JOB
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
Chapter 22
| Job | Kapingam | 22:3 | O hangaahai donu guu-hai di mee hagahumalia a God? Be o hangaahai humalia e-hagamaamaa a-Mee? | |
| Job | Kapingam | 22:4 | Hagalee go do hagamadagudia a God dela e-gabunga iei goe, ge e-lahi-iei goe gi-di gowaa hai-gabunga. | |
| Job | Kapingam | 22:5 | Deeai, Mee e-gabunga goe, idimaa goe gu-hai-hala huoloo, guu-hai nnagadilinga huaidu huogodoo. | |
| Job | Kapingam | 22:6 | Bolo gii-mee-ai di-hui di boibana o do duaahina adu gi-di-goe, goe guu-kae ono goloo huogodoo, deai di mee ne-dugu belee ulu-iei mee ai. | |
| Job | Kapingam | 22:7 | Goe gu-dumaanga nia wai ang-gi digau ala gu-duadua, gei gu dumaanga nia meegai gi digau hiigai. | |
| Job | Kapingam | 22:8 | Goe ne-hai-hegau gi o mogobuna mo do waawa aamua bolo goe gaa-dagi tenua deenei hagatau. | |
| Job | Kapingam | 22:9 | Hagalee go nia ahina ala guu-mmade nadau lodo ala digi hagamaamaa-ina kooe, gei goe gu-gaiaa ge hai haga-huaidu hogi nia dama nadau maadua ai. | |
| Job | Kapingam | 22:10 | Dolomeenei gu-iai nia hele e-logo gu-haganiga-mai i oo daha, gei goe gu-madagu hagalimalima. | |
| Job | Kapingam | 22:11 | E-koia e-bouli dongoeho huoloo, gei goe ga-de-gidee-goe gi-daha. Di labagee ga-mmidi-ia ga-haga-melemu goe. | |
| Job | Kapingam | 22:12 | “E-hai behee? God la-hagalee e-noho i-di langi i-nua-loo, e-mmada-ia i-hongo nia heduu, ma e-aha maa nia maa koia e-mogowaa-loo i-nua-loo? | |
| Job | Kapingam | 22:13 | Gei dolomeenei gei goe e-heeu boloo, ‘Ma di-aha dela e-iloo-ai a God? Mee e-noho e-ngala i-nia gololangi, malaa, dehee dana hai e-gabunga gidaadou?’ | |
| Job | Kapingam | 22:14 | Goe e-hagamaanadu bolo nia gololangi maadolu higahiga ala gu-abaaba a-Mee bolo gi-de-gidee a-Mee gi-daha, i-dono madagoaa dela e-heehee i-lala di langi. | |
| Job | Kapingam | 22:15 | “Goe e-hagamaanadu bolo goe e-haele i-nia ala ala e-heehee-ai digau huaidu i-nia madagoaa huogodoo? | |
| Job | Kapingam | 22:16 | I-mua-hua di-nadau madagoaa ma-ga-dau-mai, gei digaula ga-taahee gi-daha i-di labagee. | |
| Job | Kapingam | 22:17 | Aanei nia hagadilinga daangada ala hagalee e-hiihai gi God, gei gu-hagadonu bolo deai dahi mee e-mee dana hai ang-gi ginaadou ai. | |
| Job | Kapingam | 22:18 | Malaa deenei go God dela ne-wanga gi digaula nadau maluagina. Au e-de-iloo nia hagamaanadu o digau huaidu. | |
| Job | Kapingam | 22:19 | Tangada humalia le e-tenetene gei tangada madammaa le e-gadagada i-nadau mmada gi digau huaidu ala e-hagaduadua. | |
| Job | Kapingam | 22:20 | Nia mee huogodoo ala gu-hai-mee ginai digau huaidu le e-mooho gi-daha, gei di ahi e-dudu nia mee huogodoo ala e-dubu i-golo. | |
| Job | Kapingam | 22:21 | “Deenei-laa, Job, dangidangi ang-gi God, gei gii-lawa dau dugu a-Mee bolo di hagadaumee ni-oou. Maa goe gaa-hai beenei, gei Mee ga-haga-maluagina goe. | |
| Job | Kapingam | 22:23 | Uaa, goe gi-haga-mau-lala, huli ang-gi God Mogobuna, gii-lawa gi-daha mo nia huaidu huogodoo ala e-haihai i-doo hale. | |
| Job | Kapingam | 22:24 | Kilia gi-daha au goolo huogodoo, kilia au goolo ala koia e-humalia gi-lodo di walowalo-wai dela guu-dugu baguia. | |
| Job | Kapingam | 22:25 | Heia a God Mogobuna gii-hai nia goolo ni-aau, heia a-Mee gii-hai nia silber ni-aau, e-hagabae gi-nua. | |
| Job | Kapingam | 22:26 | Goe ma-gaa-hai beenaa, gei goe ga-hagadonu a God i-nia madagoaa huogodoo, ga-gidee bolo ma go Mee dela go di hagamau o doo tene. | |
| Job | Kapingam | 22:27 | Do madagoaa ma-ga-dalodalo, gei Mee e-longono-Ia goe, gei goe ga-hagagila-aga nia hagababa huogodoo ala ne-hai kooe. | |
| Job | Kapingam | 22:28 | Gei nia mee huogodoo ala ma-gaa-hai kooe le e-kila humalia, gei di maalama ga-haga-maalama doo ala. | |
| Job | Kapingam | 22:29 | God e-hagamenege-ia gi-lala digau ala e-hagamuamua, gei e-haga-dagaloaha digau huogodoo ala e-hila gi-lala. | |