JOB
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
Chapter 41
| Job | Kapingam | 41:1 | “Goe e-mee di-hudi di manu dragon go ‘Leviathan’ gi-di maadau, be e-nnoo dono holole gi-di loahi? | |
| Job | Kapingam | 41:2 | Goe e-mee di-daalo dau loahi laa-lodo di uhi o-maa, be e-hagalau ono gauwae gi-di maadau? | |
| Job | Kapingam | 41:3 | Mee gaa-dangi-adu bolo goe gi-diiagi ia gii-hana? Mee ga-helekai balabala-adu gi-di-goe? | |
| Job | Kapingam | 41:4 | Mee gaa-hai-adu dana hagababa, ga-hagamodu bolo ia e-hai-hegau-adu gaa-hana-hua beelaa? | |
| Job | Kapingam | 41:5 | Goe gaa-nnoo a-mee gadoo be-di manu mamaangi haga-gaidala, ge e-hai a-mee di-mee hagagoboina ni au dama-ahina hai-hegau? | |
| Job | Kapingam | 41:6 | Digau hai-waga-daha le e-hiihai e-hui a-mee? Digau huihui-mee e-duuduu a-mee ga-huihui gi-daha? | |
| Job | Kapingam | 41:7 | Goe e-mee di-daalo di baahi o-maa gi-nia daalo puu iga, be e-daalo di libogo o-maa gi taalo puu iga damana? | |
| Job | Kapingam | 41:8 | Goe ma-gaa-bili gi mee hagadahi, nomuli gei goe ga langahia dana heebagi, gu-de-hiihai bolo goe e-bili labelaa gi mee. | |
| Job | Kapingam | 41:9 | Tangada dela ga-gidee-ia di manu damanaiee deelaa ga-bagege gaa-hinga gi-hongo di gelegele. | |
| Job | Kapingam | 41:10 | Di manu damanaiee deelaa ma-ga-ala-aga, ga-llamu-dauwa, deai tangada e-mee di-duu gi-mua o mee ai. | |
| Job | Kapingam | 41:11 | Ma koai e-mee di-heebagi gi-mee gei hagalee halauwa? Hagalee tangada i henuailala e-mee ai. | |
| Job | Kapingam | 41:12 | Au ga-hagi-adu gi-di-goe di maaloo o-nia wae o-di manu damanaiee deelaa mo dono maaloo. | |
| Job | Kapingam | 41:13 | Deai tangada e-mee di-haahi gi-daha dono gahu laa-daha ai, be e-daalo di tuuli dela e-ulu-iei mee ai. | |
| Job | Kapingam | 41:14 | Ma koai dela e-mee di-huge di ngudu o-maa, dela e-hagatau-ai nia niha hagamadagudagu-dangada? | |
| Job | Kapingam | 41:15 | Dono dua ne-hai gi-nia goolongo abaaba duuli, e-pigi gi-di gowaa e-dahi e-hamaaloo be tadugalaa. | |
| Job | Kapingam | 41:16 | Nia maa e-hagapigi e-kadi huoloo gi-di gowaa e-dahi, di ahiaalangi e-mee di-ulu gi-mehanga ai. | |
| Job | Kapingam | 41:17 | E-pigi gi-di gowaa e-dahi e-mau-dangihi, deai di mee e-mee di-wwae nia maa gi-daha ai. | |
| Job | Kapingam | 41:18 | Di ila e-daba i-di madagoaa mee ga-tiaa, gei ono golomada e-maahina gadoo be-di laa dela e-hobo. | |
| Job | Kapingam | 41:19 | Di ulaula e-puu-mai i-lodo dono ngudu, gei nia modogologolo ahi e-llele-mai gi-daha. | |
| Job | Kapingam | 41:20 | Nia huiahi e-loloomoi i dono uhi, gadoo be nia huiahi o-nia aalek ala e-gaa i-lala di baalanga. | |
| Job | Kapingam | 41:22 | Dono uwa e-maaloo dangihi, ge digau huogodoo ala ga-heetugi gi mee le e-mmaadagu huoloo. | |
| Job | Kapingam | 41:24 | Dono manawa hamaaloo la-hagalee dono madagu ai, hagalee hagadautugi ge-hamaaloo dangihi be-di hadu mmili-‘wheat’. | |
| Job | Kapingam | 41:25 | Mee ga-manawa-aga gei digau ala koia e-maaloo hogi la-gu-uli nadau gai, gu-nadau hagamaamaa ai, gu-mmaadagu. | |
| Job | Kapingam | 41:26 | Deai tulumanu-dauwa e-mee di-haga-mohole dono gili ai. Deai taalo be-di amu e-mee di-haga-mmae a-mee ai. | |
| Job | Kapingam | 41:27 | Ang-gi mee, di baalanga le e-hai-hua be-di laagau maluu, ge di baalanga-mmee le e-maluu-hua be-di laagau bala. | |
| Job | Kapingam | 41:28 | Di amu-maalei e-hai a-mee gii-lele ai. Nia hadu ala e-dilidili a-mee le e-hai hua be nia mada-geinga. | |
| Job | Kapingam | 41:29 | Di laagau daaligi-dangada le e-hai labelaa be nia geinga, gei mee e-gadagada-hua gi-nia daalo ala e-kili ang-gi deia. | |
| Job | Kapingam | 41:30 | Nia ganauna ala i-hongo dono dinae e-hai gadoo be nia baahi baalanga mahaahaa; gei nia maa e-oho di gelegele llebu gadoo be-di baalanga haga-maluu gelegele. | |
| Job | Kapingam | 41:31 | Mee e-hai di tai gii-hai gadoo be nia wai ala e-dunu, gaa-hai ono buna gadoo be-di baalanga lolo. | |
| Job | Kapingam | 41:32 | Di hana o-maa guu-hai di ala dingidingia i ono muli, guu-hai di tai gi-abiabi kene. | |