JOB
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
Chapter 10
| Job | Kapingam | 10:2 | Hudee hagahuaidu-ina au, meenei God. Goe hagia-mai be di-maa di huaidu-aha ne-hai ko-au? | |
| Job | Kapingam | 10:3 | Ma e-donu Goe e-tenetene gi dau hagaduadua au? E-de-hiihai gi au mee ala ne-hai? Ga-nomuli ga-gadagada gi-nia mee o digau huaidu ala ne-haganoho? | |
| Job | Kapingam | 10:6 | Ma e-aha dela Goe e-hagailongo ogu huaidu huogodoo, gei e-halahala ogu ihala huogodoo? | |
| Job | Kapingam | 10:7 | Goe e-iloo-hua bolo au ogu huaidu ai, gei tangada e-mee di-daa au gi-daha mo doo lima ai. | |
| Job | Kapingam | 10:8 | “Aalaa go oo lima ala ne-hai au, gei dolomeenei go oo lima la-hua ala e-daaligi au. | |
| Job | Kapingam | 10:9 | Goe gi-langahia bolo Goe ne-hai au mai i-nia gelegele, gei Goe ga-dagadagahi labelaa au bolo gii-hai au nia gelegele labelaa? | |
| Job | Kapingam | 10:10 | Goe ne-haga-maaloo dogu damana bolo gii-mee di-hagadili au. Goe ne-haga-tomo-aga au i-lodo tinae o dogu dinana. | |
| Job | Kapingam | 10:11 | Goe guu-wanga nia iwi mono goneiga gi dogu huaidina, gaa-hii ogu iwi gi nia goneiga mo-di gili. | |
| Job | Kapingam | 10:12 | Goe ne-gaamai gi-di-au di mouli mo-di manawa-aloho, mo dau abaaba mai au dela gu-dadaahi au. | |
| Job | Kapingam | 10:13 | Dolomeenei gei au gu-iloo bolo i-di madagoaa hagatau deelaa, gei Goe nogo hagamaanadu dau hai dela belee haga-huaidu au. | |
| Job | Kapingam | 10:14 | Gei Goe nogo hagadinadina-mai au be au e-hai dagu mee huaidu, bolo gei Goe ga-hagalee e-dumaalia-mai. | |
| Job | Kapingam | 10:15 | Maa au gaa-hai di huaidu, gei au ga-gidee dogu haingadaa mai i doo baahi. Maa au gaa-hai di humalia, deai di hagaamu mai i doo baahi ai. Au gu-hagaloale huoloo gei gu-langaadia huoloo. | |
| Job | Kapingam | 10:16 | Maa au ga-haadanga lamalia hagadahi, gei Goe ga-waluwalu au gadoo be-di laion, gei Goe e-hai hogi au mogobuna belee haga-huaidu au. | |
| Job | Kapingam | 10:17 | Nia madagoaa huogodoo gei Goe au gau hagamodongoohia belee hai-baahi mai gi-di-au. Do hagawelewele mai gi-di-au le e-damana-mai i-nia madagoaa huogodoo, gei Goe e-haganohonoho dau mee i-nia madagoaa huogodoo bolo Goe e-hagahuaidu au. | |
| Job | Kapingam | 10:18 | “Meenei God, Goe ne-aha dela ne-dumaalia-mai gi-di-au gi-haanau-mai? E-humalia maa nei bolo au gii-made gi-daha i-mua nia daangada ala ma-gaa-mmada mai gi-di-au. | |
| Job | Kapingam | 10:19 | Dogu hagahuudonu mai i tinae o dogu dinana gaa-hana gi-lodo taalunga, e-koia e-humalia i dogu haanau-mai. | |
| Job | Kapingam | 10:20 | Dogu mouli la-digi hoohoo bolo ga-hagaodi? Goe gi-diagia-hua au! Goe dumaalia-mai gi-di-au e-hai-ai ogu tene i-lodo di madagoaa dulii dela e-dubu i-golo i dogu mouli. | |
| Job | Kapingam | 10:21 | Au gu-hoohoo ga-hagatanga gaa-hana hagalee e-hanimoi labelaa, e-hana gi tenua o-di bouli dongoeho gei e-lodo-huaidu, | |