TpiKJPB - Philemon

Chapter 1

1:1  ¶ Pol, wanpela kalabusman bilong Jisas Kraist, na brata bilong yumi Timoti, i go long Failimon, man i stap klostu tru long bel bilong mipela i dia tru, na wanwok bilong mipela,

1:2  Na long Afia, man i stap klostu tru long bel bilong mipela, na Arkipas, wanwok bilong mipela long mekim wok soldia, na long sios i stap long haus bilong yu.

1:3  Marimari i go long yu, na bel isi, i kam long God Papa bilong yumi na Bikpela Jisas Kraist.

1:4  Mi tok tenkyu long God bilong mi, taim mi kolim nem bilong yu olgeta taim long ol prea bilong mi,

1:5  Taim mi harim long laikim tru na bilip tru bilong yu, dispela yu gat i go long Bikpela Jisas, na i go long olgeta seint,

1:6  Inap long taim yu toktok long bilip tru bilong yu em i ken kamap samting i gat pawa taim ol i luksave na tokaut klia long dispela olgeta wan wan gutpela samting i stap insait long yu long Kraist Jisas.

1:7  Long wanem, mipela i gat bikpela amamas tru na pasin bilong bel isi insait long laikim tru bilong yu, bilong wanem, ol rop bilong bel bilong ol seint i kisim strong gen long yu, brata.

1:8  ¶ Olsem na, maski mi ken stap man i no pret tru insait long Kraist long givim strongpela skul long yu long dispela samting em i fit long yu,

1:9  Tasol bilong tingim laikim tru mi amamas moa long askim yu plis strong, taim mi stap wanpela kain man olsem lapun Pol, na nau tu wanpela kalabusman bilong Jisas Kraist.

1:10  Mi askim yu plis strong bilong helpim pikinini man bilong mi Onisimas, husat mi bin kamapim long taim kalabus bilong mi.

1:11  Husat long taim bipo em i no gutpela bilong helpim yu, tasol nau em i gutpela bilong helpim long yu na long mi.

1:12  Husat mi bin salim gen. Olsem na yu mas kisim em, em i olsem, ol rop bilong bel bilong mi yet.

1:13  Husat mi bin gat laik long holim yet wantaim mi, inap long em i ken kisim ples bilong yu long wokim wok long mi long ol kalabus bilong gutnius.

1:14  Tasol taim mi no kisim tingting bilong yu mi no gat laik long mekim wanpela samting. Inap long samting bilong helpim bilong yu i no ken stap samting olsem samting yu mas mekim, tasol samting yu gat laik long mekim.

1:15  Long wanem, olsem na ating em i bin lusim yu long liklik taim, inap long yu ken kisim em oltaim oltaim,

1:16  I no nau olsem wanpela wokboi, tasol antap moa long wokboi, wanpela brata i stap klostu tru long bel, na moa yet long mi, tasol hamas moa long yu, insait long bodi sait, na insait long Bikpela wantaim?

1:17  Olsem na sapos yu kaunim mi wanpela poroman, kisim em olsem mi yet.

1:18  Sapos em i bin mekim rong long yu, o em i dinau long yu liklik, putim dispela long dinau bilong mi.

1:19  Mi Pol i bin raitim dispela wantaim han bilong mi yet, mi bai bekim pe bilong en. Tasol mi no tokim yu long yu gat dinau long mi olsem wanem, yes, yu yet tu.

1:20  Yes, brata, larim mi i ken gat amamas tru long yu insait long Bikpela. Givim strong gen long ol rop bilong bel bilong mi insait long Bikpela.

1:21  Taim mi gat strongpela bilip long pasin bilong yu bilong bihainim tok mi rait i go long yu, taim mi save long yu tu bai mekim moa long mi toktok.

1:22  Tasol wantaim ol arapela, redim mi tu wanpela ples bilong stap. Long wanem, mi gat bilip, long wok bilong ol prea bilong yu, God bai givim mi i go long yu.

1:23  Ol dispela i salim gude long yu, Epafras, wan kalabus bilong mi insait long Kraist Jisas,

1:24  Markus, Aristakas, Dimas, na Lukas, ol wanwok bilong mi.

1:25  Marimari bilong Bikpela bilong yumi Jisas Kraist i stap wantaim spirit bilong yu. Amen.