ISAIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
Chapter 56
| Isai | Kapingam | 56:1 | Dimaadua e-helekai gi ana daangada, “Heia-hua go nia mee ala e-donu ge hai-donu, idimaa Au e-limalima-hua di haga-dagaloaha goodou. | |
| Isai | Kapingam | 56:2 | Au ga-hagamaluagina digau ala e-hagalabagau di Laangi-Sabad i-nia madagoaa huogodoo, ge hagalee hai-hegau-gee gi-di-maa. Au ga-hagamaluagina digau ala hagalee haihai di huaidu.” | |
| Isai | Kapingam | 56:3 | Tangada mai-i-daha dela gu-buni-anga gi nia daangada a Dimaadua, gi-de helekai, “Dimaadua ga-hagalee dumaalia-mai gi-di-au gi-daumaha dalia ana daangada.” Taane dela guu-tuu ono goloo, gi-de hagamaanadu bolo ia e-deemee di madalia nia daangada a God, idimaa ia e-deemee di hai ana dama. | |
| Isai | Kapingam | 56:4 | Dimaadua e-helekai gi tangada beelaa, “Maa goe ga-hagalaamua Au mai dau hagalabagau di Laangi-Sabad, gaa-hai nia mee ala e-manawa lamalia ginai Au, ga-daudali agu haganoho manawa-dahi, | |
| Isai | Kapingam | 56:5 | gei do ingoo ga-langahia mada-duai i-lodo di Hale Daumaha mo i-baahi nia daangada i-di goe ma-gaa-hai au dama-daane mono dama-ahina. Goe ga-deemee di de-langahia.” | |
| Isai | Kapingam | 56:6 | Gei Dimaadua e-helekai gi digau mai i-daha ala ne-buni-anga gi ana daangada, ala e-aloho i-Mee, ge hai-hege gi-Mee, e-hagalabagau di Laangi-Sabad, ge daudali manawa-dahi dana hagababa: | |
| Isai | Kapingam | 56:7 | “Au gaa-lahi goodou gi Zion, dagu gowaa nnoonua dabuaahia, ga-gowadu di tenetene i-lodo dogu hale hai-dalodalo, gaa-hila ang-gi godou hai-tigidaumaha i-hongo dogu gowaa dudu tigidaumaha. Dogu Hale Daumaha ga-hagaingoo bolo di hale hai-dalodalo ang gi-nia daangada o nnenua huogodoo.” | |
| Isai | Kapingam | 56:8 | Di Tagi go Yihowah, dela ne-laha-mai ana daangada Israel gi nadau henua donu mai i-daha, gu-hagababa bolo Ia ga-laha-mai labelaa nia daangada ala i-golo e-hagapuni ang-gi digaula. | |
| Isai | Kapingam | 56:9 | Dimaadua ne-helekai ang-gi nia henua mai i-daha bolo gi-lloomoi be nia manu lodo-geinga gi-holomia ana daangada. | |
| Isai | Kapingam | 56:10 | Mee e-helekai, “Nia dagi huogodoo ala belee hagailoo gi agu daangada le e-dee-gida! Digaula e-de-iloo nia mee. Digaula e-hai be nia paana hagaloohi ala e-hagalee wwouwwou, digaula e-kiikii-hua e-haihai nadau midi. E-hiihai huoloo di kii! | |
| Isai | Kapingam | 56:11 | Digaula le e-hai be nia paana hagagailaa ala e-dee dohu i-nia madagoaa huogodoo. Nia dagi aanei e-de-iloo di hagabaubau. Digaula huogodoo e-hai go nadau mee ala e-hiihai ginai, ge tei gi-halahala dono hagahumalia. | |