ISAIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
Chapter 28
| Isai | Azeri | 28:1 | واي اِفرايئمئن کِفلی‌لرئنئن کئبئر تاجينا! شؤوکتلي گؤزل‌لئيئنئن سولان گولونه! او کي، بَهَرلي دره‌نئن باشيندا يِرله‌شيب، واي بو شهره کي، شرابا دوشکون اولانلارين کئبئري‌دئر. | |
| Isai | Azeri | 28:2 | باخ، ربّئن گوجلو و قووّتلي بئر آدامي وار. او، بَرک ياغان دولو کئمي، بلا گتئرن طوفان کئمي، هر شيي يولوندا محو ادن سل کئمي گلئر، اَلي ائله او شهري يِره چيرپاجاق. | |
| Isai | Azeri | 28:4 | محصوللو دره‌نئن باشيندا يِرلَشَن شهر، اونون شؤوکتلي گؤزل‌لئيئنئن سولان گولو، يايدان قاباق عمله گلن کال انجئر کئمي اولاجاق کي، اونو گؤرَن تِز دَرئب يئيه‌جک. | |
| Isai | Azeri | 28:5 | او گون قوشونلارين رَبّي، صاغ قالان خالقي اوچون، گؤزل بئر تاج، شؤوکتلي بئر چَلَنگ اولاجاق. | |
| Isai | Azeri | 28:7 | بونلار دا شرابدان هِل‌له‌نئرلر، عَرَقدن آشا- آشا گِدئرلر: هم کاهئن، هم نبي عَرَقدن هِل‌له‌نئرلر، شراب اونلاري گئجَلدئب، عَرَق اونلاري آشيرير: رؤيالار گؤرَن زامان کِفلي‌دئرلر، حؤکم ادن زامان کِفلئلئکدن هِل‌له‌نئرلر. | |
| Isai | Azeri | 28:9 | "بو آدام کئمه معرئفت اؤيره‌دئر؟ پيامي کئمه آچيقلايير؟ سوددن کَسئلمئش، آنا دؤشوندن آيريلميش کؤرپه اوشاقلارا مگر؟ | |
| Isai | Azeri | 28:10 | چونکي رب ديئر: "امر اوستونه امر، امر اوستونه امر، قايدا اوستونه قايدا، قايدا اوستونه قايدا، بئر آز بورادا، بئر آز اورادا." | |
| Isai | Azeri | 28:12 | او کي، اونلارا ددي: "راحاتليق بودور، يورغونلارا دئنجلئک ورئن." و "ائستئراحت ادئن." آمّا اونلار اشئتمَک ائستَمه‌دئلر. | |
| Isai | Azeri | 28:13 | بونا گؤره ده، ربّئن سؤزو اونلار اوچون بو اولاجاق: "امر اوستونه امر، امر اوستونه امر، قايدا اوستونه قايدا، قايدا اوستونه قايدا، بئر آز بورادا، بئر آز اورادا." کي، گتسئنلر و آرخاسي اوسته ييخيلسينلار، قيريلسينلار، تله‌يه دوشوب اسئر اولسونلار. | |
| Isai | Azeri | 28:14 | بونا گؤره ده، ای رئشخندچئلر، اورشلئمده اولان بو خالقين رهبرلري، ربّئن سؤزونه قولاق آسين! | |
| Isai | Azeri | 28:15 | مادام کي سئز دِدئنئز: "اؤلومله عهد باغلاميشيق، اؤلولر دئياري ائله راضيليغا گلمئشئک، اؤلکه‌يه بؤيوک بلا گلنده، بئزه ضرر ورميه‌جک، چونکي يالاني اؤزوموزه سيغيناجاق اتمئشئک، حئيله‌نئن آرخاسيندا گئزلَنمئشئک." | |
| Isai | Azeri | 28:16 | بونا گؤره ده پروردئگار رب ديئر: باخ، صحيوندا بونؤوره داشي، مؤحکم داش، قئيمتلي گوشه‌داشي قويورام. اونا ائنانان پرئشان اولماياجاق. | |
| Isai | Azeri | 28:17 | عدالتي اؤلچو، صالحلئيي شاقول اده‌جيم. يالان سيغيناجاغيني دولو محو اده‌جک، گئزلَندئيئنئز يِرلري سِللر يويوب آپاراجاق. | |
| Isai | Azeri | 28:18 | اؤلومله باغلاديغينيز عهد لغو اولوناجاق، اؤلولر دئياري ائله راضيليغينيز قووّه‌دن دوشه‌جک. اؤلکه‌يه بؤيوک بلا گلنده، سئزي تاپدالاياجاق. | |
| Isai | Azeri | 28:19 | بو بلا هر گلدئيئنده سئزي سوپوروب گؤتوره‌جک. او سحر به سحر، گجه گوندوزون هر واختي کچه‌جک. بو خبري آنلايان دهشته بورونه‌جک. | |
| Isai | Azeri | 28:21 | چونکي رب پِراصئم داغيندا اتدئيي کئمي قالخاجاق، گئبعون دره‌سئنده‌کي کئمي قضبلَنه‌جک. او اؤز ائشئني، قِيري-عادي ائشئني يرئنه يتئره‌جک! اؤز عملئني، نامعلوم عملئني حياتا کچئرده‌جک. | |
| Isai | Azeri | 28:22 | بونا گؤره ده رئشخند اتمه‌يئن، يوخسا زنجئرلرئنئز داها دا آغيرلاشار. چونکي قوشونلارين ربّی پروردئگاردان اشئتمئشم کي، بوتون يِر اوزونون محو اولماسينا قطعي بئر شکئلده قرار ورئلئب. | |
| Isai | Azeri | 28:24 | مگر اَکئنچي، اَکئن اَکمک اوچون، دورمادان يري شوخوملاماز؟ مگر دورمادان تورپاقدا شيريم آچيب هامارلاماز؟ | |
| Isai | Azeri | 28:25 | مگر تورپاغي هامارلاياندان سونرا، شويود و زئره‌ني سَپمَز؟ مگر بوغداني ردئفله، آرپاني آييرديغي يِره، قيرميزي بوغداني دا اونون يانينا اَکمَز؟ | |
| Isai | Azeri | 28:27 | چونکي شويودو خرمنده وَل‌له دؤيمَزلر، زئره‌نئن اوستونه ده عارابا تَکَرلري ائله سورمَزلر. | |
| Isai | Azeri | 28:28 | بوغدا چؤرک اوچون گرک خرمنده دؤيولسون؛ بونا گؤره ده اَکئنچي اونو ابده کئمي دؤيمَز. اگر عاراباسينين تَکَرلرئني ده اوستوندن کچئرتسه، آتلاري بوغداني اَزمَز. | |