GENESIS
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
Chapter 35
| Gene | TpiKJPB | 35:1 | ¶ Na God i tokim Jekop, Yu kirap. Yu mas go antap na go long Betel na sindaun long dispela hap. Na long dispela hap yu mas wokim wanpela alta long God, Em i bin kamap long ai bilong yu taim yu bin ranawe long pes bilong Iso, brata bilong yu. | |
| Gene | TpiKJPB | 35:2 | Na Jekop i tok long ol wanhaus bilong en na long olgeta manmeri i stap wantaim em olsem, Yupela i mas rausim ol arapela god giaman i stap namel long yupela. Na yupela i mas stap klin na senisim ol klos bilong yupela. | |
| Gene | TpiKJPB | 35:3 | Na yumi ken kirap na go antap long Betel. Na long dispela hap bai mi wokim wanpela alta long God. Em i bekim tok long mi long taim bilong hevi bilong mi. Na Em i stap wantaim mi long rot mi bin i go long en. | |
| Gene | TpiKJPB | 35:4 | Na ol i givim long Jekop olgeta god giaman i stap long han bilong ol, na olgeta bilas bilong ia i stap long ia bilong ol. Na Jekop i haitim ol aninit long diwai ok i stap klostu long Sekem. | |
| Gene | TpiKJPB | 35:5 | Na ol i bin wokabaut i go, na pret long God i stap long ol biktaun i stap nabaut long ol. Na ol i no ranim ol pikinini man bilong Jekop. | |
| Gene | TpiKJPB | 35:6 | ¶ Olsem na Jekop i kam long Lus, em i stap long hap graun bilong Kenan, na em Betel. Em wantaim olgeta manmeri i stap wantaim em, ol i kam. | |
| Gene | TpiKJPB | 35:7 | Na long dispela hap em i wokim wanpela alta. Na em i kolim dispela ples El-betel. Bilong wanem, God i kamap long ai bilong em long dispela hap, taim em i ranawe long pes bilong brata bilong en. | |
| Gene | TpiKJPB | 35:8 | Tasol Debora, wokmeri bilong Rebeka i lukautim ol pikinini, em i dai pinis. Na ol i planim em daunbilo long Betel aninit long wanpela diwai ok. Na ol i kolim nem bilong dispela diwai Alon-bakut. | |
| Gene | TpiKJPB | 35:9 | Na God i kamap long ai bilong Jekop gen, taim em i lusim Padan-aram Na Em i blesim em. | |
| Gene | TpiKJPB | 35:10 | Na God i tok long em, Nem bilong yu Jekop. Ol i no moa bai kolim nem bilong yu Jekop, nogat. Tasol nem bilong yu bai i stap Isrel. Na Em i kolim nem bilong em Isrel. | |
| Gene | TpiKJPB | 35:11 | Na God i tok long em, Mi God i Gat Olgeta Strong. Yu mas karim kaikai na kamap planti. Bai yu kamap wanpela kantri na bung bilong planti kantri. Na bai yu stap tumbuna bilong ol king. | |
| Gene | TpiKJPB | 35:12 | Na dispela graun Mi bin givim Ebraham na Aisak, bai Mi givim long yu. Na bai Mi givim dispela hap graun long ol tumbuna pikinini bilong yu i kamap bihain long yu. | |
| Gene | TpiKJPB | 35:13 | Na God i lusim em na i go antap long dispela ples Em i toktok wantaim em long en. | |
| Gene | TpiKJPB | 35:14 | Na Jekop i sanapim wanpela pos long dispela ples Em i bin toktok wantaim Em long en, yes, wanpela ston olsem pos. Na em i kapsaitim wanpela ofa bilong dring long dispela. Na tu em i kapsaitim wel long dispela. | |
| Gene | TpiKJPB | 35:15 | Na dispela ples God i bin toktok wantaim em long dispela hap, Jekop i kolim nem bilong en Betel. | |
| Gene | TpiKJPB | 35:16 | ¶ Na ol i lusim Betel na wokabaut i go. Na rot i kam long Efrat em sotpela tasol. Na Resel i pilim pen, na em i gat hatwok long karim pikinini. | |
| Gene | TpiKJPB | 35:17 | Na em i kamap olsem, taim em i hatwok, meri bilong helpim meri i karim pikinini em i tok long em, Yu no ken pret. Bai yu karim dispela pikinini man tu. | |
| Gene | TpiKJPB | 35:18 | Na em i kamap olsem, taim tewel bilong em i laik lusim em (long wanem, em i dai pinis) em i kolim nem bilong em Benoni. Tasol papa bilong em i kolim em Benjamin. | |
| Gene | TpiKJPB | 35:20 | Na Jekop i sanapim wanpela pos antap long matmat bilong em. Dispela em pos bilong matmat bilong Resel inap long dispela de. | |
| Gene | TpiKJPB | 35:21 | ¶ Na Isrel i wokabaut i go. Na em i sanapim haus sel bilong en long hapsait bilong taua Eder. | |
| Gene | TpiKJPB | 35:22 | Na em i kamap olsem, taim Isrel i sindaun i stap long dispela hap graun, Ruben i go na slip wantaim Bilha, wanpela nambatu lain meri bilong papa bilong en. Na Isrel i harim tok long dispela. Nau ol pikinini man bilong Jekop i 12-pela. | |
| Gene | TpiKJPB | 35:23 | Ol pikinini man bilong Lia i olsem, Ruben, namba wan pikinini i kamap long Jekop, na Simion, na Livai, na Juda, na Isaka, na Sebyulan. | |
| Gene | TpiKJPB | 35:26 | Na ol pikinini man bilong Silpa, wokmeri bilong Lia i Gat na Asia. Ol dispela i ol pikinini man bilong Jekop, ol i kamap long em long Padan-aram | |
| Gene | TpiKJPB | 35:27 | Na Jekop i kam long Aisak, papa bilong en, long Mamri, long biktaun Arba. Arba em Hibron, ples Ebraham na Aisak i bin i stap sampela taim. | |