Site uses cookies to provide basic functionality.

OK
DEUTERONOMY
Prev Up Next Toggle notes
Chapter 23
Deut HebModer 23:1  לא יבא פצוע דכא וכרות שפכה בקהל יהוה׃
Deut HebModer 23:2  לא יבא ממזר בקהל יהוה גם דור עשירי לא יבא לו בקהל יהוה׃
Deut HebModer 23:3  לא יבא עמוני ומואבי בקהל יהוה גם דור עשירי לא יבא להם בקהל יהוה עד עולם׃
Deut HebModer 23:4  על דבר אשר לא קדמו אתכם בלחם ובמים בדרך בצאתכם ממצרים ואשר שכר עליך את בלעם בן בעור מפתור ארם נהרים לקללך׃
Deut HebModer 23:5  ולא אבה יהוה אלהיך לשמע אל בלעם ויהפך יהוה אלהיך לך את הקללה לברכה כי אהבך יהוה אלהיך׃
Deut HebModer 23:6  לא תדרש שלמם וטבתם כל ימיך לעולם׃
Deut HebModer 23:7  לא תתעב אדמי כי אחיך הוא לא תתעב מצרי כי גר היית בארצו׃
Deut HebModer 23:8  בנים אשר יולדו להם דור שלישי יבא להם בקהל יהוה׃
Deut HebModer 23:9  כי תצא מחנה על איביך ונשמרת מכל דבר רע׃
Deut HebModer 23:10  כי יהיה בך איש אשר לא יהיה טהור מקרה לילה ויצא אל מחוץ למחנה לא יבא אל תוך המחנה׃
Deut HebModer 23:11  והיה לפנות ערב ירחץ במים וכבא השמש יבא אל תוך המחנה׃
Deut HebModer 23:12  ויד תהיה לך מחוץ למחנה ויצאת שמה חוץ׃
Deut HebModer 23:13  ויתד תהיה לך על אזנך והיה בשבתך חוץ וחפרתה בה ושבת וכסית את צאתך׃
Deut HebModer 23:14  כי יהוה אלהיך מתהלך בקרב מחנך להצילך ולתת איביך לפניך והיה מחניך קדוש ולא יראה בך ערות דבר ושב מאחריך׃
Deut HebModer 23:15  לא תסגיר עבד אל אדניו אשר ינצל אליך מעם אדניו׃
Deut HebModer 23:16  עמך ישב בקרבך במקום אשר יבחר באחד שעריך בטוב לו לא תוננו׃
Deut HebModer 23:17  לא תהיה קדשה מבנות ישראל ולא יהיה קדש מבני ישראל׃
Deut HebModer 23:18  לא תביא אתנן זונה ומחיר כלב בית יהוה אלהיך לכל נדר כי תועבת יהוה אלהיך גם שניהם׃
Deut HebModer 23:19  לא תשיך לאחיך נשך כסף נשך אכל נשך כל דבר אשר ישך׃
Deut HebModer 23:20  לנכרי תשיך ולאחיך לא תשיך למען יברכך יהוה אלהיך בכל משלח ידך על הארץ אשר אתה בא שמה לרשתה׃
Deut HebModer 23:21  כי תדר נדר ליהוה אלהיך לא תאחר לשלמו כי דרש ידרשנו יהוה אלהיך מעמך והיה בך חטא׃
Deut HebModer 23:22  וכי תחדל לנדר לא יהיה בך חטא׃
Deut HebModer 23:23  מוצא שפתיך תשמר ועשית כאשר נדרת ליהוה אלהיך נדבה אשר דברת בפיך׃
Deut HebModer 23:24  כי תבא בכרם רעך ואכלת ענבים כנפשך שבעך ואל כליך לא תתן׃
Deut HebModer 23:25  כי תבא בקמת רעך וקטפת מלילת בידך וחרמש לא תניף על קמת רעך׃