ISAIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
Chapter 19
| Isai | VulgSist | 19:1 | Onus Aegypti. Ecce Dominus ascendet super nubem levem, et ingredietur Aegyptum, et commovebuntur simulachra Aegypti a facie eius, et cor Aegypti tabescet in medio eius. | |
| Isai | VulgSist | 19:2 | Et concurrere faciam Aegyptios adversus Aegyptios: et pugnabit vir contra fratrem suum, et vir contra amicum suum, civitas adversus civitatem, regnum adversus regnum. | |
| Isai | VulgSist | 19:3 | Et dirumpetur spiritus Aegypti in visceribus eius, et consilium eius praecipitabo: et interrogabunt simulachra sua, et divinos suos, et pythones, et ariolos. | |
| Isai | VulgSist | 19:4 | Et tradam Aegyptum in manu dominorum crudelium, et rex fortis dominabitur eorum, ait Dominus Deus exercituum. | |
| Isai | VulgSist | 19:6 | Et deficient flumina: attenuabuntur, et siccabuntur rivi aggerum. Calamus et iuncus marcescet: | |
| Isai | VulgSist | 19:7 | nudabitur alveus rivi a fonte suo, et omnis sementis irrigua siccabitur, arescet, et non erit. | |
| Isai | VulgSist | 19:8 | Et moerebunt piscatores, et lugebunt omnes mittentes in flumen hamum, et expandentes rete super faciem aquarum emarcescent. | |
| Isai | VulgSist | 19:10 | Et erunt irrigua eius flaccentia: omnes qui faciebant lacunas ad capiendos pisces. | |
| Isai | VulgSist | 19:11 | Stulti principes Taneos, sapientes consiliarii Pharaonis dederunt consilium insipiens: quomodo dicitis Pharaoni: Filius sapientium ego, filius regum antiquorum? | |
| Isai | VulgSist | 19:12 | Ubi nunc sunt sapientes tui? annuncient tibi, et indicent quid cogitaverit Dominus exercituum super Aegyptum. | |
| Isai | VulgSist | 19:13 | Stulti facti sunt principes Taneos, emarcuerunt principes Mempheos, deceperunt Aegyptum, angulum populorum eius. | |
| Isai | VulgSist | 19:14 | Dominus miscuit in medio eius spiritum vertiginis: et errare fecerunt Aegyptum in omni opere suo, sicut errat ebrius et vomens. | |
| Isai | VulgSist | 19:15 | Et non erit Aegypto opus, quod faciat caput et caudam incurvantem, et refrenantem. | |
| Isai | VulgSist | 19:16 | In die illa erit Aegyptus quasi mulieres, et stupebunt, et timebunt a facie commotionis manus Domini exercituum. quam ipse movebit super eam. | |
| Isai | VulgSist | 19:17 | Et erit Terra Iuda Aegypto in pavorem: omnis, qui illius fuerit recordatus, pavebit a facie consilii Domini exercituum, quod ipse cogitavit super eam. | |
| Isai | VulgSist | 19:18 | In die illa erunt quinque civitates in Terra Aegypti, loquentes lingua Chanaan, et iurantes per Dominum exercituum: Civitas solis vocabitur una. | |
| Isai | VulgSist | 19:19 | In die illa erit altare Domini in medio Terrae Aegypti, et titulus Domini iuxta terminum eius | |
| Isai | VulgSist | 19:20 | erit in signum, et in testimonium Domino exercituum in Terra Aegypti. Clamabunt enim ad Dominum a facie tribulationis, et mittet eis salvatorem et propugnatorem, qui liberet eos. | |
| Isai | VulgSist | 19:21 | Et cognoscetur Dominus ab Aegypto, et cognoscent Aegyptii Dominum in die illa, et colent eum in hostiis et in muneribus: et vota vovebunt Domino, et solvent. | |
| Isai | VulgSist | 19:22 | Et percutiet Dominus Aegyptum plaga, et sanabit eam, et revertentur ad Dominum, et placabitur eis, et sanabit eos. | |
| Isai | VulgSist | 19:23 | In die illa erit via de Aegypto in Assyrios, et intrabit Assyrius Aegyptum, et Aegyptius in Assyrios, et servient Aegyptii Assur. | |
| Isai | VulgSist | 19:24 | In die illa erit Israel tertius Aegyptio et Assyrio: benedictio in medio terrae, | |