PROVERBS
Chapter 18
| Prov | Kekchi | 18:1 | Li ani naxsicˈ li us chokˈ re xjunes rib, incˈaˈ naxcˈu̱luban li cha̱bil naˈleb naqˈueheˈ re. | |
| Prov | Kekchi | 18:2 | Li ma̱cˈaˈ xnaˈleb incˈaˈ naraj xtzolbal rib. Li cˈaˈru nacuulac chiru, aˈan xserakˈinquil li cˈaˈru naxcˈoxla xjunes. | |
| Prov | Kekchi | 18:3 | Li ani naxba̱nu ma̱usilal naxcˈut xxuta̱n. Ut li ani naxnimobresi rib narisi xlokˈal xjunes rib. | |
| Prov | Kekchi | 18:4 | Li cha̱bil a̱tin li naxye li cui̱nk li cuan xnaˈleb, aˈan chanchan li yuˈam haˈ li nabe̱c rok ut incˈaˈ nachakic. | |
| Prov | Kekchi | 18:5 | Incˈaˈ us xyebal nak ma̱cˈaˈeb xma̱c li incˈaˈ useb xnaˈleb. Incˈaˈ us xqˈuebal li ma̱c saˈ xbe̱neb li ma̱cˈaˈ xma̱c. | |
| Prov | Kekchi | 18:6 | Li ma̱cˈaˈ xnaˈleb naxchˈic rib saˈ raylal riqˈuin li cˈaˈru naxye. Ut riqˈuin li a̱tin li naxye naxtzˈa̱ma xlob. | |
| Prov | Kekchi | 18:7 | Li a̱tin li naxye li ma̱cˈaˈ xnaˈleb, aˈan li nasachoc re. Li a̱tin li naxye, aˈan chanchan jun raˈal chokˈ re. | |
| Prov | Kekchi | 18:8 | Li ticˈtiˈ, aˈan chanchan li cocˈ cab chiruheb li nequeˈcuulac chiru ticˈtiˈic chirix li ras ri̱tzˈin. Abanan ra nanak cuiˈ li cˈaˈru nequeˈxye. | |
| Prov | Kekchi | 18:10 | Kˈaxal lokˈ xcˈabaˈ li Ka̱cuaˈ ut kˈaxal nim xcuanquil. Caˈaj cuiˈ riqˈuin aˈan nequeˈxic chixsicˈbal lix colbaleb li ti̱queb xchˈo̱l. | |
| Prov | Kekchi | 18:11 | Eb li biom nequeˈxcˈoxla nak lix biomaleb naru nacoloc reheb. Nequeˈxcˈoxla nak lix biomaleb, aˈan chanchan jun li tzˈac li najt xteram re teˈxcol cuiˈ ribeb. | |
| Prov | Kekchi | 18:12 | Li ani naxnimobresi rib xjunes naxsach rib. Ut li ani naxcubsi rib naqˈueheˈ xlokˈal. | |
| Prov | Kekchi | 18:13 | Xuta̱nal na-el li ma̱cˈaˈ xnaˈleb nak naxsume li a̱tin chi toj ma̱jiˈ narabi li cˈaˈru ta̱yehekˈ re. | |
| Prov | Kekchi | 18:14 | Li ani yaj tixcacuubresi xchˈo̱l. Aˈan ta̱tenkˈa̱nk re chi cacuu̱c. Abanan junak li yaj incˈaˈ cau xchˈo̱l, ¿ani ta̱ru̱k ta̱tenkˈa̱nk re chi cacuu̱c? | |
| Prov | Kekchi | 18:15 | Li cuanqueb xnaˈleb ut li se̱beb xchˈo̱l nequeˈxsicˈ xtzˈakob lix naˈleb ut nequeˈxtau. | |
| Prov | Kekchi | 18:16 | Riqˈuin junak li ma̱tan li ta̱si, naru naqˈueheˈ a̱cue li cˈaˈru ta̱tzˈa̱ma. Ut naru nacat-oc chi a̱tinac riqˈuineb li cuanqueb saˈ xcuanquil. | |
| Prov | Kekchi | 18:17 | Li ani nacuulac xbe̱n cua chixyebal nak ma̱cˈaˈ xma̱c, nacˈutun nak ma̱cˈaˈ xma̱c toj nak nacuulac li jun chic li yo̱ chi jitoc re. Aˈan nayehoc re nak cuan xma̱c. | |
| Prov | Kekchi | 18:18 | Riqˈuin bu̱lic naru teˈxyi̱b ru lix chˈaˈajquilal li yo̱queb chi pletic. Aˈan naru tixrak li ple̱t usta cuanqueb xcuanquil li yo̱queb chi pletic. | |
| Prov | Kekchi | 18:19 | Junak asbej ta̱hobekˈ, aˈan li kˈaxal cuiˈchic ta̱joskˈok. Ta̱cacuu̱k xchˈo̱l joˈ junak li tenamit cau rib. Ma̱ ani ta̱ru̱k ta̱tenkˈa̱nk re xban nak kˈaxal cau lix chˈo̱l joˈ li chˈi̱chˈ li natzˈapoc re li puerta. | |
| Prov | Kekchi | 18:20 | Li ani ta̱a̱tinak cha̱bil, cha̱bil ajcuiˈ tixcˈul. Li ani incˈaˈ us ta̱a̱tinak, incˈaˈ ajcuiˈ us li cˈaˈru tixcˈul. | |
| Prov | Kekchi | 18:21 | Li ani cha̱bil naa̱tinac, cua̱nk xyuˈam. Ut li ani incˈaˈ us ta̱a̱tinak tixbok li ca̱mc saˈ xbe̱n. Li ani nequeˈcuulac chiru a̱tinac chi nabal, teˈxcˈul lix tojbal rix. | |
| Prov | Kekchi | 18:23 | Li nebaˈ naa̱tinac riqˈuin kˈunil a̱tin re nak ta̱ilekˈ xtokˈoba̱l ru. Abanan li biom saˈ kˈetkˈetil nachakˈoc. | |