II CHRONICLES
Chapter 31
II C | Kapingam | 31:1 | I-muli nia daumaha budu ne-lawa, nia daangada huogodoo guu-hula gi-nia waahale huogodoo i-lodo Judah, gu-hagahingahinga gi-lala nia hadu waduu, gu-duuduu gi-lala nia ada o-di god-ahina Asherah, gu-oho nia gowaa dudu tigidaumaha mo nia gowaa daumaha gi-nia balu god. Digaula guu-hai labelaa nia mee aanei laa-lodo nia gowaa ala i-golo i-lodo Judah, mo nia henua o Benjamin, Ephraim, mo Manasseh, gaa-lawa gaa-hula gi-muli gi nadau guongo. | |
II C | Kapingam | 31:2 | King Hezekiah gu-haganoho labelaa tuhongo hegau o-nia buini gau hai-mee-dabu mo nia buini gau o Levi ala e-hai nadau hegau dagidahi. Aanei nnegau digaula: e-hai nadau tigidaumaha dudu, mo tigidaumaha hagadaubuni, e-hai nadau hegau i-di madagoaa hai daumaha, e-hagaamu ge danggee i-nia gowaa dagidahi o-di Hale Daumaha. | |
II C | Kapingam | 31:3 | Mee gu-dahi-aga ana manu mai i ana hagabuulinga manu donu, e-hai nia tigidaumaha dudu i-nia luada mo nia hiahi huogodoo mo ang-gi nia tigidaumaha di Laangi Sabad, mo di Budu o-di Malama Hoou, mo nia laangi llauehe ala i-golo ala ne-hagawaalanga go Nnaganoho Dimaadua. | |
II C | Kapingam | 31:4 | Hagapuni-anga, di king guu-hai nia daangada o Jerusalem gi-gaamai nadau tigidaumaha ala belee hai-mee ginai digau hai-mee-dabu mo digau Levi, gii-mee digaula di-wanga ginaadou hagatau gi-nia waawa hegau ala gu-helekai i-lodo Nnaganoho Dimaadua. | |
II C | Kapingam | 31:5 | I-di madagoaa la-hua nia helekai hagailoo ne-wanga gi digaula, nia daangada Israel gu-gaamai nadau huwa laagau ala koia e-humalia, waini, lolo-olib, meegai maangala lodo henua, mo nia meegai laagau ala i-golo, gei digaula gu-gaamai labelaa dahi baahi madangaholu o nadau mee huogodoo ala e-hai-mee ginai. | |
II C | Kapingam | 31:6 | Nia daangada huogodoo ala e-noho i-lodo nia waahale o Judah gu-gaamai dahi baahi madangaholu o nadau kau mono siibi, gu-gaamai labelaa nadau kisakis logowaahee ala ne-hagadabu go digaula ang-gi Dimaadua di-nadau God. | |
II C | Kapingam | 31:7 | Nia kisakis ne-daamada ne-dau i-lodo tolu malama ga-duudagi gi-muli i-lodo nia malama e-haa nomuli. | |
II C | Kapingam | 31:8 | Di madagoaa King Hezekiah mo ana gau ngalua aamua ne-gidee nia goloo guu-logo, digaula gu-hagaamu Dimaadua mo ana daangada Israel. | |
II C | Kapingam | 31:9 | Di king ga-helekai gi digau hai-mee-dabu mo digau Levi i-di gili nia kisakis aanei, | |
II C | Kapingam | 31:10 | gei Azariah, tagi aamua hai-mee-dabu, tangada mai i-di hagadili o Zadok, ga-helekai gi-di king, “Di madagoaa nia daangada ne-daamada ne-gaamai nadau kisakis gi-di Hale Daumaha, nia meegai la-guu-logo di-gai, gei nia mee ala ne-dubu guu-logo labelaa. Gidaadou gu-hai-mee gi-nia mee huogodoo aanei idimaa Dimaadua gu-hagamaluagina ana daangada.” | |
II C | Kapingam | 31:11 | Di king ne-helekai gi digaula, gei digaula ga-hagatogomaalia nia ruum benebene mee i-lodo di Hale Daumaha, | |
II C | Kapingam | 31:12 | gaa-dugu nia kisakis huogodoo mo nia kisakis dahi baahi madangaholu gi-golo e-benebene. Digaula gaa-dugu tangada o Levi dono ingoo go Conaniah e-benebene nia maa, gaa-hai Shimei dono duaahina-daane dana dangada hagamaamaa. | |
II C | Kapingam | 31:13 | Digau Levi dilongoholu gu-hagaingoo e-ngalua i-lala meemaa: Jehiel, Azaziah, Nahath, Asahel, Jerimoth, Jozabad, Eliel, Ismachiah, Mahath mo Benaiah. Nia mee huogodoo aanei la-ne-hagatogomaalia i-lala di mogobuna o King Hezekiah mo Azariah, tagi aamua hai-mee-dabu. | |
II C | Kapingam | 31:14 | Kore, tama-daane a Imnah, tangada o Levi, nogo dagi digau hagaloohi o-di Bontai Baahi gi-Dua di Hale Daumaha, e-madamada humalia di kumi nia kisakis ala e-tigidaumaha ang-gi Dimaadua mo-di duwwe nia maa. | |
II C | Kapingam | 31:15 | I-lodo nia waahale ala i-golo, i-nia gowaa ala e-noho-ai digau hai-mee-dabu, mee guu-kae di hagamaamaa i-lodo tegau deenei mai baahi digau Levi ala i-golo: go Eden, Miniamin, Jeshua, Shemaiah, Amariah, mo Shecaniah. Digaula guu-duwwe nia meegai ngaadahi mo nadau ihoo Levi e-hagatau gi nadau waawa hegau, | |
II C | Kapingam | 31:16 | ge hagalee hagatau gi-nia madahaanau. Digaula guu-wanga nia duhongo gi-nia daane huogodoo ala guu-dagi motolu nadau ngadau be mada-mmaadua, ala nadau hegau e-hai i-lodo di Hale Daumaha gii-tau gi nadau waawa hegau. | |
II C | Kapingam | 31:17 | Digau hai-mee-dabu e-hagaingoo gi nadau hegau mai i nadau madahaanau, gei digau Levi ala e-dagi madalua nadau ngadau be mada-mmaadua gu-hagaingoo gi nadau hegau mai i nadau buini ngalua. | |
II C | Kapingam | 31:18 | Digaula huogodoo guu-hihi nadau ingoo dalia nadau lodo, dama, mo nadau daangada i-golo ala e-noho i-baahi digaula, idimaa digaula e-hai-loo gi-togomaalia e-hai nadau hegau dabu i-di-ingoo-hua di madagoaa. | |
II C | Kapingam | 31:19 | I-lodo digau hai-mee-dabu ala e-noho i-lodo nia waahale ala e-hagaingoo gi-nia hagadili o Aaron be i-lodo nia henua haangai manu ala e-dau gi-nia waahale aanei, nia daangada i-golo ala e-madamada humalia di duwwe nia meegai gi-nia daane huogodoo ala i-lodo nia madahaanau digau hai-mee-dabu mo digau huogodoo ala e-dau gi-nia madahaanau Levi. | |
II C | Kapingam | 31:20 | Laa-lodo Judah hagatau, King Hezekiah guu-hai nia mee ala e-donu mo e-manawa lamalia ginai Dimaadua dono God. | |