GENESIS
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
Chapter 7
| Gene | Kekchi | 7:1 | Li Ka̱cuaˈ Dios quixye re laj Noé, —Anakcuan ocan saˈ li jucub cab la̱at a̱cuochbeneb la̱ cualal a̱cˈajol ut la̱ cuixakil, xban nak caˈaj cuiˈ la̱at ti̱c a̱chˈo̱l chicuu saˈ xya̱nkeb li cristian li cuanqueb saˈ eb li cutan aˈin. | |
| Gene | Kekchi | 7:2 | Ta̱cuocsi saˈ li jucub cab cuukutk sumal chi xul li natiˈeˈ xtibeleb, te̱lom ut ixk. Ut ta̱cuocsiheb ajcuiˈ junju̱nk sumalak li xul, li incˈaˈ natiˈeˈ xtibeleb, te̱lom ut ixk. | |
| Gene | Kekchi | 7:3 | Ta̱cuocsi ajcuiˈ cuukutk sumal li xul li nequeˈrupupic, tzoˈ ut tux, re nak cua̱nk riyajileb saˈ ruchichˈochˈ. | |
| Gene | Kekchi | 7:4 | Saˈ cuukub cutan tintakla chak li hab. Ut chiru caˈcˈa̱l cutan ut caˈcˈa̱l kˈojyi̱n yo̱k li hab. Chixjunil li cˈaˈak re ru quinyoˈobtesi saˈ ruchichˈochˈ tinsach ruheb, chan li Dios. | |
| Gene | Kekchi | 7:6 | Cuakib ciento (600) chihab cuan re laj Noé nak quicuan li butˈi haˈ saˈ ruchichˈochˈ. | |
| Gene | Kekchi | 7:7 | Laj Noé qui-oc saˈ li jucub cab rochbeneb li ralal, li rixakil ut li rixakileb li ralal re xcolbaleb rib chiru li butˈi haˈ. | |
| Gene | Kekchi | 7:8 | Queˈoc li xul li natiˈeˈ xtibeleb. Ut queˈoc ajcuiˈ li xul incˈaˈ natiˈeˈ xtibeleb. Joˈ ajcuiˈ li xul li nequeˈrupupic. Ut queˈoc ajcuiˈ li xul li nequeˈxjucuqui rib saˈ chˈochˈ. | |
| Gene | Kekchi | 7:9 | Chi caˈcabil queˈoc li xul saˈ li jucub riqˈuin laj Noé, te̱lom ut ixk, joˈ quiyeheˈ re laj Noé xban li Dios. | |
| Gene | Kekchi | 7:10 | Chixjunileb queˈoc saˈ li jucub. Nak quinumeˈ li cuukub cutan, quiticla li hab ut quichal li butˈ saˈ ruchichˈochˈ. | |
| Gene | Kekchi | 7:11 | Saˈ eb li cutan aˈan yalak bar quilajeˈel chak li haˈ saˈ chˈochˈ. Ut nak quitehon li choxa, quichal li hab chi kˈaxal cau. Aˈin quicˈulman saˈ li cuuklaju xbe li xcab po re li chihab aˈan. Cuakib ciento (600) chihab cuan re laj Noé nak quicˈulman aˈin. | |
| Gene | Kekchi | 7:13 | Nak toj ma̱jiˈ naticla li butˈi haˈ, laj Noé qui-oc saˈ li jucub cab rochben li oxib chi ralal, laj Sem, laj Cam, ut laj Jafet. Ut qui-oc ajcuiˈ li rixakil laj Noé joˈ eb ajcuiˈ li rixakileb li oxib chi ralal. | |
| Gene | Kekchi | 7:14 | Queˈoc ajcuiˈ saˈ li jucub chixjunileb li xul aˈ yal cˈaˈru chi xulil. Queˈoc li xul li nequeˈcuan saˈ qˈuicheˈ joˈ ajcuiˈ li queto̱mk. Queˈoc ajcuiˈ li xul li nequeˈrupupic chiru choxa joˈ ajcuiˈ li nequeˈxjucuqui rib saˈ chˈochˈ. | |
| Gene | Kekchi | 7:16 | Queˈoc ju̱nk sumal li xul aˈ yal cˈaˈru chi xulil joˈ quiyeheˈ re laj Noé xban li Dios. Ut nak xeˈoc chixjunileb, li Dios quixtzˈap li oqueba̱l re li jucub. | |
| Gene | Kekchi | 7:17 | Caˈcˈa̱l cutan quixqˈue li hab. Quichamoˈ li butˈ ut li jucub quicuaclesi̱c xban li haˈ ut napamamnac saˈ xbe̱n li haˈ. | |
| Gene | Kekchi | 7:18 | Kˈaxal cuiˈchic quichamoˈ li butˈ saˈ xbe̱n li ruchichˈochˈ. Ut li jucub napamamnac saˈ xbe̱n li haˈ. | |
| Gene | Kekchi | 7:19 | Quinujac li haˈ saˈ xbe̱n li ruchichˈochˈ toj retal queˈmukun chixjunileb li ni̱nki tzu̱l. | |
| Gene | Kekchi | 7:21 | Ut quilajeˈcam chixjunileb li cuanqueb saˈ ruchichˈochˈ. Queˈcam chixjunil li xul li nequeˈrupupic, joˈ ajcuiˈ li nequeˈxjucuqui rib saˈ chˈochˈ. Queˈcam li queto̱mk joˈ eb ajcuiˈ li nequeˈcuan saˈ qˈuicheˈ. Ut chixjunileb li cristian queˈcam. | |
| Gene | Kekchi | 7:22 | Chixjunileb li cuanqueb saˈ ruchichˈochˈ, quilajeˈcam. Eb li cristian joˈ eb ajcuiˈ li xul quilajeˈcam. | |
| Gene | Kekchi | 7:23 | Joˈcaˈin nak li Dios quixsach ruheb chixjunileb li cuanqueb saˈ ruchichˈochˈ. Queˈosoˈ li cristian joˈ ajcuiˈ chixjunileb li xul li nequeˈbe̱c. Joˈ ajcuiˈ li nequeˈxjucuqui rib ut li nequeˈrupupic chiru choxa. Caˈaj chic laj Noé quicoleˈ rochbeneb chixjunileb li cuanqueb saˈ li jucub cab. | |