ISAIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
Chapter 15
| Isai | Kekchi | 15:1 | Aˈan aˈin li esilal li quiqˈueheˈ chirix li naˈajej Moab. Relic chi ya̱l li tenamit Ar li cuan aran Moab ta̱sachekˈ ru chiru jun kˈojyi̱n. Ut li tenamit Kir li cuan aran Moab ta̱sachekˈ ru chiru jun kˈojyi̱n. Ma̱cˈaˈ chic ta̱ecˈa̱nk saˈ li naˈajej Moab. | |
| Isai | Kekchi | 15:2 | Eb li cuanqueb saˈ li tenamit Dibón teˈxic chi ya̱bac saˈ li artal li cuan saˈ xbe̱n bol. Eb li cuanqueb Moab rahak saˈ xchˈo̱leb ut teˈya̱bak chirixeb li tenamit Nebo ut Medeba. Teˈxbes lix jolomeb ut teˈxjo lix macheb xban xrahil xchˈo̱leb. | |
| Isai | Kekchi | 15:3 | Teˈxqˈue li kˈes ru tˈicr chirixeb nak teˈxic saˈ be. Yo̱keb chi ya̱bac saˈ eb li cˈayil ut saˈ xbe̱neb li cab. Chixjunileb huyhutkeb chi ya̱bac. | |
| Isai | Kekchi | 15:4 | Eb li cuanqueb Hesbón ut Eleale teˈxjap reheb. Ut ta̱abi̱k lix ya̱beb toj saˈ li tenamit Jahaza. Joˈcan nak teˈxucuak li soldado li cuanqueb Moab ut teˈchˈina̱nk xchˈo̱leb. | |
| Isai | Kekchi | 15:5 | La̱in tincuil xtokˈoba̱l ruheb laj Moab. Eb li cristian teˈe̱lelik toj saˈ eb li tenamit Zoar, ut Eglat-selisiya. Yo̱keb chi ya̱bac nak teˈtakekˈ saˈ li tzu̱l Luhit ut japjo̱keb re xban xrahil xchˈo̱leb nak teˈe̱lelik toj Horonaim. | |
| Isai | Kekchi | 15:6 | Ta̱chakik li haˈ li cuan saˈ li tenamit Nimrim. Ta̱chakik ajcuiˈ li pachˈayaˈ ut chixjunil li acui̱mk. Chakihak chic chixjunil li pim. Ma̱cˈaˈak chic rax ru. | |
| Isai | Kekchi | 15:7 | Lix biomaleb li queˈxtau li xocxo xbaneb teˈxcˈam chirixeb nak teˈxic jun pacˈal li nimaˈ Sauces. | |
| Isai | Kekchi | 15:8 | Yalak bar saˈ li naˈajej Moab ta̱abi̱k li ya̱bac. Ta̱abi̱k saˈ li tenamit Eglaim. Toj saˈ li tenamit Beer-elim ta̱abi̱k lix ya̱beb. | |
| Isai | Kekchi | 15:9 | Ut li nimaˈ li cuan Dibón ta̱cakokˈ xban li quicˈ. Abanan kˈaxal cuiˈchic ra teˈxcˈul eb li cuanqueb Dibón xban nak la̱in kˈaxal cuiˈchic nim li raylal li tinqˈue saˈ xbe̱neb. Chanchan teˈcamsi̱k xban li cakcoj eb li tenamit li cuanqueb Moab ut eb li teˈcana̱k aran saˈ li naˈajej aˈan. | |