ISAIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
Chapter 62
| Isai | Kapingam | 62:1 | Au ga-helekai e-hagamaaloo-aga Jerusalem, au hagalee noho deemuu gaa-dae-loo gi-di madagoaa a-mee gu-dagaloaha, dono aali ga-dabadaba be di ulaula di malama i-di boo. | |
| Isai | Kapingam | 62:2 | Jerusalem, nia henua ga-gidee doo aali! Nia king huogodoo ga-gidee do madamada. Goe ga-hagaingoo gi-di ingoo hoou, di ingoo ne-gowadu-hua go Dimaadua. | |
| Isai | Kapingam | 62:4 | Goe ga-hagalee hagaingoo labelaa bolo “Di Anga Gowaa”, do henua ga-hagalee hagaingoo bolo “Di Ahina Hai-lodo ne-Diiagi”. Do ingoo hoou gaa-hai bolo “God e-Manawa Tene gi-Mee”. Do henua ga-hagaingoo bolo “Tenetene Haga-hai-lodo”, idimaa, Dimaadua e-tenetene adu gi-di-goe, gaa-hai be taane hai-lodo ni do henua. | |
| Isai | Kapingam | 62:5 | Gadoo be tama-daane e-lahi tama-ahina madammaa e-hai-lodo gi mee, Mee dela ne-hai goe ga-hai-lodo adu gi-di-goe. Gadoo be taane hai-lodo dela e-tenetene gi dono lodo, gei doo God ga-tenetene adu gi-di-goe. | |
| Isai | Kapingam | 62:6 | Jerusalem, au ga-haganoho digau dauwa hagaloohi i-hongo au abaaba. Digaula e-hagalee hai gii-noho deemuu i-di aa mo-di boo. Digaula e-hai-loo gi-haga-langahia gi Dimaadua i ana hagababa, hudee dugu-anga gi-Mee gi-de-langahia nia maa. | |
| Isai | Kapingam | 62:7 | Digaula gi-hudee heia a-Mee gi-haga-molooloo gaa-dae-loo gi dana hagahumalia labelaa Jerusalem, e-hai di-maa gii-hai di waahale e-hagaamu go henuailala hagatau. | |
| Isai | Kapingam | 62:8 | Dimaadua guu-hai dana hagababa aga i-lodo dono manawa, mai ono mogobuna Mee ga-hagagila di-maa: “Godou huwa-laagau ga-hagalee hai nia meegai ni godou hagadaumee, gei digau nnenua mai i-daha ga-hagalee inu labelaa godou waini. | |
| Isai | Kapingam | 62:9 | Malaa, goodou ala ne-dogi gaa-hagi nia huwa o godou laagau, goodou gaa-gai godou palaawaa, ga-hagaamu Dimaadua. Goodou ala nogo ngalua gaa-hagi godou ‘grape’, goodou ga-inu godou waini i-lodo di abaaba o dogu Hale Daumaha.” | |
| Isai | Kapingam | 62:10 | Nia daangada o Jerusalem, hula gi-daha mo-di waahale, hauhia di ala ang-gi au daangada ala e-lloomoi labelaa gi-muli! Hagatogomaalia-ina di ala damana, hagamadammaa-ina nia hadu gi-daha! Daudau-ina gi-nua di hagailoo gii-iloo nia henua | |
| Isai | Kapingam | 62:11 | bolo Dimaadua e-haga-iloo gi henuailala hagatau: “Hagi-anga-ina gi-nia daangada o Jerusalem bolo Dimaadua e-hanimoi, e-haga-dagaloaha goodou, e-lahamai dalia eia ana daangada ne-hagamouli.” | |