Site uses cookies to provide basic functionality.

OK
JOB
Prev Up Next
Chapter 12
Job Azeri 12:1  او زامان اَيّوب جاواب ورئب ددی:
Job Azeri 12:2  «دوغروردان دا خالق سئزسئنئز، سئز اؤلَنده حئکمت ده اؤله‌جک!
Job Azeri 12:3  سئزئن قدر منئم ده عاغليم وار؛ سئزدن ده هچ اَسکئک ديئلم. بو جور شيلري کئم بئلمئر؟!
Job Azeri 12:4  دوستولاريما لاغ سببي اولموشام، من کي، تاريني چاغيريب جاواب اِشئدَردئم؛ عادئل و کامئل آدام لاغا دؤنوب!
Job Azeri 12:5  راحاتليقدا اولان آدام فلاکتي بوش بئر شي سايير، آياغي سوروشَنلر اوچون فلاکت حاضير دايانير.
Job Azeri 12:6  تالانچي‌لارين چاديرلاريندا راحاتليق وار، تاريني قضبلَندئرَنلر اَمئن-آمانليقداديرلار، اونلار تارييا يوخ، اؤز قوللارينا بِل باغلاييرلار.
Job Azeri 12:7  گل، حيوانلاردان سوروش، سنه اؤيره‌دَرلر؛ گؤيون قوشلاريندان سوروش، سنه دئيَرلر.
Job Azeri 12:8  تورپاغا دِه، سنه بئلدئرَر؛ دهنزئن باليقلاري دا سنه خبر ورَرلر.
Job Azeri 12:9  بونلارين هانسي بئري بئلمئر کي، بونو ربّئن اَلي ادئب؟!
Job Azeri 12:10  او رب کي، هر ياشايانين جاني، بوتون ائنسانلارين نفسي اونون اَلئنده‌دئر.
Job Azeri 12:11  يِمه‌يئن داديني داماق دادان کئمي، قولاق دا سؤزلري مگر اِلَجه ائمتاحان اتمَز؟!
Job Azeri 12:12  حئکمت آغساقّاللاردادير، فهم ده اوزون عؤمورلولرده.
Job Azeri 12:13  حئکمت و قودرت اوندا وار، تدبئر و فهم اوندادير.
Job Azeri 12:14  باخ، اونون ييخديغي تزه‌دن قايريلا بئلمز؛ قاپيني بئرئنئن اوزونه باغلاسا، داها آچيلماز.
Job Azeri 12:15  باخ، سولاري کَسسه، قوراقليق اولار؛ سولاري بوراخسا، دونياني سل آپارار.
Job Azeri 12:16  قودرت و حئکمت اوندادير، آزان دا اونوندور، آزديران دا اونوندور.
Job Azeri 12:17  مشورت ورنلري سويولموش گؤندرَر، و حاکئملري آخماق اِدَر.
Job Azeri 12:18  پادشاهلارين باغلاديغي باغي آچار، و بِل‌لرئنه قورشاق سالار.
Job Azeri 12:19  کاهئنلري تالان اتدئرَر، ثابئت قالانلاري دا ييخار.
Job Azeri 12:20  مؤعتبر مشورتچئلري ساکئت اِدَر، آغساقّاللارين عاغليني آلار.
Job Azeri 12:21  اصئلزاده‌لرئن اوستونه حقارت ياغديرار، گوجلولرئن قورشاغيني چيخاردار.
Job Azeri 12:22  قارانليغين درئنلرئني گؤز قاباغينا قويار، و ظولمتي ائشيغا چيخاردار.
Job Azeri 12:23  مئلّتلري بؤيوک اِدَر، سونرا دا اونلاري محو اِدَر؛ مئلّتلري بؤيودَر، سونرا دا هئدايت اِدَر.
Job Azeri 12:24  دونيانين خالقينا ريئس اولانلارين عاغليني آلار، و يولو اولمايان بئر چؤلده اونلاري سرگردان اِدَر.
Job Azeri 12:25  ائشيقسيز قارانليقدا اَل سورته-سورته يِرئيَرلر، و اونلاري کِفلي آشا-آشا گَزدئرَر.