JOB
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
Chapter 24
| Job | Wycliffe | 24:1 | Tymes ben not hid fro Almyyti God; sotheli thei that knowen hym, knowen not hise daies. | |
| Job | Wycliffe | 24:2 | Othere men turneden ouer the termes of neiyboris eritage, thei token awei flockis, and fedden tho. | |
| Job | Wycliffe | 24:3 | Thei driueden awei the asse of fadirlesse children, and token awei the cow of a widewe for a wed. | |
| Job | Wycliffe | 24:4 | Thei distrieden the weie of pore men, and thei oppressiden togidere the mylde men of erthe. | |
| Job | Wycliffe | 24:5 | Othere men as wielde assis in deseert goon out to her werk; and thei waken to prey, and bifor maken redy breed to her children. | |
| Job | Wycliffe | 24:6 | Thei kitten doun a feeld not hern, and thei gaderen grapis of his vyner, whom thei han oppressid bi violence. | |
| Job | Wycliffe | 24:7 | Thei leeuen men nakid, and taken awei the clothis, to whiche men is noon hiling in coold; | |
| Job | Wycliffe | 24:8 | whiche men the reynes of munteyns weeten, and thei han noon hilyng, and biclippen stoonys. | |
| Job | Wycliffe | 24:9 | Thei diden violence, and robbiden fadirles and modirles children; and thei spuyliden, `ether robbiden, the comynte of pore men. | |
| Job | Wycliffe | 24:10 | Thei token awey eeris of corn fro nakid men, and goynge with out cloth, and fro hungry men. | |
| Job | Wycliffe | 24:11 | Thei weren hid in myddai among the heepis of tho men, that thirsten, whanne the presses ben trodun. | |
| Job | Wycliffe | 24:12 | Thei maden men of citees to weile, and the soulis of woundid men schulen crye; and God suffrith it not to go awei vnpunyschid. | |
| Job | Wycliffe | 24:13 | Thei weren rebel to liyt; thei knewen not the weyes therof, nether thei turneden ayen bi the pathis therof. | |
| Job | Wycliffe | 24:14 | A mansleere risith ful eerli, and sleeth a nedi man, and a pore man; sotheli bi nyyt he schal be as a nyyt theef. | |
| Job | Wycliffe | 24:15 | The iye of avouter kepith derknesse, and seith, An yye schal not se me; and he schal hile his face. | |
| Job | Wycliffe | 24:16 | Thei mynen housis in derknessis, as thei seiden togidere to hem silf in the dai; and thei knewen not liyt. | |
| Job | Wycliffe | 24:17 | If the morewtid apperith sudeynli, thei demen the schadewe of deth; and so thei goon in derknessis as in liyt. | |
| Job | Wycliffe | 24:18 | He is vnstablere than the face of the water; his part in erthe be cursid, and go he not bi the weie of vyneris. | |
| Job | Wycliffe | 24:19 | Passe he to ful greet heete fro the watris of snowis, and the synne of hym `til to hellis. | |
| Job | Wycliffe | 24:20 | Merci foryete hym; his swetnesse be a worm; be he not in mynde, but be he al to-brokun as `a tre vnfruytful. | |
| Job | Wycliffe | 24:21 | For he fedde the bareyn, and hir that childith not, and he dide not wel to the widewe. | |
| Job | Wycliffe | 24:22 | He drow doun stronge men in his strengthe; and whanne he stondith in `greet state, he schal not bileue to his lijf. | |
| Job | Wycliffe | 24:23 | God yaf to hym place of penaunce, and he mysusith that in to pride; for the iyen of God ben in the weies of that man. | |
| Job | Wycliffe | 24:24 | Thei ben reisid at a litil, and thei schulen not stonde; and thei schulen be maad low as alle thingis, and thei schulen be takun awei; and as the hyynessis of eeris of corn thei schulen be al to-brokun. | |