I SAMUEL
Chapter 23
| I Sa | Azeri | 23:2 | داوود مصلحت اوچون ربّئن حوضورونا گلئب ددي: "آيا گدئب فئلئسطلی‌لرله ووروشوم؟" رب داوودا ددي: "گت فئلئسطلی‌لره هوجوم ات و قِعئلاني قورتار." | |
| I Sa | Azeri | 23:3 | لاکئن داوودون آداملاري اونا ددئلر: "باخ بورادا، يهودادا بئز قورخو ائچئنده‌‌يئک. بس نه قدر چوخ قِعئلايا، فئلئسطلي قوشونلارينين ضئدّئنه چيخاندا اولاجاغيق؟" | |
| I Sa | Azeri | 23:4 | داوود تزه‌دن مصلحت اوچون ربّئن حوضورونا گلدي و رب اونا جاواب ورئب ددي: "قالخ قِعئلايا اِن، چونکي فئلئسطلی‌لري سنه تسلئم اده‌جيم." | |
| I Sa | Azeri | 23:5 | داوودلا آداملاري قِعئلايا گدئب فئلئسطلی‌لره هوجوم اتدئلر. داوود اونلارين مال-حيوانلاريني آپاردي و فئلئسطلی‌لري بؤيوک بئر شکئلده قيردي و قِعئلا اهالئسئني قورتاردي. | |
| I Sa | Azeri | 23:6 | اَخئمِلِکئن اوغلو اِبياتار قِعئلايا، داوودون يانينا قاچاندا بئر اِفوددا اَلئنده آپارميشدي. | |
| I Sa | Azeri | 23:7 | داوودون قِعئلايا گلمه‌سي شاعولا چاتديريلدي. شاعول ددي: "تاري اونو منئم اووجومون ائچئنه قويوب، چونکي چفته‌لي دروازالاري اولان بئر شهره گئرمَکله او اؤزونو چيخيلماز بئر وضعئيّته ساليب." | |
| I Sa | Azeri | 23:8 | شاعول بوتون خالقي موحارئبه‌يه چاغيردي کي، قِعئلايا اِنسئنلر و داوودلا آداملاريني موحاصئره‌يه آلسينلار. | |
| I Sa | Azeri | 23:9 | داوود بئلئردي کي، شاعول اونون ضئدّئنه پئس بئر فئتنه قورور. اونون اوچون ده کاهئن اِبياتارا ددي: "اِفودو بورايا گتئر." | |
| I Sa | Azeri | 23:10 | سونرا سؤزونه داوام وردی: "ای ائسرايئلئن تاريسي رب، بو قولون اشئدئب کي، شاعول منه گؤره شهري محو اتمک اوچون ائسته‌يئر قِعئلايا گلسئن. | |
| I Sa | Azeri | 23:11 | آيا قِعئلا ساکئنلري منی اونا تسلئم اده‌جکلر؟ آيا شاعول بو قولونون اشئتدئيي کئمي گله‌جک؟ ای ائسرايئلئن تاريسي رب، يالواريرام، بونو قولونا آگاه ات." | |
| I Sa | Azeri | 23:12 | او واخت داوود سوروشدو: "آيا قِعئلالي‌لار منی و آداملاريمي شاعولا تسلئم اده‌جکلر؟" رب ددي: "تسلئم اده‌جکلر." | |
| I Sa | Azeri | 23:13 | داوود و آداملاري، تخمئنن آلتي يوز نفر، قالخيب قِعئلادان چيخديلار و گده بئله‌جيي هر يره گتدئلر. داوودون قِعئلادان قاچديغيني شاعولا خبر ورنده، او تعقئبدن اَل چکدي. | |
| I Sa | Azeri | 23:14 | داوود چؤللوکده قالالاردا قاليب، زئف صحراسينداکي داغليق بؤلگه‌سئنده ياشادي. شاعول هر گون داوودو آختاريردي، لاکئن تاري اونو شاعولا تسلئم اتمه‌دي. | |
| I Sa | Azeri | 23:15 | داوود زئف صحراسينداکي خورِشده اولاندا گؤردو کي، شاعول اونون جا‌نيني آلماق اوچون يولا چيخيب. | |
| I Sa | Azeri | 23:16 | شاعولون اوغلو يوناتان قالخيب مِشه‌لئيه، داوودون يانينا گلدي و اونو تاري آدي ائله اورَکلَندئردي. | |
| I Sa | Azeri | 23:17 | اونا ددي: "قورخما، آتام شاعولون اَلئنه دوشمَيه‌جکسن، ائسرايئلئن پادشاهي سن اولاجاقسان، من سندن سونرا ائکئنجي اولاجاغام. بونو حتّا آتام شاعول دا بئلئر." | |
| I Sa | Azeri | 23:18 | سونرا ائکئسي ده ربّئن حوضوروندا عهد باغلاديلار؛ داوود خورِشده قالدي، يوناتان دا اِوئنه قاييتدي. | |
| I Sa | Azeri | 23:19 | زئفلی‌لر گئبعايا، شاعولون يانينا گلئب ددئلر: "مگر داوود بئزئم يانيميزدا، يِشئمونون جنوبونداکي تپه‌سئنده، خورِشده‌کي قالالاردا گئزلنمه‌يئب؟ | |
| I Sa | Azeri | 23:20 | ائندي ای پادشاه، ائندي اورايا اِنه‌سن، اوره‌يئنده‌کي آرزونا چاتارسان. بئزئم پاييميز بودور کي، اونو پادشاها تسلئم اِدَک." | |
| I Sa | Azeri | 23:22 | گدئن، داها ياخشي آراشديرين و اؤيره‌نئن کي، هارا آياق باسيب، کئملر اونو اورادا گؤروب. چونکي ديئرلر کي، او چوخ حئيله‌گَردئر. | |
| I Sa | Azeri | 23:23 | گئزلَندئيي يرلرئن هاميسيني تاپيب اؤيره‌نئن، دوغرو خبرله يانيما گلئن و من ده سئزئنله اورايا گده‌جيم. اگر او بؤلگه‌ده اولسا، اونو يهودا طايفالارينين هاميسي آراسيندا آختاراجاغام." | |
| I Sa | Azeri | 23:24 | زئفلی‌لر قالخيب شاعولدان قاباق زئفه قاييتديلار. داوودلا آداملاري يِشئمونون جنوبوندا، عَراباداکي ماعون صحراسيندا ائدئلر. | |
| I Sa | Azeri | 23:25 | شاعوللا آداملاري اونو آختارماق اوچون همئن يره گتدئلر. بو، داوودا خبر ورئلدي و او دا قاياليغا اِنئب ماعون صحراسيندا قالدي. شاعول بونو اشئدنده ماعون صحراسيندا داوودو تعقئب اتدي. | |
| I Sa | Azeri | 23:26 | شاعول داغين بئر طرفئندن گتدي، داوودلا آداملاري دا داغين او بئري طرفئندن. داوود تَله‌سئردي کي، شاعولون قاباغيندان قاچسين، چونکي شاعوللا آداملاري داوودلا آداملاريني توتماق اوچون اوراني موحاصئره‌يه آليرديلار. | |
| I Sa | Azeri | 23:27 | بو واخت شاعولون يانينا بئر قاصئد گلئب ددي: "تِز اول، گری قاييت، چونکي فئلئسطلی‌لر اؤلکه‌يه هوجوم ادئبلر." | |
| I Sa | Azeri | 23:28 | بلجه شاعول داوودو تعقئب اتمکدن اَل چکئب فئلئسطلی‌لرئن ضئدّئنه دؤيوشه گتدي. اونا گؤره ده او يره "قاچماق قاياسي" آدي ورئلدي. | |