ISAIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
Chapter 46
| Isai | Kapingam | 46:1 | “Deenei di hagaodi o-nia god o Babylon! Bel mo Nebo nogo daumaha ginai nia daangada, gei dolomeenei nia maa gu-haga-uda gi-hongo nia dua o-nia ‘donkey’, guu-hai nia mee aamo-mee daamaha ang-gi nia manu ala e-duadua. | |
| Isai | Kapingam | 46:2 | Nia ada-mee aanei e-deemee di bida hagamouli ginaua. Nia maa guu-kumi guu-kae gi-daha. Deenei di hagaodi o-nia god o Babylon! | |
| Isai | Kapingam | 46:3 | “Hagalongo-mai gi-di-Au, go goodou go di madawaawa Jacob, goodou go agu daangada ala ne-dubu. Au nogo madamada humalia i goodou mai di-godou madagoaa ne-haanau. | |
| Isai | Kapingam | 46:4 | Au go di-godou God dela ga-madamada humalia i goodou, gaa-dae-loo gi godou mmaadua, ga-hinaa godou libogo. Au ne-hai goodou, ga-madamada humalia i goodou. Au ga-hagamaamaa goodou, ga-haga-dagaloaha goodou.” | |
| Isai | Kapingam | 46:5 | Dimaadua e-helekai boloo, “Ma koai dela e-hagatau go goodou mai gi-di-Au? Ma iai tangada i-golo e-hai be Au? | |
| Isai | Kapingam | 46:6 | Nia daangada gaa-huge nadau budehede gaa-dui gi-lala nadau goolo, digaula ga-manamana nadau silber gi-hongo nia pauna. Digaula ga-haga-ngalua di-nadau dangada tugi-mee belee hai-ai di-nadau god, gaa-lawa, ga-dogoduli gi-di-maa, ga-daumaha ginai. | |
| Isai | Kapingam | 46:7 | Digaula ga-dahi-aga di-maa, ga-aamo, gaa-dugu i dono lohongo gii-duu i-golo, e-deemee di-menege gi-daha mo-di gowaa deelaa. Maa tangada ma-ga-dalodalo gi mee, gei mee hagalee helekai gi mee, be e-daa-mai a-mee gi-daha mo nia haingadaa. | |
| Isai | Kapingam | 46:9 | Goodou gi-langahia nia mee ala ne-hai i-mua, goodou gi-haga-modongoohia-ina bolo ma ko-Au dela go God, gei di-maa deai di god e-hai be Au ai. | |
| Isai | Kapingam | 46:10 | Mai-loo i-di matagidagi, Au gu-haga-modongoohia-aga nia mee ala e-kila-aga maalia. I-mua-loo, Au gu-haga-modongoohia-aga nia mee ala gaa-hai. Au gu-helekai bolo agu maanadu e-hai-loo gii-kila, gei Au ga-haga-gila-aga agu mee huogodoo ala ne-belee hai. | |
| Isai | Kapingam | 46:11 | Au e-haga-gahi-mai taane i-bahi-i-dua, mee ga-maangi-mai be-di ‘hawk’, ga-haga-gila-aga agu mee ala ne-maanadu-aga. Au ne-helekai, gei di-maa gaa-gila. | |
| Isai | Kapingam | 46:12 | “Goodou go digau hamaaloo godou manawa, goodou hagalongo-mai gi-di-Au, go goodou ala e-hagamaanadu bolo di aali le e-mogowaa-loo. | |