ISAIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
Chapter 7
| Isai | Azeri | 7:1 | عوزئيّا اوغلو يوتام اوغلو يهودا پادشاهي آخازين حؤکم سوردويو دؤورده، اَرام پادشاهي رِصئنله ائسرايئل پادشاهي رِمَليا اوغلو پِقَخ اورشلئمه هوجوم اتدئلر، آمّا اوراني آلا بئلمه‌دئلر. | |
| Isai | Azeri | 7:2 | داوود نسلئنه خبر ورئلدي کي، "اَراملي‌لار اِفرايئمده قوشون دوزه‌لدئب اوردو قوروبلار." پادشاهين و خالقين اوره‌يي، مِشه آغاجلاري کولَکدن تئتره‌يَن کئمي تئتره‌دي. | |
| Isai | Azeri | 7:3 | رب اِشَعيايا ددي: "ائندي آخازي پئشواز اتمک اوچون اوغلون شِعار-ياشوبلا بئرلئکده يوخاري حوووضون سو يولونون آخيرينا، پالتار آغاردان زَمئسئنه گِدن يولا چيخ." | |
| Isai | Azeri | 7:4 | اونا بله دِه: "دئقّتلي و ساکئت اول. قورخما! قوي اوره‌يئن بو ائکي توستوله‌نَن، ياريسي يانميش اودون پارچاسيندان يعني رِصئن، اَرام و رِمَليا اوغلونون آلوولانان قضبئندن قورخماسين! | |
| Isai | Azeri | 7:6 | «گلئن، يهودانين ضئدّئنه چيخاق و خالقي قورخودوب اؤلکه‌ني اَله کچئردک و طَبي‌اِل اوغلونو اورايا پادشاه قوياق.»" | |
| Isai | Azeri | 7:8 | چونکي اَرامين پايتختي دَمَشقدئر، دَمَشقئن باشچيسي دا رِصئندئر. اِفرايئم آلتميش بش ائلدن سونرا دارماداغين ادئلئب، مئلّت اولاراق قالماياجاق. | |
| Isai | Azeri | 7:9 | اِفرايئمئن پايتختي سامئره‌ده‌دئر، سامئره‌نئن باشچيسي دا رِمَليانين اوغلودور. اگر ائماندا مؤحکم دورماياسينيز، داوام گتئره بئلمزسئنئز." | |
| Isai | Azeri | 7:11 | "تارين ربدن بئر علامت ائسته؛ قوي اؤلولر دئياري قدر درئن يا دا گؤيلر قدر اوجا اولسون." | |
| Isai | Azeri | 7:13 | بونون اوستوندن اِشَعيا بله ددي: "اِشئدئن، ای داوود نسلي! ائنسانلاري بِزدئرمه‌يئنئز بس مگر ديئل کي، منئم تاريمي دا بِزدئرئرسئنئز؟ | |
| Isai | Azeri | 7:14 | بونا گؤره ده پروردئگار اؤزو سئزه بئر علامت وره‌جک: باخ، باکئره قيز بويلو اولوب اوغلان دوغاجاق، آديني عئمانوعِل قوياجاق. | |
| Isai | Azeri | 7:16 | آمّا بو اوشاق ياخشيني پئسدن آييران ياشا چاتمادان، سني دهشته سالان او ائکي پادشاهين تورپاقلاري بوش قالاجاق. | |
| Isai | Azeri | 7:17 | رب سنه، خالقينا، و آتا نسلئنه اِله گونلر گتئره‌جک کي، اِفرايئمئن يهودادان آيريلديغي بو گونه قدر گؤرونمه‌يئب. آشور پادشاهيني اوستونوزه گتئره‌جک. | |
| Isai | Azeri | 7:18 | او واخت گلنده رب فئت چالاجاق و مئصئر چايلارينين اوزاق يِرلرئنده ياشايان مئلچه‌يي، آشور تورپاقلاريندا ياشايان آريني سَسلَيه‌جک. | |
| Isai | Azeri | 7:19 | اونلار آخين-آخين گلئب درئن وادئلرده، قايا ياريقلاريندا، بوتون تئکانلي کوللوقلاردا، اوتلاقلاردا ساکئن اولاجاقلار. | |
| Isai | Azeri | 7:20 | او گون پروردئگار فَراتين او تاييندان اوجرَتله توتدوغو اولگوجله، يعني آشور پادشاهي ائله، ساچلارينيزي، باجاقلارينيزين توکلرئني و ساقّاللارينيزي قيرخاجاق. | |
| Isai | Azeri | 7:22 | آلديغي بول سود نتئجه‌سئنده کره ياغي يئيه‌جک. اؤلکه‌ده قالان هر کس کره ياغي ائله بال يئيه‌جک. | |
| Isai | Azeri | 7:24 | آداملار اورالاردان اوخلارلا، کامانلارلا کچه‌جکلر، چونکي اؤلکه‌نئن هر ياني تئکان و قانقاللا اؤرتولَنه‌جک. | |