ISAIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
Chapter 47
| Isai | Kapingam | 47:1 | Dimaadua e-helekai, “Babylon, doo gi-lala mo do lohongo king, noho i-lodo nia gohu gelegele. I-mua gei goe nogo gili madammaa giagia be di waahale digi kumidia, malaa, dolomeenei gei goe gu-hagalee gili madammaa balabala, gu-gulugulua! Dolomeenei gei goe guu-hai di hege! | |
| Isai | Kapingam | 47:2 | Haganiga-ina di hadu hai palaawaa! Oloina nia palaawaa! Daa gi-daha-ina di gahu o golomada! Daawa-ina gi-daha oo gahu madamada! Dahi-aga-ina do heelua galagala gi-nua gii-hana goe laa-lodo nia monowai lligi! | |
| Isai | Kapingam | 47:3 | Nia daangada ga-mmada-adu gi-di-goe o goloo ai, ga-mmada-adu gi-di-goe e-hila gi-lala ge langaadia. Au gaa-hui goe gi-di hagaduadua, gei tangada e-dugu au ai.” | |
| Isai | Kapingam | 47:4 | Di God Dabuaahia o Israel e-haga-dagaloaha gidaadou, dono ingoo go Yihowah, di Gowaa Aamua. | |
| Isai | Kapingam | 47:5 | Dimaadua e-helekai gi Babylon, “Noho deemuu i-lodo di bouli dongoeho. Digaula ga-hagalee hagaingoo labelaa goe bolo di king-ahina o-nia henua! | |
| Isai | Kapingam | 47:6 | Au gu-hagawelewele gi agu daangada. Au guu-dugu digaula be nia huai daangada: Au gu-dugu-adu digaula gi-lodo o mogobuna, gei goe digi dumaalia gi digaula, digau hogi mmaadua guu-hai kooe hagahuaidu. | |
| Isai | Kapingam | 47:7 | Goe gu-hagabaubau bolo goe gaa-hai di king-ahina i-nia madagoaa huogodoo, gei goe digi hagamaanadu-ina nia mee aanei mai i-lodo do manawa, be e-hagamaanadu be di-maa ga-hagalawa behee. | |
| Isai | Kapingam | 47:8 | “Goe dela e-aloho di mouli tenetene, hagalongo gi-di-mee deenei, goe e-hagamaanadu bolo goe guu-noho manawa lamalia ge hagalee tale gi-nia haingadaa. Goe e-hai bolo goe e-aamua be God, bolo tangada i-golo e-hai be goe ai. Goe gu-hagamaanadu bolo goe e-deemee di noho-hua modogoe, doo lodo ai, be hagalee manawa-gee i-di made o dau dama. | |
| Isai | Kapingam | 47:9 | Malaa, i-lodo di madagoaa bodobodo, i-lodo di laangi hua e-dahi, nia mee e-lua aanei ga-gila-aga gaa-hai. Doo lodo mo au dama gaa-mmade ma e-aha maa goe e-hai-hegau gi au mogobuna buubuu huogodoo. | |
| Isai | Kapingam | 47:10 | “Goe gu-hagadagadagagee-hua adu gi-di-goe i-lodo dau haihai di huaidu. Goe ne-hagamaanadu bolo tangada e-gidee goe ai. O kabemee mo o iloo gu-dagi-gee goe gi-daha, gei goe ga-helekai-adu gi-di-goe, ‘Au go God, tangada i-golo e-hai be au ai.’ | |
| Isai | Kapingam | 47:11 | Di halauwa gaa-tale adu gi-di-goe, au mogobuna buubuu e-deemee di-dugu di-maa. Di mooho gaa-tale adu gi-di-goe limalima, di mooho digi midi-iei goe! | |
| Isai | Kapingam | 47:12 | Daahia-hua au mogobuna buubuu ala nogo hai-hegau-iei goe mai i do damagiigi. Holongo nia maa ga-hagamaamaa goe. Holongo ma-ga-hagamadagudagu o hagadaumee. | |
| Isai | Kapingam | 47:13 | Goe oo mahi ai ma e-aha maa goe guu-kae nia helekai hagamaamaa. Heia au gau kabemee gi-lloomoi e-haga-dagaloaha goe, nia daangada ala e-kuulu gi-nia heduu, e-hagatautau nia baahi ahiaalangi o-di langi, e-hagamodongoohia nia mee ala ma-ga-kila-aga i-lodo nia malama ala e-hagadau. | |
| Isai | Kapingam | 47:14 | “Digaula gaa-hai be nia geinga maangoo, di ahi gaa-dudu digaula gi wwele! Digaula ga-deemee di haga-dagaloaha ginaadou hogi, idimaa di lalaula le e-wele huoloo ang-gi digaula, hagalee di ahi haga-mahanahana dangada. | |