ISAIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
Chapter 21
| Isai | Kapingam | 21:1 | Deenei telekai di hai o Babylon. Gadoo be di niga o-di madangi dela e-hagamadammaa di anggowaa, di haingadaa damana ga-hanimoi i tenua hagamadagudagu dangada. | |
| Isai | Kapingam | 21:2 | Au guu-hai dagu moe i-nia mee huaidu e-gila-aga, e-mmada gi tangada e-wanga dono dangada donu e-hagahuaidu, e-mmada gi-di taaligi. Digau dauwa Elam, goodou heebagi! Digau dauwa Media, duuli-ina nia waahale! God ga-hagalawa di hagaduadua Babylon dela ne-hai. | |
| Isai | Kapingam | 21:3 | Dagu mee ne-mmada ge ne-longono-eau i-lodo di moe la-gu-hagamadagudagu au huoloo, ge gu-hagammaemmae au, be di mmae o-di ahina haidama. | |
| Isai | Kapingam | 21:4 | Dogu libogo guu-niga, gei au gu-bolebole madagu. Au gu-hiihai bolo di hiahi la-gi-dau-mai, gei di-maa digi hai ana mee, go di madagu hua. | |
| Isai | Kapingam | 21:5 | I-lodo di moe, di hagamiami gu-hagatogomaalia, nia gahala guu-holo e-noho-ai digaula. Digaula e-miami ge inuinu, dahi hagailoo gaa-hai boloo, “Nia dagi gi-hagatogomaalia-ina hagalimalima godou goloo abaaba heebagi!” | |
| Isai | Kapingam | 21:6 | Di Tagi ga-helekai-mai, “Hana, hagaduu-ina tangada hagaloohi, helekai gi-mee gi-haga-iloo-ina-mai nia mee ala ma-gaa-mmada ginai eia. | |
| Isai | Kapingam | 21:7 | Maa ia ga-gidee nia daangada e-lloomoi i-hongo nia hoodo dau dogolua, mo nia daane e-lloomoi i-hongo nia ‘donkey’ mono ‘camel’, mee gii-mmada gi-humalia.” | |
| Isai | Kapingam | 21:8 | Tangada hagaloohi gaa-wolo gi-nua, ga-helekai, “Meenei, au nogo hagaloohi di gowaa deenei i-di boo mo-di aa.” | |
| Isai | Kapingam | 21:9 | Digi duai, gei aanei digaula gu-lloomoi i-hongo nia hoodo dau dogolua. Tangada hagaloohi ga-hagi-mai di longo boloo, “Babylon la-gu-mooho! Nia ada-mee ala nogo daumaha ginai digaula la-gu-momooho dagidahi gi-hongo di gelegele.” | |
| Isai | Kapingam | 21:10 | Agu daangada Israel, goodou gu-nogunogu be nia huwa laagau palaawaa, malaa dolomeenei, au e-hagailoo-adu di longo humalia dela ne-hagalongo ginai au i-baahi Dimaadua di Gowaa Aamua, di God o Israel. | |
| Isai | Kapingam | 21:11 | Deenei telekai di hai o Edom. Dahi dangada e-wolo ia i Edom gi-di-au boloo, “Tangada hagaloohi, di boo le e-lawa ma-gaa-hee? Hagia-mai be ma e-aa ma-gaa-hee.” | |
| Isai | Kapingam | 21:12 | Au ga-helekai gi-mee, “Ma-gu-aa, gei di boo le e-hanimoi labelaa. Maa goe e-hiihai e-heeu labelaa, hanimoi gi-muli e-heeu.” | |
| Isai | Kapingam | 21:13 | Deenei telekai di hai o Arabia. Nia daangada o Dedan, goodou ala e-heehee dagadagabuli i-lodo di anggowaa i-lodo tenua Arabia, | |
| Isai | Kapingam | 21:14 | haga-inumia digau hieinu ala e-lloo-adu. Goodou digau tenua Tema, haangai-ina digau ala e-llele gi-daha gi-mouli digaula. | |
| Isai | Kapingam | 21:15 | Nia daangada e-llele gi-daha mo nia hulumanu dauwa ala gu-togomaalia belee daaligi ginaadou, gi-daha mo nia maalei ala gu-togomaalia belee puupuu ginaadou, gi-daha mo nia hagalliga o tauwa. | |
| Isai | Kapingam | 21:16 | Di Tagi ga-helekai-mai, “I-lodo-hua di ngadau e-dahi, di mogobuna di madawaawa Kedar ga-hagaodi. | |