ABPGRK - I Chronicles - 15

15:1  και εποίησεν εαυτώ οίκους εν πόλει Δαυίδ και ητοίμασε τόπον τη κιβωτώ του θεού και έπηξεν αυτή σκηνήν

15:2  τότε είπε Δαυίδ ουκ έστιν αίρειν την κιβωτόν του θεού αλλ΄ η τους Λευίτας ότι αυτούς εξελέξατο ο κύριος αίρειν την κιβωτόν κυρίου και λειτουργείν αυτώ έως αιώνος

15:3  και συνήγαγε Δαυίδ τον πάντα Ισραήλ εις Ιερουσαλήμ του ανενεγκείν την κιβωτόν κυρίου εις τον τόπον ον ητοίμασεν αυτή

15:4  και συνήγαγε Δαυίδ τους υιούς Ααρών και τους Λευίτας

15:5  των υιών Καάθ Ουριήλ ο άρχων και οι αδελφοί αυτού εκατόν και είκοσι

15:6  των υιών Μεραρί Ασαϊα ο άρχων και οι αδελφοί αυτού διακόσιοι είκοσι

15:7  των υιών Γερσώμ Ιωήλ ο άρχων και οι αδελφοί αυτού εκατόν τριάκοντα

15:8  των υιών Ελισαφάν Σεμεϊ ο άρχων και οι αδελφοί αυτού διακόσιοι

15:9  των υιών Χεβρών Ελιήλ ο άρχων και οι αδελφοί αυτού ογδοήκοντα

15:10  των υιών Οζιήλ Αμιναδάβ ο άρχων και οι αδελφοί αυτού εκατόν και δεκαδύο

15:11  και εκάλεσε Δαυίδ τον Σαδώκ και τον Αβιάθαρ τους ιερείς και τους Λευίτας τον Ουριήλ Ασαϊα και Ιωήλ και Σαμέα και Ελιήλ και Αμμιναδάβ

15:12  και είπεν αυτοίς υμείς οι άρχοντες των πατριών των Λευιτών αγνίσθητε υμείς και οι αδελφοί υμών και ανοίσετε την κιβωτόν του κυρίου του θεού Ισραήλ ου ητοίμασα αυτή

15:13  ότι ουκ εν τω πρότερον υμάς είναι ετοίμους διέκοψεν κύριος ο θεός ημών εν ημίν ότι ουκ εζητήσαμεν αυτόν εν κρίματι

15:14  και ηγνίσθησαν οι ιερείς και οι Λευίται του ενεγκείν την κιβωτόν κυρίου θεού Ισραήλ

15:15  και ήραν οι υιοί των Λευιτών την κιβωτόν του θεού ως ενετείλατο Μωυσής εν λόγω κυρίου κατά την γραφήν εν αναφορεύσιν εν ώμοις αυτών

15:16  και είπε Δαυίδ τοις άρχουσι των Λευιτών στήσετε τους αδελφούς αυτών τους ψαλτωδούς εν οργάνοις ωδών εν ναβλαίς κινύραις και κυμβάλοις του φωνήσαι εις ύψος εν φωνή ευφροσύνην

15:17  και έστησαν οι Λευίται Αιμάν υιός Ιωήλ και εκ των αδελφών αυτού Ασάφ υιός Βαραχία και εκ των υιών Μεραρί αδελφών αυτού Αιθάν υιός Κισαίου

15:18  και μετ΄ αυτών οι αδελφοί αυτών οι δεύτεροι Ζαχαρίας υιός Ιεϊήλ και Σεμιραμώθ και Ιαϊήλ και Ανί και Ελιάβ και Βαναία και Μαασία και Ματταθίας και Ελιφάλ και Μακκανία και Ωβήδ Εδώμ και Ιεήλ οι πυλωροί

15:19  και οι ωδοί Αιμάν Ασάφ και Αιθάν εν κυμβάλοις χαλκοίς του ακουτίσαι

15:20  και Ζαχαρίας και Οζιήλ και Σεμιραμώθ και Ιεϊήλ και Ανί και Ελιάβ και Μαασίας και Βαναίας εν νάβλαις επί αλαιμώθ

15:21  και Ματταθίας και Ελιφαλού και Μακκανίας και Ωβήδ Εδώμ και Ιεϊήλ και Οζίας εν κινύραις αμασενίθ του ενισχύσαι

15:22  και Χονενίας άρχων των Λευιτών άρχων των ωδών ότι συνετός ην

15:23  και Βαραχίας και Ελκανά πυλωροί της κιβωτού

15:24  και Σαβανέα και Ιωσαφάτ και Ναθαναήλ και Αμασαϊ και Ζαχαρίας και Βαναίας και Ελιέζερ οι ιερείς σαλπίζοντες εν ταις σάλπιγξιν έμπροσθεν της κιβωτού του θεού και Ωβήδ Εδώμ και Ιεχία πυλωροί της κιβωτού

15:25  και ην Δαυίδ κα οι πρεσβύτεροι Ισραήλ και οι χιλίαρχοι οι πορευόμενοι του ανενεγκείν την κιβωτόν της διαθήκης κυρίου εξ οίκου Ωβήδ Εδώμ εν ευφροσύνη

15:26  και εγένετο εν τω κατισχύσαι τον θεόν τους Λευίτας αίροντας την κιβωτόν της διαθήκης κυρίου και έθυσαν επτά μόσχους και επτά κριούς

15:27  και Δαυίδ περιεζωσμένος εν στολή βυσσίνη και πάντες οι Λευίται αίροντες την κιβωτόν διαθήκης κυρίου και οι ψαλτωδοί και Χωνενίας ο άρχων των ωδών των αδόντων και επί Δαυίδ εφούδ βύσσινον

15:28  και πας Ισραήλ ανάγοντες την κιβωτόν διαθήκης κυρίου εν σημασία και εν φωνή σωφάρ και εν σάλπιγξι και εν κυμβάλοις αναφωνούντες εν νάβλαις και εν κινύραις

15:29  και εγένετο και ήλθεν η κιβωτός διαθήκης κυρίου έως πόλεως Δαυίδ και Μελχόλ η θυγάτηρ Σαούλ παρέκυψε διά της θυρίδος και είδε τον βασιλέα Δαυίδ ορχούμενον και παίζοντα και εξουδένωσεν αυτόν εν τη ψυχή αυτής