JOB
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
Chapter 16
| Job | Kapingam | 16:2 | “Au gu-longono nia helekai aanaa i-mua, gei godou helekai haga-manawa lamalia ala ne-hai-mai gi-di-au, la-gu-hai-hua di mee e-mmae mai gi-di-au. | |
| Job | Kapingam | 16:4 | Maa nei bolo goodou ne-noho i dogu lohongo, gei au gaa-noho i-godou lohongo, malaa, au e-mee di-helekai i-nia mee huogodoo ala e-helehelekai-ai goodou. Au e-mee di-lialiagi dogu libogo gadoo be tangada kabemee mo-di leelee logo adu gi goodou. | |
| Job | Kapingam | 16:5 | Au e-mee di-haga-maaloo-aga goodou gi agu helekai aago, mo-di haihai agu helekai haga-tenetene adu gi goodou. | |
| Job | Kapingam | 16:6 | “Gei agu helekai le e-deemee di-hai nia helekai hagamaamaa, gei dogu noho deemuu le e-deemee di-hagahili dogu mmae. | |
| Job | Kapingam | 16:7 | Meenei God, Goe gu-hagadugina-mai gi-di-au. Goe gu-daaligi digau o dogu hale huogodoo gii-mmade. | |
| Job | Kapingam | 16:8 | Goe guu-kumi au, Goe go dogu hagadaumee. Ogu iwi mo dogu gili ala e-dubu i-golo, gei nia daangada guu-hai di-maa bolo di mee e-hagamodongoohia-ai ogu huaidu. | |
| Job | Kapingam | 16:9 | “God e-hagihagi dogu huaidina la-gi-mooho i dono hagawelewele, ge e-daumada-mai au haga-huaidu. | |
| Job | Kapingam | 16:10 | Nia daangada e-hai daagala mai gi-di-au. Digaula gu-haganiga au gi nadau lodo mo-di paapaa ogu golomada. | |
| Job | Kapingam | 16:12 | I-mua gei au nogo mouli i-di aumaalia, gei God guu-llomi dogu uwa, gu hagamaawa au, mo-di hai au haga-huaidu. God guu-hai au be-di gowaa e-hagamada hagabaeha, | |
| Job | Kapingam | 16:13 | mo-di puu-mai ana amu maalei mai i-nia gowaa huogodoo, nia amu ala gaa-dau i-di-au le e-haga-huaidu au, gei deai dono aloho i-di-au ai. | |
| Job | Kapingam | 16:14 | Mee gu-haga-huaidu au haga-logowaahee. Mee ga-puu-mai au gadoo be tangada-dauwa dela gu-dadaulia-hua i-dono hagawelewele. | |
| Job | Kapingam | 16:15 | “Gei au e-dangi wawe gei e-ulu ogu goloo lodo-huaidu, gaa-noho gi-lala i-lodo nia gelegele pigi. | |
| Job | Kapingam | 16:16 | Au gu-dangidangi gaa-dae-loo gi ogu golomada guu-mmee, gu-haga-hula gei gu-luuli i-nia daalinga ogu golomada. | |
| Job | Kapingam | 16:17 | Gei au deai ogu huaidu i-di hai huaidu ai, gei agu hai dalodalo gi God le e-donu huoloo. | |
| Job | Kapingam | 16:18 | “Henuailala, goe hudee hagammuni-ina nia huaidu ala ne-hai-mai gi-di-au! Goe hudee dumaalia gi dogu lee dela e-hai ang-gi di gowaa hai-gabunga gii-noho deemuu! | |
| Job | Kapingam | 16:19 | Gei au e-iloo bolo ma tangada i-golo i-di langi dela e-madalia au e-hagamaamaa-mai au. | |
| Job | Kapingam | 16:20 | Ogu ihoo hagaaloho e-hai dadaagala mai gi-di-au. Ogu golomada e-halidangi ang-gi God. | |
| Job | Kapingam | 16:21 | Au e-hiihai bolo tangada gi-hagamaamaa-ina-mai au gi God, gadoo be tangada ma-ga-madau di hagamaamaa gi dono ehoo hagaaloho. | |