GENESIS
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
Chapter 17
| Gene | TpiKJPB | 17:1 | ¶ Na taim Ebram i gat 99 krismas, BIKPELA i kamap ples klia long Ebram, na toktok i go long em, Mi God i Gat Olgeta Strong. Wokabaut long pes bilong Mi, na yu stap inap tru. | |
| Gene | TpiKJPB | 17:2 | Na Mi bai wokim kontrak bilong Mi namel long Mi na yu, na Mi bai mekim yu i kamap planti moa planti moa yet. | |
| Gene | TpiKJPB | 17:4 | ¶ Long sait bilong Mi, lukim, kontrak bilong Mi i stap wantaim yu, na yu bai stap papa bilong planti kantri. | |
| Gene | TpiKJPB | 17:5 | Na tu ol bai i no inap kolim nem bilong yu Ebram moa, tasol nem bilong yu bai stap Ebraham. Long wanem, Mi bin mekim yu stap papa bilong planti kantri. | |
| Gene | TpiKJPB | 17:6 | Na Mi bai mekim yu i karim planti kaikai planti moa yet, na Mi bai mekim ol kantri i kamaut long yu, na ol king bai i kamaut long yu. | |
| Gene | TpiKJPB | 17:7 | ¶ Na Mi bai strongim kontrak bilong Mi namel long Mi na yu na tumbuna pikinini bilong yu bihain long yu long ol lain tumbuna bilong ol long wanpela kontrak bilong oltaim oltaim, long stap wanpela God long yu, na long tumbuna pikinini bilong yu i kam bihain long yu. | |
| Gene | TpiKJPB | 17:8 | Na Mi bai givim long yu, na tumbuna pikinini bilong yu i kam bihain long yu, dispela hap graun we yu stap wanpela ausait man long en, olgeta hap bilong Kenan, bilong wanpela holimpas bilong oltaim oltaim. Na Mi bai stap God bilong ol. | |
| Gene | TpiKJPB | 17:9 | Na God i tokim Ebraham, Olsem na yu bai holimpas kontrak bilong Mi, yu, na tumbuna pikinini bilong yu i kam bihain long yu long ol lain tumbuna bilong ol. | |
| Gene | TpiKJPB | 17:10 | Dispela em kontrak bilong Mi, dispela yu bai holimpas, namel long Mi na yu na tumbuna pikinini i kam bihain long yu. Yupela bai katim skin bilong olgeta wan wan pikinini man namel long yupela. | |
| Gene | TpiKJPB | 17:11 | Na yupela bai katim skin bilong laplap bilong sem bilong yupela. Na dispela bai stap wanpela mak bilong dispela kontrak namel long Mi na yupela. | |
| Gene | TpiKJPB | 17:12 | Na em husat i gat etpela de yupela bai katim skin bilong em namel long yupela, olgeta wan wan pikinini man long lain tumbuna bilong yupela, em husat mama i karim long haus, o husat yupela i baim wantaim mani bilong wanpela bilong ol ausait man, husat no tumbuna pikinini bilong yu. | |
| Gene | TpiKJPB | 17:13 | Em husat mama i karim insait long hauslain bilong yu, na em husat yupela i baim wantaim man, i gat nid long yupela i katim skin bilong em. Na kontrak bilong Mi bai stap insait long skin bilong yupela bilong wanpela kontrak bilong oltaim oltaim. | |
| Gene | TpiKJPB | 17:14 | Na pikinini man husat ol i no katim skin, husat skin bilong laplap bilong sem bilong em ol i no katim, dispela tewel yupela bai rausim long lain manmeri bilong em. Em i bin brukim kontrak bilong Mi. | |
| Gene | TpiKJPB | 17:15 | ¶ Na God i tokim Ebraham, Long sait bilong Sarai, meri bilong yu, yu bai i no inap kolim nem bilong em Sarai, tasol nem bilong em bai stap Sara. | |
| Gene | TpiKJPB | 17:16 | Na Mi bai blesim em, na givim yu wanpela pikinini man tu long em. Yes, Mi bai blesim em, na em bai i stap wanpela mama bilong ol kantri. Ol king bilong ol manmeri bai i kamaut long em. | |
| Gene | TpiKJPB | 17:17 | Nau Ebraham i pundaun long pes bilong en, na lap, na tok insait long bel bilong em, Bai meri i karim wanpela pikinini long em husat i gat 100 krismas? Na Sara, husat i gat 90-pela krismas, bai karim? | |
| Gene | TpiKJPB | 17:19 | Na God i tok, Tru tumas, Sara, meri bilong yu, bai karim wanpela pikinini man long yu. Na yu bai kolim nem bilong em Aisak. Na Mi bai strongim kontrak bilong Mi wantaim bilong wanpela kontrak bilong oltaim oltaim, na wantaim tumbuna pikinini bilong em bihain long em. | |
| Gene | TpiKJPB | 17:20 | Na long sait bilong Ismael, Mi bin harim yu. Lukim, Mi bin blesim em. Na Mi bai mekim em long karim kaikai, na Mi bai mekim em i kamap planti moa planti moa yet. 12-pela bikman bai em i kamapim, na Mi bai mekim em i kamap wanpela bikpela kantri. | |
| Gene | TpiKJPB | 17:21 | Tasol kontrak bilong Mi bai Mi strongim wantaim Aisak, husat Sara bai karim long yu long dispela taim yet long yia bihain. | |
| Gene | TpiKJPB | 17:22 | Na Em i lusim dispela taim bilong toktok wantaim em, na God i lusim Ebraham na i go antap. | |
| Gene | TpiKJPB | 17:23 | ¶ Na Ebraham i kisim pikinini man bilong em Ismael, na olgeta husat ol meri i karim insait long hauslain bilong em, na olgeta husat em i baim wantaim mani bilong en, olgeta wan wan man namel long ol man bilong hauslain bilong Ebraham, na katim skin bilong laplap bilong sem bilong ol long dispela de stret, olsem God i bin tokim em. | |
| Gene | TpiKJPB | 17:24 | Na Ebraham i gat 99 krismas, taim ol i katim skin bilong laplap bilong sem bilong em. | |
| Gene | TpiKJPB | 17:25 | Na Ismael, pikinini man bilong em, i gat 13 krismas, taim ol i katim skin bilong laplap bilong sem bilong em. | |
| Gene | TpiKJPB | 17:26 | Long dispela de stret ol i katim skin bilong Ebraham, na Ismael, pikinini man bilong em. | |