ISAIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
Chapter 55
| Isai | Kekchi | 55:1 | Li Ka̱cuaˈ quixye: —Che̱junilex la̱ex li ta̱chakik e̱re, cha̱lkex chi ucˈac chire li haˈ. La̱ex li ma̱cˈaˈ e̱tumin, cha̱lkex. Lokˈonkex ut cuaˈinkex. Cha̱lkex lokˈonkex chi ma̱cˈaˈ e̱tumin. Lokˈomak le̱ vino ut le̱ leche chi ma̱cˈaˈ xtzˈak. | |
| Isai | Kekchi | 55:2 | ¿Cˈaˈut nak te̱sach e̱tumin riqˈuin li moco cua ta? ¿Cˈaˈut nak te̱sach le̱ tojbal riqˈuin li cˈaˈru moco nacˈojla ta e̱chˈo̱l xban? Te̱rabi ut te̱ba̱nu taxak li cˈaˈru ninye e̱re ut te̱tzaca li cha̱bil tzacae̱mk. Ta̱cˈojla̱k e̱chˈo̱l. | |
| Isai | Kekchi | 55:3 | Cha̱lkex cuiqˈuin. Cherabihak li cˈaˈru ninye. Cheba̱nuhak li cˈaˈru ninye ut ta̱cua̱nk e̱yuˈam chi junelic. La̱in tinba̱nu jun li contrato e̱riqˈuin. Texcuosobtesi chi junelic joˈ xinyechiˈi re laj David junxil. | |
| Isai | Kekchi | 55:4 | La̱in xinxakaban re aˈan chi cˈamoc be chiruheb ut chi takla̱nc saˈ xbe̱neb li tenamit ut chixcˈutbal li cua̱tin chiruheb. | |
| Isai | Kekchi | 55:5 | Chaqˈuehak retal. Ta̱bokeb li tenamit li incˈaˈ xanauheb chak ru. Ut eb li tenamit, li incˈaˈ xeˈxnau a̱cuu teˈxic a̱cuiqˈuin saˈ a̱nil saˈ incˈabaˈ la̱in, li Dios Santo, lix Dioseb laj Israel li ninqˈuehoc a̱lokˈal.— | |
| Isai | Kekchi | 55:6 | Sicˈomak li Ka̱cuaˈ nak toj naru xtaubal. Cheya̱ba lix cˈabaˈ nak toj naru texrabi. | |
| Isai | Kekchi | 55:7 | Ut eb li incˈaˈ useb xnaˈleb cheˈxcanabak xba̱nunquil li ma̱usilal. Cheˈxjal lix cˈaˈuxeb ut cheˈcha̱lk riqˈuin li Ka̱cuaˈ ut ta̱uxta̱na̱k ruheb xban. Cheˈcha̱lk riqˈuin li kaDios li kˈaxal nim xcuyum chixcuybal li ma̱c. | |
| Isai | Kekchi | 55:8 | Li Ka̱cuaˈ quixye: —Lin cˈaˈux la̱in moco juntakˈe̱t ta riqˈuin le̱ cˈaˈux la̱ex; chi moco le̱ naˈleb la̱ex juntakˈe̱t riqˈuin lin naˈleb la̱in. | |
| Isai | Kekchi | 55:9 | Kˈaxal cuiˈchic nabal lin naˈleb la̱in ut kˈaxal cha̱bil chiru le̱ naˈleb la̱ex. Lin cˈaˈux la̱in naxkˈax ru le̱ cˈaˈux la̱ex. Chanchan xnajtil li choxa saˈ xbe̱n li ruchichˈochˈ. | |
| Isai | Kekchi | 55:10 | Li hab ut li ratzˈam que nachal chak saˈ choxa ut naxtˈakresi li chˈochˈ. Incˈaˈ nacana yal chi joˈcan. Naxqˈue ban chi qˈui̱c li acui̱mk toj retal nau̱chin ut nacuan iyaj re a̱uc ut nacuan ajcuiˈ re tzacae̱mk. | |
| Isai | Kekchi | 55:11 | Joˈcan ajcuiˈ li cua̱tin. Incˈaˈ nacana yal chi joˈcan. Naxba̱nu ban xcˈanjel joˈ nacuaj la̱in. Naxba̱nu chi tzˈakal li cˈaˈru nintakla cuiˈ, chan li Ka̱cuaˈ. | |
| Isai | Kekchi | 55:12 | Cˈajoˈak xsahil saˈ le̱ chˈo̱l nak tex-e̱lk saˈ li naˈajej cuanquex cuiˈ. Saˈ tuktu̱quil usilal texsukˈi̱k cuiˈchic saˈ le̱ tenamit. Ut teˈoc cuiˈchic chi u̱chi̱nc li cheˈ chi sa saˈ xchˈo̱leb. Ut ta̱e̱lk cuiˈchic chi cha̱bil li acui̱mk saˈ eb li tzu̱l. | |