JOB
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
Chapter 28
| Job | Kapingam | 28:1 | Di gowaa i-golo e-mee di geli-aga nia silber. Di gowaa i-golo e-haga-madammaa-ai nia goolo. | |
| Job | Kapingam | 28:2 | Nia daangada e-geli-aga nia baalanga i-lodo nia gelegele, gei e-dunu nia hadu e-haga-hali-mai nia baalanga-mmee. | |
| Job | Kapingam | 28:3 | Nia daangada e-hula-loo gi-lodo nia gelegele i-di gowaa llala-loo. Digaula e-hula e-halahala-mee gi-lodo-loo henuailala, e-geli aga nadau hadu i-lodo di gowaa bouli dongoeho. | |
| Job | Kapingam | 28:4 | Digaula e-geli nadau bongoo gi-lala-loo bolo gii-gida-ai nadau hadu hagalabagau i-di gowaa e-mogowaa-loo i-daha mo-di gowaa dela e-noho-ai nia daangada, be i-di gowaa dela digi tale ginai di wae tangada. Digaula e-ngalua modo-ginaadou, deai tangada i-golo ai, e-kaga nia hali gi-lodo nia bongoo aalaa. | |
| Job | Kapingam | 28:5 | Nia meegai e-tomo-aga i henuailala, gei i-di gowaa mugi-lala i henuailala nia hadu le e-haga-mooho ge haga-gohugohu. | |
| Job | Kapingam | 28:6 | Nia hadu hagalabagau ‘sapphire’ e-hagahonu i-lodo nia hadu o henuailala, gei nia goolo la i-lodo nia gohu gelegele. | |
| Job | Kapingam | 28:7 | Deai dahi manu e-gidee di ala dela e-hana gi-di gowaa dela iai nia hadu hagalabagau ai, gei deai di ‘vulture’ e-maangi gi-golo ai. | |
| Job | Kapingam | 28:9 | Nia daangada e-geli-aga nadau hadu ala e-mau-dangihi, e-geli di gonduu gaa-tugi-loo i tono di gonduu. | |
| Job | Kapingam | 28:10 | I di-nadau geligeli i-lodo di bongoo deelaa, digaula e-kida nadau hadu hagalabagau. | |
| Job | Kapingam | 28:11 | Digaula e-geli-loo gi-lala gii-tugi nia wai, gaa-kae gi-di gowaa maalama nia mee ala nogo de-gidee. | |
| Job | Kapingam | 28:12 | Malaa, dehee-laa di gowaa dela e-gida-ai di kabemee? Malaa, dehee-laa tadau hai gaa-mee-ai di-agoago i-di iloo-mee? | |
| Job | Kapingam | 28:13 | Di kabemee e-deemee di-gida i-baahi o-nia daangada dangada. Deai tangada e-mee di-iloo di hai o-di hagalabagau o di-maa ai. | |
| Job | Kapingam | 28:16 | Nia goolo mono hadu hagalabagau ala koia e-humalia huoloo le e-deemee di-hagatau ang-gi di hagalabagau o di-maa. | |
| Job | Kapingam | 28:17 | Di kabemee e-koia e-hagalabagau huoloo i-hongo nia goolo, i-hongo nia ibu goolo mo nia kalaadi ala koia e-humalia. | |
| Job | Kapingam | 28:18 | Di kabemee le e-koia e-hagalabagau huoloo i-hongo nia hagahonu o-di moana madamada, be nia hadu hagalabagau ala go nia ‘crystal’ mo nia ‘ruby’. | |
| Job | Kapingam | 28:19 | Nia hadu ‘topaz’ ala koia e-humalia mo nia goolo ala koia e-madammaa le e-deemee di-tongaadahi ang-gi di kabemee. | |
| Job | Kapingam | 28:20 | Malaa, dehee-laa di hagamau o-di kabemee? Malaa dehee-laa tadau hai e-aago-ai gidaadou gi-di kabemee? | |
| Job | Kapingam | 28:21 | Deai dahi mee mouli e-mee di-gidee di-maa ai, be nia manu mamaangi e-mee di-gidee-ginaadou di-maa ai. | |
| Job | Kapingam | 28:22 | Di hagahuaidu mo-di made hogi, meemaa e-helekai-hua bolo ginaua ne-hagalongo-hua gi-di kai o di-maa. | |
| Job | Kapingam | 28:24 | idimaa Mee gu-gidee di hagalawa o henuailala, e-gidee nia mee huogodoo ala i-bahi-i-lala di langi. | |
| Job | Kapingam | 28:25 | Di madagoaa God ne-dugu-anga di mogobuna gi-di madangi, ge ne-hagamaanadu be-di moana le e-hai gi damana behee, | |
| Job | Kapingam | 28:26 | mo-di madagoaa God ne-hagamaanadu be-di uwa le e-hai gii-doo i-hee, mo-di ala o-nia gololangi o-di atili le e-hula-laa-hee, | |
| Job | Kapingam | 28:27 | deelaa di madagoaa o-Mee ga-gidee di kabemee, gei e-mmada be di-maa e-hagalabagau be-hee, gei Mee ga-hagamogobuna di-maa. | |