JUDITH
Chapter 11
Judi | CSlEliza | 11:1 | И рече к ней Олоферн: дерзай, жено, да не устрашаешися сердцем твоим, зане аз не озлобих человека, иже изволи служити царю Навуходоносору всея земли: | |
Judi | CSlEliza | 11:2 | и ныне людие твои живущии в горней, аще бы не уничтожили мя, не воздвигл бых копия моего на них, но они сами себе сотвориша сия: | |
Judi | CSlEliza | 11:3 | и ныне глаголи ми, чесо ради отшла еси от них и пришла еси к нам? Приходиши бо ко спасению: дерзай, в нощь сию жива будеши, и в прочее: | |
Judi | CSlEliza | 11:4 | несть бо, иже обидит тя, но благо тебе сотворит, якоже бывает рабом господина моего царя Навуходоносора. | |
Judi | CSlEliza | 11:5 | И рече к нему Иудиф: приими глаголы рабы твоея, и да проглаголет рабыня твоя пред лицем твоим, и не возвещу лжи госиодину моему в нощь сию: | |
Judi | CSlEliza | 11:6 | и аще имаши последовати словесем рабыни твоея, совершенно дело сотворит с тобою Бог, и не отпадет господин мои от начинаний своих: | |
Judi | CSlEliza | 11:7 | живет бо царь Навуходоносор всея земли, и живет держава его, иже посла тя во исправление всякия души, яко не токмо человецы тебе ради послужат ему, но и зверие польнии и скоти и птицы небесныя крепостию твоею живи будут о Навуходоносоре и всем доме его: | |
Judi | CSlEliza | 11:8 | слышахом бо премудрость твою и хитрости души твоея, и возвестися всей земли, яко ты един благ во всем царстве и силен в разуме и чуден во ополчениих брани: | |
Judi | CSlEliza | 11:9 | и ныне слово, еже изрече Ахиор в заседании твоем, слышахом глаголы его, яко снабдеша его мужие града Ветилуи, и возвести им вся, елика изглагола он у тебе: | |
Judi | CSlEliza | 11:10 | сего ради, владыко господине, да не преступаеши словесе его, но положи его в твоем сердцы, яко истинно есть: не бо отмщается род наш, не превозмогает мечь на них, аще не согрешат к Богу своему: | |
Judi | CSlEliza | 11:11 | и ныне да не будет господин мой отвержен и недействителен, и нападет смерть на лице их, и постигнет их согрешение, имже раздражат Бога своего, когда либо аще сотворят безместие: | |
Judi | CSlEliza | 11:12 | понеже бо оскудеша им брашна, и умалися вся вода, восхотеша устремитися на скоты своя, и вся, елика определи им Бог в законех Своих не ясти, умыслиша употребляти: | |
Judi | CSlEliza | 11:13 | и начатки пшеницы, и десятины вииа и елеа, яже соблюдаху освятивше иереом предстоящым во Иерусалиме пред лицем Бога нашего, судиша иждивати, имже ниже руками подобаше прикасатися кому от людий: | |
Judi | CSlEliza | 11:14 | и послаша во Иерусалим, яко и тамо живущии сотвориша сия, да принесут им разрешение от старейшин: | |
Judi | CSlEliza | 11:16 | темже аз раба твоя, познавши сия вся, отбегох от лица их: и посла мя Бог творити с тобою дела, о нихже ужаснется вся земля, елицы аще услышат сия, | |
Judi | CSlEliza | 11:17 | зане раба твоя благочестива есть и служащи нощию и днем Богу Небесе: и ныне пребуду у тебе, господине мой, и да исходит раба твоя в нощи в дебрь и молится к Богу: и возвестит ми, егда сотворят согрешения своя: | |
Judi | CSlEliza | 11:18 | и пришедши возвещу тебе, и изыдеши со всею силою твоею, и несть, иже воспротивится тебе от них: | |
Judi | CSlEliza | 11:19 | и поведу тя сквозе Иудею, дондеже приити прямо Иерусалима, и положу седалище твое посреде его, и поженеши их аки овцы, имже несть пастыря, и не возскомлет пес языком своим противу тебе: зане мне сия речена суть по предведению моему и возвещена ми, и послана есмь возвестити тебе. | |
Judi | CSlEliza | 11:20 | И угодна быша словеса ея пред Олоферном и пред всеми слуги его, и дивишася о премудрости ея и реша: | |
Judi | CSlEliza | 11:21 | несть таковыя жены от конца даже до конца земли в красоте лица и в разуме словес. | |
Judi | CSlEliza | 11:22 | И рече к ней Олоферн: благо сотвори Бог пославый тя пред людьми, еже быти в руках наших державе, на уничиживших же господина моего погибели: | |