ISAIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
Chapter 61
| Isai | Kapingam | 61:1 | Di Tagi go Yihowah ne-haga-honu au gi dono Hagataalunga. Mee ne-hilihili au ge ne-hagau-mai au belee hagadeledele di Longo-Humalia gi digau hagaloale, ge haga-manawa lamalia digau ala gu-manawa-haga-daamaha, ge e-hagadele ang-gi digau ala nogo lawalawa bolo digaula la-gi-maahede, mo ang-gi digau ala nogo i-lodo nia hale galabudi bolo digaula la-gi-maahede. | |
| Isai | Kapingam | 61:2 | Mee ne-hagau-mai au belee haga-modongoohia bolo di madagoaa dela ga-haga-mouli-ai Dimaadua ana daangada la-gu-dae-mai, gei Mee ga-haga-magedaa nia hagadaumee digaula. Mee ne-hagau-mai au belee haga-manawa lamalia digau huogodoo ala e-lodo-huaidu, | |
| Isai | Kapingam | 61:3 | ge belee wanga gi digau ala e-lodo-huaidu i Zion di tenetene mo-di manawa lamalia, ge e-huli nadau manawa-gee, e-wanga gi digaula taahili hagaamu, e-huli nadau lodo-huaidu. Digaula gaa-hai be nia laagau ala ne-bida dogi-hua go Dimaadua. Digaula huogodoo gaa-hai nia mee ala e-donu. Gei nia daangada ga-hagaamu Dimaadua i ana mee ala ne-hai. | |
| Isai | Kapingam | 61:5 | Agu daangada-nei, digau mai-i-daha ga-hai-hegau adu gi goodou. Digaula ga-madamada humalia i au siibi, gaa-dogi godou gowaa, ga-huwahuwa i godou hadagee-waini. | |
| Isai | Kapingam | 61:6 | Gei goodou ga-modongoohia bolo goodou nia daangada hai-mee-dabu ni Dimaadua, nia daangada hai-hegau ni tadau God. Gei goodou gaa-tene gi-nia maluagina o-nia henua llauehe, gaa-bida hagaamu goodou bolo ma nia mee ni goodou. | |
| Isai | Kapingam | 61:7 | Godou langaadia mo godou tee la-ga-haga-lawa. Goodou gaa-noho i-lodo godou guongo donu, gei godou maluagina la-gaa-dua-lua, gei godou tenetene ga-waalooloo gaa-hana-hua beelaa. | |
| Isai | Kapingam | 61:8 | Dimaadua e-helekai boloo, “Au e-aloho i-di tonu, gei Au e-hudi dogu wou gi-di haga-haingadaa mo nia hai huaidu. Au ga-manawa-dahi i dagu hui agu daangada, gaa-hai dagu hagababa modudahi dee-odi gi digaula. | |
| Isai | Kapingam | 61:9 | Digaula gaa-hai digau e-dau i-mehanga nia henua llauehe. Digau huogodoo ala ga-gidee-ginaadou digaula ga-iloo bolo aalaa go agu daangada ala ne-haga-maluagina ko-Au.” | |
| Isai | Kapingam | 61:10 | Jerusalem e-hagaamu Dimaadua i ana mee ala ne-hai. Mee e-ulu ono goloo be tama-ahina ma-gaa-hai dono lodo. Dimaadua ne-haga-gahu a-mee gi-di hagamouli mo-di aali. | |