ISAIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
Chapter 17
| Isai | Kapingam | 17:2 | Nia waahale o Syria ga ono daangada ai gaa-hana hua beelaa, gaa-hai nia gowaa miami siibi mono kau, deai tangada e-hagabagi digaula gi-daha ai. | |
| Isai | Kapingam | 17:3 | Israel ga-deemee di-duuli ia, gei Damascus ga-deemee di-duu modogoia. Digau Syria ala ga-mouli gaa-hai digau haga-langaadia gadoo be Israel. Ko-Au go Dimaadua di Gowaa Aamua ne-helekai.” | |
| Isai | Kapingam | 17:4 | Dimaadua e-helekai, “Di laangi e-dau-mai, gei di aamua of Israel ga-hagaodi, dono maluagina gaa-hai di hagaloale. | |
| Isai | Kapingam | 17:5 | Israel gaa-hai gadoo be di gowaa ma-gaa-tuu ono laagau gaa-hagi ono huwa, gaa-hai di anggowaa be di gowaa mehanga gonduu i Rephaim dela ne-hagi ono huwa hogoohi-loo. | |
| Isai | Kapingam | 17:6 | Digau hogoohi ga-mouli, gei Israel gaa-hai be-di laagau-olib dela ma-gaa-hagi ono huwa huogodoo, ga-hagadubu nia golee e-lua be e-dolu i tahuhu, be hunu huwa dulii ala e-daudau i-hongo nia manga mugi-lala. Ko-Au go Yihowah, go di God o Israel ne-helekai.” | |
| Isai | Kapingam | 17:7 | Di laangi deelaa ma-ga-dau-mai, nia daangada gaa-huli gi God Dabuaahia o Israel, dela ne-hai nia mee huogodoo, bolo gi-hagamaamaa-ina ginaadou. | |
| Isai | Kapingam | 17:8 | Digaula gu-hagalee gana gi-nia gowaa hai-tigidaumaha ala ne-bida hai gi nadau lima, be e-hagadonu di-nadau mee dela ne-hai gi nadau lima: ala go nia ada god-ahina Asherah mo nia gowaa dudu tigidaumaha lolo-kala. | |
| Isai | Kapingam | 17:9 | Di laangi deelaa ma-ga-dau-mai, gei nia waahale maaloo gaa-hai nia angaa guongo, ga-diiagi gi-mooho be nia waahale ala ne-diiagi go digau Hivite mo digau Amor i nadau llele hagammuni i digau Israel. | |
| Isai | Kapingam | 17:10 | Israel, goe gu-de-langahia-e-goe di God dela e-benebene ge duuli goe gadoo be-di hadu maaloo dangihi. Gei goe guu-dogi nia laagau i-lodo au hadagee dabu belee daumaha-iei goe gi-nia god tuadimee. | |
| Isai | Kapingam | 17:11 | Ma e-aha ma-ga-matilitili gaa-hai ono akai i-di luada hua dela ne-dogi nia maa kooe, gei nia maa hagalee huwa. Nia haingadaa hua, mono hagammaemmae deemee di hagahili. | |
| Isai | Kapingam | 17:12 | Nnenua maaloo gu-ngalungalua ngoloolo be di moana, gadoo be nia beau llauehe maaloo ma-ga-bagubaguu. | |
| Isai | Kapingam | 17:13 | Nia henua llauehe e-lloomoi be nia beau maaloo, gei God gaa-dugu digaula, digaula gaa-hula gi-muli gaa-llele gadoo be nia gelegele gohu dogolia i-taalinga di gonduu, gadoo be di manga laagau e-hahaangi i-di madangi. | |