EZEKIEL
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
Chapter 4
| Ezek | Kapingam | 4:1 | Dimaadua ga-helekai-mai, “Kooe go tangada-dangada, gaamai dau hadu maluu, dugua i oo mua, maaga-ina dau ala i nonua e-hagamodongoohia di waahale Jerusalem. | |
| Ezek | Kapingam | 4:2 | Nomuli, heia di ada-mee o-di duuli di waahale i-nia aloalo, hagamungamunga gelegele, hale-laa digau dauwa, mo nia laagau haga-mooho di abaaba e-haganiga di-maa belee hai di ada o-di kumi di waahale deelaa. | |
| Ezek | Kapingam | 4:3 | Hagaduulia dau baalanga baabaa gii-hai be di abaaba i-mehanga o goe mo-di waahale, gei goe gaa-huli gi-di waahale. Di waahale gu-duuli, gei go kooe dela tangada e-duuli di-maa. Deenei e-hai di ada-mee ang-gi Israel. | |
| Ezek | Kapingam | 4:4 | “Nomuli gei goe gaa-moe gi-lala gi doo baahi dau-ihala, gei Au gaa-dugu gi oo nua nia huaidu o digau Israel ala ne-hai. Nia laangi e-dolu-lau matiwa-(390) e-noho-iei goe i-golo, e-hagaduadua i-nia huaidu digaula. Au e-hagamodongoohia-adu bolo di laangi e-dahi e-ala be-di ngadau e-dahi o nadau hagaduadua. | |
| Ezek | Kapingam | 4:5 | “Nomuli gei goe gaa-moe gi-lala gi doo baahi dau-ihala, gei Au gaa-dugu gi oo nua nia huaidu o digau Israel ala ne-hai. Nia laangi e-dolu-lau matiwa-(390) e-noho-iei goe i-golo, e-hagaduadua i-nia huaidu digaula. Au e-hagamodongoohia-adu bolo di laangi e-dahi e-ala be-di ngadau e-dahi o nadau hagaduadua. | |
| Ezek | Kapingam | 4:6 | I doo lawa di hai di-mee deenei, gei goe gaa-huli gi doo baahi dau-donu gaa-kae labelaa nia huaidu o digau Judah i-nia laangi e-madahaa-(40). Di laangi e-dahi e-ala be-di ngadau e-dahi ang-gi di hagaduadua o nadau huaidu. | |
| Ezek | Kapingam | 4:7 | “O golomada la-gi-daumadalia di duuli o Jerusalem. Hagaabo-ina oo lima gi-di waahale deelaa, gei gi-heia au helekai kokohp hai-baahi gi mee. | |
| Ezek | Kapingam | 4:8 | Au ga-lawalawa goe gi-deemee di huli goe gi-di baahi dela i-golo gaa-dae-loo gi-di lawa o tuuli deelaa. | |
| Ezek | Kapingam | 4:9 | “Gaamai au ‘wheat’, ‘barley’, ‘bean’, ‘pea’, ‘millet’ mono ‘spelt’. Unugia nia maa gi-heia au palaawaa. Aanei la-go au mee ala e-gai kooe i-nia laangi e-dolu-lau matiwa-(390) i doo moe i doo baahi dau-ihala. | |
| Ezek | Kapingam | 4:10 | Goe e-gaigai au ‘ounce’ e-walu palaawaa i-di langi e-dahi ga-dau-adu-loo gi dono daiaa. | |
| Ezek | Kapingam | 4:12 | Gei goe akaa-ina dau ahi i-hongo nia duudae dangada gu-maangoo, dunaa-ina au palaawaa i-hongo di ahi deelaa, geina nia maa i-mua digau ala e-daumada goe.” | |
| Ezek | Kapingam | 4:13 | Dimaadua ga-helekai, “Deelaa di hai digau ala gaa-gai nia meegai ala guu-bule go taganoho, i dogu madagoaa ma-gaa-lahi digaula gi nnenua mai i-daha.” | |
| Ezek | Kapingam | 4:14 | Gei au ga-helekai gi Mee, “Deeai, meenei Tagi go Yihowah! Au digi hagamilimilia-ina au. Mai hua i dogu dulii, au digi geina nia goneiga manu ala ne-mmade, be di manu ne-daaligi go-di manu lodo-henua. Au digi gai nia goneiga o-di manu dela guu-hai tangada bolo ma di manu gulugulua.” | |
| Ezek | Kapingam | 4:15 | Dimaadua ga-helekai, “E-humalia, Au ga-dugu-adu gi-di-goe gi-akaa-ina dau ahi i-hongo nia duudae kau, gaa-dunu-laa au palaawaa i-hongo nia malala o-di ahi.” | |
| Ezek | Kapingam | 4:16 | Gei mee ga-duudagi ana helekai, “Kooe go tangada-dangada, Au ga-daa gi-daha nia palaawaa ala i-lodo Jerusalem, digau huogodoo ala i-golo ga-manawa-gee huoloo gaa-noho gologolo i-di nadau papauna nadau meegai ala belee gai mo nia wai ala e-inu-ai ginaadou. | |