JOB
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
Chapter 42
| Job | Kapingam | 42:2 | “Meenei Dimaadua, au gu-iloo bolo ma Kooe dela e-kaedahi e-mogobuna, ma Kooe dela e-mee di-hai di-ingoo hua di mee dela e-hiihai ginai Goe. | |
| Job | Kapingam | 42:3 | Goe ne-heeu-mai be dagu hai la di-aha dela e-heeu-adu do iloo-mee, gei au tangada de-kabemee. Au ne-helekai i-nia mee digi modongoohia-eau, i-nia mee haga-goboina e-deemee di-iloo-eau. | |
| Job | Kapingam | 42:4 | Goe gu-hai-mai gi-di-au bolo au gi-hagalongo i-di madagoaa dela e-leelee-iei Goe, ge gi-helekai-adu gi au heeu. | |
| Job | Kapingam | 42:5 | Di madagoaa dela guu-doo gi-daha, au nogo iloo-hua nia mee au ne-longono i ogu dalinga. Gei dolomeenei, gei au gu-gidee Goe i ogu golomada. | |
| Job | Kapingam | 42:6 | Malaa, au gu-langaadia agu helekai huogodoo ala ne-helekai-ai, gaa-gahu au gi-nia dogolia mono luaahi, e-haga-modongoohia-ai bolo au guu-huli gi-daha mo ogu huaidu.” | |
| Job | Kapingam | 42:7 | I-muli-hua Dimaadua ne-lawa di-leelee gi Job, gei Mee ga-helekai gi Eliphaz, “Au gu-hagawelewele-adu gi-di-goe mo o ehoo dogolua, idimaa, goodou digi helekai donu i-di-Au, be-di hai dagu dangada hai-hegau go Job ne-hai. | |
| Job | Kapingam | 42:8 | Dolomeenei, kae-ina godou kau-daane e-hidu ge hidu siibi-daane gi Job, heia di-godou tigidaumaha be tigidaumaha ni-goodou e-hai-mai gi-di-Au. Gei Job ga-dalodalo i goodou, gei Au gaa-hila ang-gi ana dalodalo, ge hagalee hagahuaidu goodou gii-tau-anga gi-di godou hai dela ne-hai. Goodou digi helekai donu i-di Au, gadoo be dana hai ne-hai.” | |
| Job | Kapingam | 42:9 | Gei Eliphaz tangada Teman, Bildad tangada Shuah, mo Zophar tangada Naamah guu-hai be-di hai Dimaadua ne-helekai gi digaula, gei Dimaadua guu-hila-anga gi-nia dalodalo Job. | |
| Job | Kapingam | 42:10 | I-muli-hua Job nogo dalodalo i ono ehoo dogodolu aanei, gei Dimaadua guu-hila labelaa gi mee, gu-haga-maluagina labelaa a-mee holongo lua laa-hongo dono maluagina mai ana-dilaangi. | |
| Job | Kapingam | 42:11 | Nia duaahina-daane mo nia duaahina-ahina huogodoo a Job, mo ono ehoo hagaaloho huogodoo ala i-mua ga-lloomoi gi-baahi o-mee, gaa-hai di-nadau hagamiami damanaiee dalia a-mee i-di hale o-maa. Digaula e-haga-modongoohia-aga gi mee nadau aloho e-haga-manawa lamalia a-mee i-nia haingadaa huogodoo ala ne-dugu-anga go Dimaadua gi mee. Tangada-nei mo tangada-nei i digaula guu-wanga nadau bahihadu mono buulei goolo gi mee. | |
| Job | Kapingam | 42:12 | Gei Dimaadua gu-haga-maluagina a Job i-di hagaodi gi-muli o dono mouli, gu-haga-maluagina gi-nonua i-di maluagina o-maa matagidagi. Job gu-hai-mee gi-nia siibi e-madangaholu maa-haa mana-(14,000), ge ono mana-(6,000) ‘camel’, ge lua mana-(2,000) kau, ge dahi mana-(1,000) ‘donkey’. | |
| Job | Kapingam | 42:14 | Mee ne-haga-ingoo dana dama-ahina madua bolo Jemimah, gei togolua dama-ahina bolo Keziah, gei tama-ahina muliagi loo go Keren=Happuch. | |
| Job | Kapingam | 42:15 | Ma nia ahina i henuailala e-mmaadanga be nia dama-ahina Job ai. Tamana digaula gu-hagagai digaula dalia nadau duaahina-daane. | |
| Job | Kapingam | 42:16 | I-muli-hua nia mee aanei, Job nogo mouli i henuailala nia ngadau e-lau-mada-haa-(140). Mee gu-gidee-ia nia dama ana dama, mo nia dama digaula. | |