GENESIS
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
Chapter 43
Gene | TpiKJPB | 43:2 | Na em i kamap olsem, taim ol i bin kaikai olgeta dispela wit samting ol i bin bringim i kam long Isip, papa bilong ol i tokim ol, Yupela go gen, na yupela baim sampela kaikai bilong yumi. | |
Gene | TpiKJPB | 43:3 | Na Juda i tok long em, i spik, Dispela man i bin givim stretpela tok nogat long mipela, i spik, Yupela i no ken lukim pes bilong mi, sapos brata bilong yupela i no stap wantaim yupela. | |
Gene | TpiKJPB | 43:4 | Sapos yu salim brata bilong mipela i go wantaim mipela, orait bai mipela i go daun na baim kaikai bilong yu. | |
Gene | TpiKJPB | 43:5 | Tasol sapos yu no laik salim em i go, orait bai mipela i no go daun. Long wanem, dispela man i bin tokim mipela, Yupela i no ken lukim pes bilong mi, sapos brata bilong yupela i no stap wantaim yupela. | |
Gene | TpiKJPB | 43:6 | Na Isrel i tok, Bilong wanem yupela i bin mekim pasin nogut long mi olsem, na yupela i bin tokim dispela man, yupela i gat narapela brata tu? | |
Gene | TpiKJPB | 43:7 | Na ol i tok, Dispela man i askim mipela stret long sindaun bilong mipela, na long kandre bilong mipela, i spik, Papa bilong yupela i stap laip yet? Yupela i gat narapela brata? Na mipela i tokim em bilong bihainim pasin bilong ol dispela toktok. Ating mipela em inap long save tru long em bai tok, Bringim brata bilong yupela i kam daun? | |
Gene | TpiKJPB | 43:8 | Na Juda i tok long Isrel, papa bilong en, Yu salim dispela manki i go wantaim mi. Na bai mipela i kirap na i go. Na bai yumi ken i stap laip, na yumi no ken i dai pinis, mipela wantaim yu na ol pikinini bilong mipela tu. | |
Gene | TpiKJPB | 43:9 | Bai mi stap olsem promis long lukautim em. Long han bilong mi, yu ken askim long em. Sapos mi no bringim em i kam long yu, na sanapim em long pes bilong yu, orait mi ken karim dispela asua inap long oltaim oltaim. | |
Gene | TpiKJPB | 43:10 | Long wanem, sapos mipela i no bin wet, tru tumas, nau mipela i bin kam bek pinis namba tu taim. | |
Gene | TpiKJPB | 43:11 | ¶ Na papa bilong ol, Isrel, em i tok long ol, Sapos nau em i mas i stap olsem, orait yupela mekim olsem, long ol sospen graun bilong yupela, yupela kisim ol nambawan pikinini kaikai long dispela hap graun. Na yupela karim wanpela presen i go daun long dispela man. Yupela kisim i go liklik marasin bilong sua, na liklik hani, na ol kawawar samting, na sanda mur, na ol galip samting, na ol galip almon. | |
Gene | TpiKJPB | 43:12 | Na yupela i mas dabolim mani na kisim i go long han bilong yupela. Na dispela mani yupela i bin bringim i kam gen long maus bilong ol bek bilong yupela, em yupela i mas karim i go gen long han bilong yupela. Ating ol i bin mekim asua long dispela. | |
Gene | TpiKJPB | 43:13 | Na tu yupela i mas kisim i go brata bilong yupela. Na yupela i mas go gen long dispela man. | |
Gene | TpiKJPB | 43:14 | Na God i Gat Olgeta Strong i ken givim sori long yupela long pes bilong dispela man. Na bai em i ken salim i go arapela brata bilong yupela wantaim Benjamin. Sapos mi kisim bel hevi bilong lusim ol pikinini bilong mi, orait mi kisim bel hevi. | |
Gene | TpiKJPB | 43:15 | ¶ Na ol dispela man i kisim dispela presen. Na ol i dabolim mani na kisim long han bilong ol. Na ol i kisim Benjamin. Na ol i kirap na i go daun long Isip. Na ol i sanap long pes bilong Josep. | |
Gene | TpiKJPB | 43:16 | Na taim Josep i lukim Benjamin i stap wantaim ol, em i tok olsem long hetman bilong haus bilong en, Yu bringim ol dispela man i go long haus. Na yu kilim i dai wanpela animal na redim. Long wanem, ol dispela man bai i kaikai wantaim mi long belo. | |
Gene | TpiKJPB | 43:17 | Na dispela man i mekim olsem Josep i tok. Na dispela man i bringim ol man i go insait long haus bilong Josep. | |
Gene | TpiKJPB | 43:18 | Na ol man i pret, bilong wanem, em i bringim ol i kam insait long haus bilong Josep. Na ol i tok, Bikos ol i tingting long dispela mani ol i bin bekim long ol bek bilong yumi long namba wan taim, ol i bringim yumi i kam insait, bai em i ken painim rot bilong birua long yumi. Na ol i ken holimpas yumi na kisim yumi long i kamap ol slev. Na ol i ken kisim ol donki bilong yumi. | |
Gene | TpiKJPB | 43:19 | Na ol i kam klostu long man i lukautim haus bilong Josep. Na ol i toktok wantaim em klostu long dua bilong haus. | |
Gene | TpiKJPB | 43:20 | Na ol i tok, O bikman, tru tumas, mipela i bin kamdaun namba wan taim bilong baim kaikai. | |
Gene | TpiKJPB | 43:21 | Na em i kamap olsem, taim mipela i kamap long haus pasindia, mipela i opim ol bek bilong mipela. Na, lukim, mani bilong olgeta wan wan man i stap long maus bilong bek bilong em. Em mani stret bilong mipela, na mipela i bringim em i kam gen long han bilong mipela. | |
Gene | TpiKJPB | 43:22 | Na arapela mani tu, mipela i bringim i kamdaun long ol han bilong mipela bilong baim kaikai. Mipela i no inap save, husat i putim mani bilong mipela insait long ol bek bilong mipela. | |
Gene | TpiKJPB | 43:23 | Na em i tok, Bel isi i ken i stap wantaim yupela. Yupela i no ken pret. God bilong yupela, na God bilong papa bilong yupela, Em i bin givim samting i dia tru long yupela insait long ol bek bilong yupela. Mi bin holim mani bilong yupela. Na em i bringim Simion i kam long ol. | |
Gene | TpiKJPB | 43:24 | Na dispela man i bringim ol man i kam insait long haus bilong Josep. Na em i givim ol wara, na ol i wasim ol lek bilong ol. Na em i givim kaikai long ol donki bilong ol. | |
Gene | TpiKJPB | 43:25 | Na ol i redim dispela presen inap Josep i kam long belo. Long wanem, ol i harim long bai ol i kaikai bret long dispela hap. | |
Gene | TpiKJPB | 43:26 | ¶ Na taim Josep i kam long haus, ol i bringim i kam insait long haus dispela presen i stap long han bilong ol. Na ol i lindaun i go long graun long em. | |
Gene | TpiKJPB | 43:27 | Na em i askim ol long ol i stap olsem wanem, na em i tok, Papa bilong yupela, dispela lapun man husat yupela i toktok long en, em i orait? Em i stap laip yet? | |
Gene | TpiKJPB | 43:28 | Na ol i bekim tok, Wokboi bilong yu, papa bilong mipela, em i stap gutpela. Em i stap laip yet. Na ol i daunim ol het bilong ol na lindaun long em. | |
Gene | TpiKJPB | 43:29 | Na em i litimapim ai bilong en, na i lukim brata bilong en Benjamin, em pikinini man bilong mama bilong en. Na em i tok, Dispela em i yangpela brata bilong yupela, husat yupela i bin tokaut long em long mi? Na em i tok, God i ken soim marimari long yu, pikinini man bilong mi. | |
Gene | TpiKJPB | 43:30 | Na Josep i hariap i go. Long wanem, bel bilong em i krai long brata bilong en. Na em i painim ples bilong krai. Na em i go insait long rum bilong en, na i krai long dispela hap. | |
Gene | TpiKJPB | 43:31 | Na em i wasim pes bilong en, na i go ausait. Na em i pasim bel bilong en yet, na i tok, Yupela putim bret. | |
Gene | TpiKJPB | 43:32 | Na ol i putim long em long ples bilong em yet, na bilong ol long ples bilong ol yet, na bilong ol Isip i kaikai wantaim em long ples bilong ol yet. Bilong wanem, ol Isip i no ken kaikai bret wantaim ol Hibru. Long wanem, dispela em pasin i sting samting long ai bilong ol Isip. | |
Gene | TpiKJPB | 43:33 | Na long pes bilong em, ol i putim namba wan pikinini bilong bihainim namba bilong em. Na ol i putim yangpela moa olsem em i yangpela. Na ol man i tingting planti namel long ol yet. | |