JOB
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
Chapter 39
| Job | Kapingam | 39:1 | “Goe e-iloo di madagoaa o-nia kuudi lodo-geinga le e-haanau ma-gaa-hee? Goe guu-mmada gi-di ee lodo-geinga dono madagoaa e-haga-haanau ai? | |
| Job | Kapingam | 39:2 | Goe e-iloo be waalooloo behee nadau madagoaa e-dagidagi nadau dama i-lodo nadau dinae, gaa-dau loo gi-di laangi dela e-haanau ai? | |
| Job | Kapingam | 39:3 | Goe e-iloo di madagoaa digaula ga-hagahaa gaa-dugu-mai nadau dama gi-hongo henuailala? | |
| Job | Kapingam | 39:4 | Nadau dama e-tomo-aga ga-maaloo i-lodo geinga, digaula gaa-hula, hagalee loomoi labelaa gi-muli. | |
| Job | Kapingam | 39:5 | “Ma koai ne-dugu-anga di dagaloaha ang-gi nia ‘donkey’ lodo-geinga? Ma koai ne-haga-maahede digaula, gaa-hai digaula gi-heehee-hua? | |
| Job | Kapingam | 39:6 | Ma ko-Au dela ne-wanga gi digaula di anggowaa belee hai-ai nadau gowaa noho-ai, gaa-hai digaula gii-noho i-di gowaa baba dela e-mmala huoloo ono gelegele. | |
| Job | Kapingam | 39:7 | Digaula e-noho mogowaa-loo gi-daha mo-di longoaa o-nia waahale, deai tangada e-mee di-haga-gaidala digaula be e-hai digaula gii-mee di ngalua ai. | |
| Job | Kapingam | 39:8 | Nia gonduu la-go nia gowaa geinga e-miami-iai digaula, aalaa nia gowaa e-halahala nadau geinga e-gai. | |
| Job | Kapingam | 39:9 | “Di kau lodo-geinga le e-hiihai di-ngalua-adu gi-di-goe? Mee e-hiihai di-noho i-lodo dau gowaa dugu-manu i-di boo? Deeai! | |
| Job | Kapingam | 39:11 | Goe e-mee di-hagadagadagagee gi ono mahi, ge e-dugu gi mee gi-heia au moomee daamaha? | |
| Job | Kapingam | 39:12 | Goe e-hagadagadagagee gi mee bolo mee e-gowadu au huwa-laagau, e-hagabudu nia maa gi-di gowaa hili meegai? | |
| Job | Kapingam | 39:13 | “E-limalima behee go nia bakau o-di manu-‘ostrich’ ma-ga-kabakaba! Gei di ‘ostrich’ e-maangi be-di maduge ai. | |
| Job | Kapingam | 39:14 | Di manu-‘ostrich’ e-dugu ono ngogo i-hongo di gelegele gi-di mahana o-di gelegele e-haga-mahana nia maa. | |
| Job | Kapingam | 39:15 | Mee e-de-hei-eia bolo ono ngogo la-ga-dagadagahi go tangada, be ono ngogo la-ga-hahaahi go di manu lodo-geinga. | |
| Job | Kapingam | 39:16 | Mee e-hai bolo ono ngogo la nia ngogo hua ni tuai manu, e-hagalee maanadu bolo ono dugu ana ngogo la-gu-hagauwwou. | |
| Job | Kapingam | 39:18 | Gei mee dela ga-daamada gaa-lele, mee e-lele hua-e-tanga i-nia hoodo ala e-lellele-ai nia daangada. | |
| Job | Kapingam | 39:19 | “Job, ma kooe dela ne-hai nia hoodo gi-maaloo, gaa-wanga nia ngaahulu gi-nia uwa digaula? | |
| Job | Kapingam | 39:20 | Ma kooe dela ne-hai digaula gii-tobo gi-nua be nia manu-‘locust’, gaa-hai nia daangada gi-mmaadagu i nadau lee dogi daamaha gi-nua? | |
| Job | Kapingam | 39:21 | Digaula e-hiihai e-dagadagahi di gelegele, ge digaula gaa-llele gi-lodo tauwa le e-llele gi nadau mahi hagatau. | |
| Job | Kapingam | 39:22 | Digaula e-deiloo tadinga telekai bolo madagu, deai tulumanu e-hai digaula gii-llele gi-muli ai. | |
| Job | Kapingam | 39:23 | Nia goloo-heebagi ala e-kae go tangada i-hongo di hoodo le e-hagalongoaa, gei e-dabadaba i-di laa. | |
| Job | Kapingam | 39:24 | Nia hoodo ga-gaehagaeha molongi gaa-llele gi-mua, di madagoaa di labaa gaa-ili digaula e-deemee di tuu de-ngalungalua. | |
| Job | Kapingam | 39:25 | Di labaa ma-ga-iliili, gei digaula e-dogi daamaha nguunguu, digaula e-mee di hagadungu tauwa i-mua di-nadau hoohoo-adu gi-di gowaa hai-tauwa. Digaula e-longono-ginaadou nia lee o-nia dagi-dauwa ala e-wwolowwolo. | |
| Job | Kapingam | 39:26 | “Di manu-‘hawk’ le e-kabe-mai i-di-goe dono hai e-maangi-ai i dono madagoaa dela e-holo ono bakau gaa-hana gi bahi-i-ngaaga? | |
| Job | Kapingam | 39:27 | Di manu-‘eagle’ le e-tali goe gi-hagadaba bolo gi-hauhia dono waehongo i-hongo di gonduu? | |
| Job | Kapingam | 39:28 | Mee e-hai dono waehongo i-hongo nia hadu ala e-duuduu i-nua, gaa-hai nia ulu gonduu ala e-gaa gi-nua di gowaa e-noho-ieia. | |