hagalee iloo be nia maa ni aha ne-hai.” | |
| Isai | Kapingam | 6:10 | Gei Mee ga-helekai-mai gi-di-au, “Heia nia maanadu digau aanei gi-hinihini, nadau dalinga gi longoduli, mo nadau golomada gi-dee gida, bolo gi-deemee di-gidee be e-longono be e-modongoohia. Maa nei bolo digaula ne-mee, gei digaula gu-huli-mai gi di-Au gu-haga-hili ginaadou.” | |
| Isai | Kapingam | 6:11 | Au ga-heeu, “Meenei Tagi, ma e-duai behee go di-mee beenei?” Gei Mee ga-helekai-mai, “Gaa-dae-loo gi-nia waahale ma-ga-mooho gaa-hai di anga-guongo, gaa-dae-loo gi-nia hale ma-ga-diiagi, gaa-dae-loo gi nia gowaa ma-gaa-mmade. | |
| Isai | Kapingam | 6:12 | Au ga-hagau nia daangada gii-hula gi-daha-loo mo-di gowaa, gaa-hai-laa tenua hagatau gii-mmade. | |