ISAIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
Chapter 64
| Isai | Kapingam | 64:1 | Goe e-aha dela hagalee haahi di ahiaalangi gi-mahuge ga-haneia? Nia gonduu ga-gidee-ginaadou Goe, ga-polepole i di-nadau mmaadagu. | |
| Isai | Kapingam | 64:2 | Digaula ga-polepole huoloo be nia wai ma-ga-kolokolo i-hongo di ahi wele. Hanimoi haga-gila-aga-ina do mogobuna ang-gi o hagadaumee, gaa-hai nia henua llauehe gi-polepole i do hanimoi! | |
| Isai | Kapingam | 64:3 | Di madagoaa i-golo dela ne-hanimoi-iei Goe gaa-hai au mee hagamadagudagu-dangada ala digi iloo-ai gimaadou bolo nia mee beelaa gaa-hai, gei-ogo nia gonduu gu-gidee-ginaadou goe, gu-mmaadagu gu-polepole. | |
| Isai | Kapingam | 64:4 | Ma deai tangada ne-longono be ne-gidee-ia di God be Goe ai, dela e-hai au mee beenei ang-gi digau ala e-hagadagadagagee adu gi-di-Goe. | |
| Isai | Kapingam | 64:5 | Goe e-hila ang-gi digau ala e-manawa-tenetene i di-nadau hai-hegau gi-di mee dela e-donu, go digau ala e-langahia-e-ginaadou i au mee ala e-hiihai ginai Goe bolo ginaadou gi-heia i-lodo nadau mouli. Goe gu-hagawelewele-mai gi gimaadou, gei gimaadou e-haihai-hua madau huaidu. Ma e-aha maa Goe nogo hagawelewele huoloo mai gi gimaadou, gei gimaadou nogo daudali-hua madau hiihai hala mai-loo namua. | |
| Isai | Kapingam | 64:6 | Gimaadou huogodoo la-guu-hai digau gu-huaidu, mo madau hangahaihai humalia le e-koia e-dogolia labelaa. Idimaa madau huaidu, gimaadou guu-hai be nia lau-laagau ala guu-mae, ala e-angiangina gi-nia madagoaa e-logo i-di madangi. | |
| Isai | Kapingam | 64:7 | Deai tangada e-hai dalodalo adu gi-di-Goe ai, deai tangada e-hanimoi e-dangi dono hagamaamaa gi-di Goe ai. Goe guu-huli gi-daha mo gimaadou, guu-kili gimaadou gi-daha i madau huaidu. | |
| Isai | Kapingam | 64:8 | Gei Goe go Dimaadua, ma Kooe dela go di-madau Damana. Gimaadou e-hai be nia gelegele pigi, gei Goe go tangada dela e-hai ana boolo gi-nia gelegele aalaa. Goe ne-hai gimaadou, | |
| Isai | Kapingam | 64:9 | malaa, Goe hudee hagawelewele mai gi gimaadou be e-langalangahia madau huaidu gaa-hana-hua beelaa. Gimaadou nia daangada ni-aau, aloho-mai gi gimaadou! | |
| Isai | Kapingam | 64:10 | Au waahale dabuaahia la-guu-hai be-di anggowaa, gei Jerusalem hogi la-guu-hai di anggowaa. | |
| Isai | Kapingam | 64:11 | Di-madau Hale Daumaha, di gowaa dabuaahia ge madamada dela nogo hagahagaamu-iei Goe go madau maadua-mmaadua, la-gu-haga-mooho i-di wele o-di ahi, mono gowaa huogodoo ala e-aloho-ai gimaadou la-gu-mooho. | |