ISAIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
Chapter 24
| Isai | Kapingam | 24:1 | Dimaadua ga-daaligi gi-daha henuailala gaa-hai di anggowaa. Mee ga-haga-haagee di baba henuailala, gaa-hai nia daangada gii-noho dagidahi laa-lodo henua. | |
| Isai | Kapingam | 24:2 | Nia daangada huogodoo ga-hagaodi be di-mee e-dahi: digau hai-mee-dabu mo nia daangada, nia hege mo nadau dagi, digau ala e-hui nadau goloo mo digau ala e-huihui gi-daha nadau goloo, digau ala e-wanga nadau bahihadu e-boibana gi digau ala i-golo mo digau ala e-kae nia bahihadu mai digaula, digau maluagina mo digau hagaloale. | |
| Isai | Kapingam | 24:4 | Henuailala ga-maangoo gaa-mae, henuailala hagatau ga-bagege, henuailala mo-di langi gaa-pala. | |
| Isai | Kapingam | 24:5 | Nia daangada gu-haga-gulugulua henuailala gi nadau oho nia haganoho a God, mo nadau hunahuna di hagababa deeodi dela ne-hai go-Mee. | |
| Isai | Kapingam | 24:6 | Malaa, God gu-haga-halauwa henuailala. Ana daangada gu-hagaduadua gi nadau mee ala ne-hai. Nia daangada ala e-mouli e-hogoohi-mai. | |
| Isai | Kapingam | 24:7 | Nia laagau-‘grape’ guu-mae, gei nia waini gu-hogoohi. Nia daangada huogodoo nogo tenetene i-mua gu-manawa-gee dolomeenei. | |
| Isai | Kapingam | 24:9 | Nia daahili hagatenetene inu waini la-gu-hagalee, tangada e-hiihai di inu nia waini ai. | |
| Isai | Kapingam | 24:10 | Nia daangada huogodoo i-lodo di waahale deelaa gu-hinihini, guu-tai ginaadou gi-lodo nadau hale, gi-daha mo-di haingadaa deelaa. | |
| Isai | Kapingam | 24:11 | Nia daangada gu-wwolowwolo i-hongo nia ala idimaa nia waini ai. Tenetene gu-hagalee gaa-hana hua beelaa, guu-ngala i tenua deelaa. | |
| Isai | Kapingam | 24:13 | Deenei di-mee gaa-hai i-lodo nia henua huogodoo i henuailala hagatau. Ma-gaa-hai be di hadi muligoo o-nia huwa laagau, nia huwa-olib ga-lullulu gii-odi i-tomo nia laagau, nia huwa ‘grape’ muliagina gaa-hagi gi-lala. | |
| Isai | Kapingam | 24:14 | Digau ala ga-mouli ga-daahili tenetene. Digau mai baahi dai ga-helekai i-di mahi mogobuna o Dimaadua. | |
| Isai | Kapingam | 24:15 | Digau mai baahi dua ga-hagaamu a-Mee. Nia daangada ala e-noho i-nia tongotai ga-hagaamu di ingoo o Yihowah, di God o Israel. | |
| Isai | Kapingam | 24:16 | Mai nia gowaa mogowaa-loo o henuailala, gidaadou ga-longono nia daahili hagaamu Israel, go di golohenua dela e-donu. Gei au gu-deai dogu hagadagadagagee ai, gu-balumee-hua! Digau hagahuaidu dangada e-maaloo gi nadau hegau, nadau hagahuaidu dangada e-damana-mai i-nia madagoaa huogodoo. | |
| Isai | Kapingam | 24:17 | Huogodoo hagalongo-mai gi-di-au! Nia mee hagamadagudagu dangada, nia luwa pogo llala, mo nia hele e-talitali goodou. | |
| Isai | Kapingam | 24:18 | Tangada ma-gaa-lele gi-daha mo nia mee hagamadagudagu dangada, geia gaa-doo gi-lodo di luwa pogo llala. Maa tangada gaa-tanga gi-daha mo-di luwa pogo llala, geia gaa-kumi go di hele. Di uwa nngolo ga-doo-iha i-di langi, gei di hagamau o henuailala ga-ngalungalua. | |
| Isai | Kapingam | 24:20 | Henuailala ga-hahaagee be tangada libaliba, ga-inaina be di hale i-lodo di madangi gono. Henuailala gu-daamaha i ono huaidu, ga-mooho gi-lala, ga-deemee di duu-aga labelaa. | |
| Isai | Kapingam | 24:21 | Di madagoaa e-dau-mai, gei Dimaadua ga-hagaduadua nia mogobuna baahi-nua mo nia dagi o henuailala. | |
| Isai | Kapingam | 24:22 | God ga-hagabae nia king gi-di gowaa e-dahi, gadoo be digau galabudi i-lodo di luwa pogo llala. Mee gaa-haa digaula gi-lodo di hale galabudi gaa-dae-loo gi nadau madagoaa gaa-kae nadau hagaduadua. | |