ISAIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
Chapter 50
| Isai | Kapingam | 50:1 | Dimaadua e-helekai boloo, “Goodou e-hagamaanadu bolo Au ne-hagau agu daangada gi-daha, gadoo be taane ne-hudu gi-daha dono lodo? Ma e-hai beelaa, dehee-laa di beebaa hagadoodonu o-di haga-maewae taga-hai-lodo? Goodou e-hagamaanadu bolo Au ne-hui goodou gi-daha, gadoo be taane e-hui gi-daha ana dama gii-hai nia hege? Ge deeai, goodou ne-hula-hua gi-daha i di-godou hai huaidu, gei goodou ne-hagau gi-daha idimaa godou hai-hala ala ne-hai. | |
| Isai | Kapingam | 50:2 | “Ma e-aha dela agu dama la-hagalee hagalongo-mai gi-di-Au i dogu madagoaa ma-gaa-hana belee daa-mai digaula gi-daha? Gei digaula le e-aha ala hagalee helekai-mai gi-di-Au i dagu gahigahi-mai digaula? E-hai behee: Au e-bagege di-daa-mai digaula? Au e-mee-hua di-haga-maangoo di moana gi agu helekai ge e-haga-bagu nia monowai gii-hai nia anggowaa, gei nia iga ala nogo i-lodo gaa-mmade i-nia wai ne-hagalee. | |
| Isai | Kapingam | 50:3 | Au e-mee di-hai di gololangi gi-bouli gii-hai be-di bouli o-di lodo-huaidu o-di made.” | |
| Isai | Kapingam | 50:4 | Di Tagi go Yihowah ne-aago-mai agu mee e-helekai-iei au gii-mee au di-hagamaaloo-aga digau ala gu-duadua. Nia luada huogodoo Mee e-hai au gi-haga-mahi gi-hagalongo au gi ana mee ala e-aago-mai au. | |
| Isai | Kapingam | 50:5 | Di Tagi go Yihowah ne-gaamai gi-di-au di modongoohia, gei au hagalee hai-baahi gi Mee be e-huli gi-daha mo Mee. | |
| Isai | Kapingam | 50:6 | Au guu-wanga dogu dua gi digau ala e-haga-mamaawa au. Au digi dugu-ina digaula i di-nadau hagahuaidu au, i di-nadau madagoaa dela ne-hudihudi nia ngaahulu o dogu ngudu, ge e-buibui haawale gi ogu golomada. | |
| Isai | Kapingam | 50:7 | Nadau hagahuaidu au le e-deemee di-haga-mmaemmae au, idimaa go di Tagi go Yihowah dela e-hagamaamaa au. Au nogo hagakono huoloo i dogu hagamahi i digaula. Au e-iloo bolo au hagalee hai gii-tee, | |
| Isai | Kapingam | 50:8 | idimaa, Dimaadua la-gu-hoohoo-mai, Mee ga-hagi-aga bolo ogu ihala ai. Ma iai tangada e-hai bolo ia e-hagahuaidu au? Heia a-mee gii-hula gimaadou gi-di gowaa hai-gabunga ngaadahi! Heia a-mee gi-hagahuaidu-ina au i-golo. | |
| Isai | Kapingam | 50:9 | Di Tagi go Yihowah ga-abaaba au i dono huaidina, ge koai dela e-hagi-aga au bolo au e-ihala? Digau huogodoo nogo hagahuaidu au la-ga-hagalee, digaula ga-hagalee, gadoo be-di gahu dela guu-gai go nia hogobinu. | |
| Isai | Kapingam | 50:10 | Goodou huogodoo ala e-hagalaamua Dimaadua ge daudali nnelekai o dana hege, holongo di ala dela e-taele-ai goodou le e-bouli, gei gi-hagadonu Dimaadua, hagadagadagagee gi-di-godou God. | |